Assalawma a’leykum qa’dirli doslar. “Sipayiliq ha’m a’deplilik ha’r qanday adamnin’ basqa qa’bilyetlerin bezep turiw za’ru’r”, – degen eken anglichan diplomati F. Chester field. Til tabisqish adam a’tirapindag’ilardi hu’rmet etiw siyaqli sipatlar ko’pshilik adamlarda tabila bermeytug’in a’hmiyetli ha’m unamli ta’repi esaplanadi. Biraq etika degen tu’sinik te bar. Solay etip, olardin’ parqi ne eken?
Etiket – birinshiden malum bir do’gerekte o’zin qalay tutiw kerek bolg’an qag’iydalardi alip keliwshi ken’ tu’sinik bolip tabiladi. Aldinlari joqari topardag’i adamlardin’ saltanatli ma’jilislerinde miymanlarg’a sa’wbetlesiw qag’iydalari jazilg’an kartochkalar tarqatip berilgen. A’sirese, “etiket” so’zi de usi kartochkalar sebepli payda bolg’an. Bu’gingi ku’ni etiket, o’zin tutip biletug’in degen tilge tiyisli bolip qaldi.
Doslar, kelin’, sizler menen zamanago’y etikettin’ bazi qag’iydalarin ko’rip shig’amiz. 1. Aqsu’yekler menen sa’wbette qadag’alang’an to’rt na’rse bular: siyasat, den-sawliq, din ha’m pul haqqinda eken. Eger siz “Jaqsi suliw ko’ylek satip alipsiz! Qanshag’a aldin’iz?”, degen orinsiz sorawdi esitip qalsan’iz, o’zin’izdi joytip qoyman’. Da’rriw, “Bul ku’tilmegen sawg’a”, dep juwap berin’ ha’m temani o’zgerttirin’. Eger ol adam baxasin biliwdi ju’da qa’lep atirg’an bolsa, na’ziklik penen “Bul haqqinda so’ylesiwdi qa’lemegen bolar edim”, dep tu’sintirin’. 2. Xalqara protokolg’a ko’re en’ ko’p zergerlik olar 13 predmtten ko’p bolmawi kerek. Qolg’aptin’ u’stinen ju’zik tag’ilmaydi, biraq bileku’zik tag’iw mu’mkin.
Keshki ha’m tu’n’gi mereke, toy yamasa otirispaq ushin ku’ndizgige qarag’anda ko’birek qimbat baxali taqinshaqlar tuwri keledi. Aldinlari almazlar keshki merekelerde turmisqa shiqqan hayallar ta’repinen tag’ilatug’in bolg’an bolsa, ha’zirgi ku’ni bolsa olar ku’ndizi de tag’ilatug’in bolg’an. Turmisqa shiqpag’an qizlar ushin 0,25 karatli almazlar tuwri, dep belgilengen.
3. Miymang’a aytpay barg’an jaqsi emes. Eger miyman sizdin’ u’yin’izge aytpay kelgen bolsa, onda siz onin’ aldinda qa’legen kiyimin’izde otiriwin’iz mu’mkin.
4. Bastirman’izdi yamasa zontikin’izdi ofisda yamasa miymang’a barg’anin’izda hesh qashan aship qoyip keptirmen’. Oni jiynap, qistirip qoyin’ yamasa na’rseler ushin belgili stolg’a qoyip qoyin’. Uliwma alg’anda zontikti u’yde de aship keptirmen’, sebebi onin’ tawari tartilip, bekkemligin jog’altadi.
5. Solafan paketlerdi yamasa butikten aling’an brend paketlerdi sumka iretinde ko’termen’ yamasa paydalanban’. Olardin’ butikten kelgennen son’ qa’diri qalmaydi. Brend paketin ko’teriwde dawam etiw jaqsi sipat emes!
6. Sumkani otirg’ishqa yamasa tizen’izge qoyip otiriw jaraspaydi. Kishkene sumka-klachlardi stoldin’ u’stine qoysaq boladi, biraq u’lken sumkalardi polg’a qoyiw kerek yamasa otirg’ishtin’ qolina qistirip qoyiw kerek. Portfel bolsa tek g’ana polg’a qoyiliwi kerek. Eger hayal adam dostin yamasa tanisin restorang’a mira’a’t etse, to’leminde o’zi to’leydi. Biraq eki adam o’z-ara kelisip barilg’an bolsa, ha’r kim o’zine to’leydi. Eger erkek buyirtpag’a o’zi to’lewdi aytsa, hayal adam oni qabil etiwi mu’mkin. Liftge birinshi erkekler kiredi, biraq shig’atug’in waqitta lifttin’ esigine kim jaqin tursa, sol adam birinshi shig’adi.
