Assalawma a’leykum hu’rmetli doslar. Siz doslarimiz benen ja’ne efirde ushirasip turg’animizdan quwanishlimiz. Natiqliq, taniqli natiqlardin’ ko’pshiligi xizmetlerinin’ basinda qatti natiq bolg’anlarin ko’pshiligimiz bilemiz.

Ha’tteki Tsitsiron o’zinin’ pa’s dawisi ha’m tribunada turip so’ylegeninde u’yalshaqlig’i menen gu’resiwge tuwra kelgen. Sog’an qaramay, hesh kim a’melde so’ylep bile alatug’inin da’llilep bere almaydi eken.

Eger kim waz aytiw ushin joqaridan shaqirilg’an bolsa, og’an so’ylew qa’bilyeti de berilgen boliwi kerek ha’m ol bul qa’bilyetti qolinan kelgenshe rawajlandiriwi kerek. Eger so’ylew og’an uliwma berilmegen bolsa, adam oni o’zinde rawajlandiriwi mu’mkinligin aytiw qiyin.

Men waz aytiw ushin ju’da ku’shli qa’lewi bar bolg’an bir adam haqqinda esitkenmen. Ol o’zinin’ shopaninan buni sorap qoymag’aninan son’, shopani og’an sinaw iretinde waz aytiwg’a ruwxsat beripti. Biraq onin’ birinshi ta’jiriybesi onin’ barliq intiliwi ha’m qa’lewlerine shek qoyipti.

Sebebi ol tribunag’a bayanatin aytiw ushin shiqqaninda, ne deyjag’inin’ ha’mmesin umitip qalipti ha’m ol tin’lawshilarina tek g’ana bilay dep ayta alipti: “Tuwisqanlarim, eger sizlerdin’ aran’izda kimdir waz aytiw ju’da an’sat, dep oylasa, onda mna tribunag’a minip usinin’ menen o’zinin’ menmenligi ha’m qirsiqlig’inan qutiliwin ma’sla’hat beremen”.

Eger sizde waz aytiw ushin jeterli tu’rde qa’bilyetlerin’iz bolmasa, o’zin’iz benen usig’an uqsas ta’jiriybe o’tirip ko’rsen’iz bug’an an’satqana guwa bolawin’iz mu’mkin. Bizler o’zlerimizdi bul iste qunt penen sinap ko’riwimiz kerek, bolmasa Quday bizlerdi waz aytiwg’a shaqirg’anin yamasa shaqirmag’anlig’ina isene almaymiz.

Bul sinaw waqitinda wazlarimiz arqali adamlarg’a payda keltiriwge u’mit ete alamiz ba dep tez-tezden sorawimiz kerek. Biraq bul iste bizler tek g’ana hu’jdanimizg’a, o’z qararimizg’a su’yene almaymiz, sebebi bizler ha’mme waqitta o’zimizge haq baxa beriw imkaniyatina iye emespiz.