Assalawma a’leykum hu’rmetli radio tin’lawshi doslar. Sizler menen ja’ne efir arqali ushrasip turg’animizdan quwanishlimiz. Doslarim, bu’gin sizler menen talant ha’m uqipliliq haqqinda so’ylespekshimen.

Jer ju’zinde ha’r bir adamda talant ha’m uqipliliqtin’ eki tu’ri boladi eken. Birinshisi bul sizge ata-babalarin’izdan o’tip kelyatirg’an talant ha’m uqipliliq bolsa ekinshisi bul siz Jaratqan Iyemizdi ju’regin’izge ha’m o’mirin’izge qabil qilg’an gezin’izge berilgen talant ha’m uqipliliq eken. Ekinshi talent ha’m uqipliliq haqqinda aytatug’in bolsaq olar ha’m ha’r qiyli boliwi mu’mkin eken.

Quday A’kemiz bazi adamlarg’a Xosh Xabar aytiw talantin berse, basqa birewlerge oqitiwshiliq talantin, yamasa ja’ne de basqa ha’r qiyli talant ha’m uqipliliqti beredi. Usi talant ha’m uqiplar adamlarda birden payda bolsa, basqalarda a’ste waqit o’tiwi menen o’zlerin ha’r qiyli xizmetlerde sinap ko’rgennen son’ payda boladi eken. Uliwma aytanqanda talantsiz ha’m uqipsiz adamlar bolmaydi eken, ha’r bir adam qanday da bir na’rselerge uqipli boladi. A’dette tuwma talant penen Qudaydan berilgen talant ha’m uqipliliq arasinda baylanislar bar eken.

Jaratqan Iyemiz bul talantlardi ha’r birimizge a’hmiyetli ma’qset penen beredi. Bizler olardi bul o’mirde jaqsi ha’m u’nimli paydalaniwimiz kerek dep oylayman. A’sirese Qudayg’a ha’m bir-birimizge bolg’an xizmetimizde ken’ qollansaq og’ada jaqsi bolar edi. Kishkene bir misal, joqarida aytip o’tkenimizdey ha’mmemizge talant ha’m uqipliliq Jaratqan Iyemizden beriledi eken. Talant degende qosiq aytiwg’a, su’wret saliwg’a, kitaplar jaziwg’a, ha’r qiyli o’ner qilip biliw ha’m tag’i basqa talantlardi o’mirlerimizde Qudayg’a bolg’an xizmetimizde paylaniwimiz mu’mkin. Uqiplig’imiz arqali doslarimizg’a, tuwisqanlarimizg’a, qon’silarimizg’a ha’tteki ko’shede ketip baratirg’an adamlarg’a qarata ha’m paydalaniwimiz mu’mkin. Misali, olardin’ mu’tajlikleri ushin duwa etiw arqali, olardan xabar alip qollap quwatlaw arqali, Iyemiz Iysani bilmeytu’g’in tanislarimizg’a Muxaddes Kitapti oqip berip olar ushin ha’mme waqit erinbesten duwada boliwimiz ha’m tag’ida basqa xizmetlerimiz Jaratqan Iyemizge u’lken alg’islar alip keledi.

Demek, qa’dirli doslar Qudaydin’ jarilqawi ha’mme waqit sizler menen boladi dep sizlerdi isentire alaman. Kelin’ler su’yispenshilikke tola Jaratqan Iyemizdi bizlerge berilgen talant ha’m uqiplarimiz arqali Oni ha’mme waqit alg’islayiq.

Usinin’ menen ha’zirshe xoshlasip, keying esittiriwmizde ja’ne ushirasqansha dep qalaman qa’dirli doslar.