Assalawma a’leykum qa’dirli tin’lawshi doslarimiz. Sizler menen ja’ne Danaliq radiosinda ushirasip turg’animizg’a Qudayg’a sheksiz minnetdarmiz. Doslar, bu’gingi esittiriwimizdi Iyemiz Iysa Masiyxtin’ bir ga’pi menen baslamaqshi edik. Iyemiz bilay dedi: “Biraq sizler bunday bolman’lar. Kerisinshe, aran’izda en’ u’lken bolg’an en’ kishidey bolsin, basshi da xizmetshidey bolsin”. Luka kitabinin’ 22 bap 26 ayatinda aytilg’an. O’ytkeni kim de kim o’zin joqari tutsa, ol pa’sletiledi, kim de kim o’zin pa’s tutsa, ol ma’rtebeli qilinadi.

Qudaydin’ ja’ma’a’t ushin belgilegen rejesine ko’re, basshilar kishipeyil, miyrimli xizmet penen qanaatlanadi. Ja’ma’a’t basshilig’i bul basqariwshi emes, al xizmetshi bolip esaplanadi. Biraq ko’binese usi jerde ko’pshilik shopanlar qa’telesedi ha’m o’zlerin ja’ma’a’tlerdin’ direktori dep oylaydi. Quday basshilardi basqariwshi monarxlar boliwi ushin qoymadi, al boysinatug’in xizmetshiler bolsin, taniqli adamlar emes, al miynet etiwshi xizmetkerler boliwin qa’leydi. Qudaydin’ xalqin jeteleytug’in adam, en’ basli xizmetine sadiq, miyrimli ha’m boysiniwshilig’in ko’rsetetug’in boliwi lazim dep oylaymiz.

Qa’dirli tin’lawshilar, yadin’izda bolsa Iysanin’ O’zi sha’kirtlerinin’ ayaqlarin juwiw ushin iyilgeninde, bizlerge jaqsi misal ko’rsetken edi. A’dette bul isti en’ pa’s qullar orinlaytug’in bolg’an. Doslar, Iyemizdin’ usi a’jayip xizmeti haqqinda Yuxan kitabinin’ 13 babinda oqip aliwin’iz mu’mkin.

Padag’a qaraw menen ja’ma’a’t basshilig’inin’ arasinda bir u’lken pariq bar. Haywanlardi bag’iw ushin qanday da bir basqasha uqipliliq talap etiledi. Bunin’ ushin ilmiy da’rejege iye boliw kerek emes. Bul is qiyin ta’repi menen ajiralmaydi. Muxaddes Kitap da’wirindegi jas o’spirimler, misali Dawit qoylardi baqqan, sol waqitlari jasi u’lken erkekler ko’birek sheberlik ha’m joqari talap etiletug’in waziypalardi orinlag’an.

Ruwxiy qoylardin’ padasin jetelew bul a’piwayi waziypa emes. Bul a’piwayi awil balasinin’ ku’shi jetetug’in juwapkershilik de emes. Onin’ talabin qandiriw qiyin. Ha’r qanday adam og’an tuwri kele bermeydi, o’zinin’ minsizligi menen tuwri keletug’inlardin’ da arasinda da bul miynette ha’m xizmette jetisiwshilikke erisetug’inler az.

Ruwxiy basshiliq bul xizmet ushin shin ju’reginen tayar, ha’r ta’repleme sheberlikke iye bolg’an ha’m kewili taza adamdi talap etedi. Qa’dirli doslar, bul xizmetshi oqitiwshi, a’sker, gu’resetug’in, atlet, diyqan ha’m qul waziypasin orinlawi lazim. Usinin’ menen birge sirtqi ko’rinisi balaliq sipatlarin saqlawi kerek.

Usinin’ menen hu’rmetli doslar, bu’gingi shopanlar haqqindag’i temamiz o’z juwamag’ina jetti. Bizlerdin’ internettegi saytimizdin’ ma’nzili danaliq.com. usi saytimiz arqali biyma’lel paydalaniwin’iz mu’mkin. Sizler menen Danaliq radiosinda ja’ne ushirasqansha saw-salamat bolin’.