Assalawma a’leykum qa’dirli doslar. Sizler menen ja’ne ushrasip turg’animizdan quwanishlimiz. “Shopan” so’zin esitkenin’izde, oyin’izg’a qanday ko’rinis keledi? degen soraw menen bu’gingi esitiriwimizdi baslamaqshiman.

Masiyxiy tuwisqanlarimizdin’ oylarina ja’ma’a’t shopanlari keledi, basqa adamlardin’ oylarina, tawlarda qoy bag’ip ju’rgen shopanlar keledi. Hu’rmetli doslar, bizler ko’birek, “o’z o’mirin qozilar ushin bag’ishlag’an” sadiq shopandi ko’z aldimizg’a keltiremiz. A’lbette onin’ u’yi ha’mme waqit adamlarg’a tola, Ol ha’mme waqit awiriwlarg’a g’amxorliq qiladi, urisqanlardi jarastiradi, ha’mmege xizmet etedi. Ol ha’tteki o’zinin’ shan’arag’in derlik ko’rmeydi. A’dette onin’ ja’ma’a’ti o’speydi, o’zi bolsa qatti sharshaydi. Tag’i siz basqa shopannin’ isin, zamanago’y “professional” xizmetshini ko’z aldin’izg’a keltiriwin’iz ha’m mu’mkin. Ol adamda Muxaddes Kitap kolledjenin’ diplomi ha’m o’zine isengen adam ko’rinisi boliwi mu’mkin. Jan’a usillar ha’m metodlar onin’ ushin Qudayg’a bag’ishlaniwdin’ ornin basadi, xizmet qiliw bolsa onin’ ka’spi bolip qaladi ha’m jeke o’mirinen ajraladi.

Jigirma birinshi a’sir masiyxiy jetekshisi yamasa basqasha qilip aytatug’in bolsaq, uliwma shopan o’zi qanday boliwi kerek? Qa’dirli doslar, Iyemiz Iysa Masiyx bu’gingi ku’ni ha’m bizlerge jariq misal bola aladi. Ol “professional” xizmetshiden ha’m ulliraq.

Ol O’zin qurban qila alatug’in shin Shopan. Iyemiz Iysa Masiyx O’z sha’kirtleri menen birge jasaydi, olarg’a g’amxorliq qiladi ha’m olar menen o’mirlerinin’ pu’tkil qiyinshiliqlarin birge bo’lisedi. Ol olardin’ o’mirlerin toliq o’zgerttiriwge ha’m barlig’ina jan’a ma’nis beredi.

Iysa Masiyx haqiyqiy jol baslawshi bolip tabiladi. Ha’zirgi ku’nde Sha’kirtlik haqqinda kitaplar ju’da az. Bul haqqinda wazlar ha’m kem esitemiz. Qa’dirli doslar ha’m ja’ma’a’t shopanlari, kelin’ Iyemiz Iysag’a uqsawg’a ha’m Onin’day muxaddes o’mirdi jasawg’a ha’reket eteyik. Ko’pshiligimiz bilemiz Jaratqan Iyemiz ko’plegen ja’ma’a’tlerde a’jayip shopanlardi O’zinin’ xizmetinde isletip kelyatir. Ha’r birimiz o’z shopanlarimiz ushin ha’mme waqit duwada bolayiq. Sebebi olar shaytan menen bolip atirg’an urista aldin’g’i qatarda ju’redi. Quday olardi azg’iriliwlardan saqlap olarg’a ku’sh bersin.

Usinin’ menen doslar bu’gingi temamizdi juwmaqlap sizler menen waqtinsha xoshlasamiz. Saw-salamat bolin’.