Assalawma a’leykum qa’dirli tin’lawshilar. Siz qa’dirli tin’lawshilar menen ja’ne efir arqali ushrasip turg’animizdan quwanishlimiz. Bu’gingi temamiz sizler menen jan’a isenimge kelgen tuwisqanlarimizdi ruwxlantiriw ha’m de olardin’ barliq qarim-qatnaslari rawajlaniwi haqqinda boladi.

Jan’a isenimge kelgen tuwisqanlarimiz ushin qilatug’in yamasa beretug’in ja’rdemimiz bul olar ushin tinimsiz duwa etiwimiz eken. Sebebi basinda olarda ekileniwler, ha’r qiyli hu’jimler boliwi mu’mkin. A’welem bar, Jaratqan Iyemizge shu’kirlik bildireyik. Ol bizlerdi tuwisqanlarimiz benen birlestirgeni ushin, bizler menen birge aramista bolg’ani ushin raxmet aytayiq.

Hu’rmetli doslar, jan’a isenimge kelgen tuwisqanlarimiz benen tez-tezden ushrasip turiwimiz olarg’a iseniminde bekkem turiwg’a ha’m ku’shli boliwg’a ja’rdem beredi eken. Ila’ji bolsa o’zlerin’izdin’ ha’m qabil etken jan’a o’mirin’iz tuwrali guwaliq bersen’iz boladi. Quday o’mirin’izde ne qilg’an bolsa olar menen bo’lisiwge ha’reket etin’.

Ruwxlantiriw adamlarg’a oylag’anlarinan ha’m ko’birek islerdi qiliwina ja’rdem beredi eken. Muxaddes Kitapta Evreylerge jazilg’an xattin’ 10:25 ayatinda ha’m ruwxlantiriw haqqinda bilay delingen: “Ayirim adamlardin’ a’detke aylandirg’aninday, jiynalislarimizdi qaldirmayiq. Kerisinshe, Iyemiz keletug’in sol ku’nnin’ jaqinlag’anin bilip, bir-birimizdi ele de ko’birek jigerlendirip barayiq.”

Doslar, bir-birin’izge xizmet etiwde sharshaman’. Ila’ji bolsa ha’pte dawaminda tuwisqanlarin’iz benen bir ma’rte ushrasip birgelikte duwa etin’ler. Muxaddes Kitapti oqip u’yrenin’ler ha’m oqig’anlarin’iz tiykarinda bir-birin’izdi ruwxlantirin’lar. Doslarin’izdin’, tuwisqanlarin’izdin’ baslarina qiyinshiliq tu’skende g’ana emes, al quwanishli ku’nlerinde de qasinda bolip quwanishin bo’lisiwge ha’reket etin’.

Hu’rmetli radio tin’lawshilar, eger sizlerde pikirlerin’iz bolsa, bizlerge jollasan’iz boladi. Bizlerdin’ ma’nzilimiz danaliq.com. Sizlerdin’ pikirlerin’izdi ku’tip qalamiz. Xosh saw-salamat bolin’.