Assalawma a’leykum hu’rmetli doslar. Sizler menen ja’ne efir arqali ko’risip tu’rg’animizdan ju’da’ minnetdermiz. Mikrofon aldinda sizler menen men Sarbinaz. Ha’zirgi ku’nde ha’r bir Masiyxiydin’ duwasi minanaday boliwi kerek dep oylayman: “Aspandag’i A’kemiz, Iysa Masiyx, Sen bizlerdi O’zin’ tan’lap ha’r dayim o’zgerttirip kelyatirg’anin’ ushin raxmet.
Bizlerdi O’zin’ o’nimli jerge tu’sken tuqimday qil, ju’z ese zu’ra’a’t bereyik”. Ha’r birimiz o’z o’zlerimizge soraw berip ko’riwimiz kerek. Yag’niy, men qanday topiraqpan? Mark jazg’an Xosh Xabardin’ 4:1-20 ayatlarin oqip shiqsaq usi sorawlarimizg’a jeterli juwap tabamiz dep oylayman. Bunday sorawlar tiykarin o’zlerin’iz ha’m oylanip ko’rsen’iz boladi.
Yag’niy, Siz ha’zirgi ku’nde o’zlerin’izdi qanday topiraqqa uqsatasiz? Jaqsi topiraq bola aliwimiz ushin ne islewimiz kerek? Shama menen bes jildan keyin ha’m jaqsi topiraq bolip qaliwimiz ushin ne islewimiz kerek? Qa’dirdanlarim, rejelerin’iz a’melge asiwi ushin tuwisqanlarin’iz benen birgelikte duwa etin’ler. Eger bizler birge duwa etsek, Aspandag’i A’kemiz bizlerdin’ tileklerimizdi a’lbette a’melge asiradi.
Ju’regimizde ne bolsa, ol haqqinda Qudayg’a iqlasliq penen shin ju’rekten aytayiq. Yaqip kitabinin’ 1:25 ayatinda bilay jazilg’an: “Biraq azatliq beriwshi minsiz nizamg’a aniqlap qaraytug’in ha’m ol boyinsha jasaytug’in adam umitshaq tin’lawshi bolmay, oni is ju’zinde qollanadi. Bunday adam o’z isleri menen baxitli boladi.” Demek, baxitli adam kim? Qudayg’a boysiniwimiz ushin neler tosqinliq qiladi?
Aspandag’i A’kemiz, bizlerdin’ gu’na’larimizdi juwg’anin’ ushin Sag’an minnetdermiz. Bizlerdi Senin’ So’zin’di tek g’ana tin’lawshilar emes, al orinlawshilar qilg’aysan’. Senin’ Atin’ ullilansin. Awmin.
Hu’rmetli radio tin’lawshi tuwisqanlar. Joqaridag’i ayatlardi yadlaw ha’m ha’r birimizdin’ ruwxiy o’siwimiz ushin kepil boladi. Muxaddes Kitapti oqig’animizda joqaridag’i sorawlar menen Qudaydin’ So’zlerin o’z o’mirlerimizde qollaniwg’a ha’reket eteyik.
Kerek bolsa Qudaydin’ So’zlerin qayta-qayta oqip shig’ayiq. Ila’ji bolsa yadlap alayiq ha’m ol haqqinda pikirler ju’rgizeyik. Jaratqan Iyemiz bergen pikirlerdi jazip bariwimiz ha’m ju’da’ paydali. Qudaydin’ So’zine tiykarlanip olardi o’z o’mirlerimizde qalay paydalanamiz? Kerek bolsa bizlerdi qiynap atirg’an na’rselerden Quday bizlerdi azat etiwin sorayiq. Usi arqali Quday ruwxiy o’siwimiz ushin bizlerdi aldig’a qarap ju’riwimiz ushin imkan jaratip beredi.
Jaratqan Iyemiz ha’r birewimizge bergen wa’desinde sadiq turadi. Solay etip qa’dirli tin’lawshilar, bu’gingi esittiriwimiz o’z juwmag’ina jeter eken, sizler menen xoshlasar ekenbiz, ha’r birin’izge Qudaydin’ tinishlig’i ha’m bereketin sorap qalaman. Xosh saw-salamat bolin’.
