Assalawma a’leykum hu’rmetli tin’lawshilar. Siz benen “Danaliq” radiosi. Qudaydin’ ha’mme na’rse ushin rejesi bar. Qudaydin’ haywanlar, o’simlikler ha’m bizler ushin da rejesi bar. Quday haywanlarg’a instinct yamasa sezim bergen.
Olardin’ ja’rdeminde haywanlar o’zleri ushin awqat tabiwdi ha’m o’zin qorg’awdi biledi. Kishkene tuqimnan gu’l o’sip shig’atug’inin ha’mmemiz bilemiz. Quday gu’ldin’ barliq sipatlarin sol tuqimg’a jaylastirg’an. Tuqimdi jerge ekkenin’izde, tap siz ekken na’rse o’sip shig’adi.
Eger lala gu’l eksen’iz, lala gu’l o’sedi. Ta’biyat Qudayg’a boysinadi. Eger haywanlar ha’m o’simlikler o’zinin’ waziypalarin orinlamag’aninda, du’nyada ta’rtipsizlik bolg’an bolar edi. Qudaydin’ bizler ushin da rejesi bar. Ol bizlerdin’ ta’rtipli boliwimizdi qa’leydi.
O’simlikler ha’m basqa barliq jaratilislar siyaqli bizler de Qudaydin’ do’retpesimiz. Biraq bizler olardan Qudaydin’ su’wreti boyinsha jaratilg’animiz benen ajiralip turamiz. Ol bizlerge tan’law huquqin berdi. Geybir adamlar Qudaydin’ izinen eriwdi ha’m Og’an boysiniwdi qa’leydi. Al geybirewler bolsa Oni qabil etpeydi. Eger bizler Qudaydin’ aytqanlarin etsek, bizler Og’an quwanish a’kelgen bolamiz ha’m o’zlerimiz de baxitli jasaymiz.
Men baxitli boliwdi ha’m Qudaydin’ mag’an qarap quwaniwin qa’leymen. Doslar, kelin’, bir a’piwayi misal aytip o’temiz. Men qolimda sipse uslap turippan dep ko’z aldimizg’a keltireyik. Sipsenin’ waziypasi, men qa’legen na’rseni tazalawi. Eger men asxanani sipiriwdi qa’lesem, men sipseni alip, sipiraman. Ol ha’mme waqit men qa’legen na’rseni qiladi. Biraq eger sipsenin’ oylaw qa’bilyeti bolg’anda edi, ol isti qilmasa, men odan basqa paydalanbag’an bolar edim.
Yamasa eger onin’ barliq ag’ashlari siniq bolg’anda, men oni taslap jibergen bolar edim. Geyde Quday menen adamlardin’ arasinda da ma’seleler payda boladi. Quday adamlardin’ Og’an boysinip, Onin’ qa’legen na’rselerin qilip jasawin qa’leydi. Biraq adamlar buni qa’lemeydi ha’m qiyinshiliqqa du’s keledi. Muxaddes Kitapta, bizler ne qiliwimiz ha’m ne qilmawimiz kerekligi haqqinda jazilg’an.
Eger bizler Qudaydi su’ysek ha’m Og’an boysiniwdi qa’lesek, bizler Muxaddes Kitapti oqiymiz. Quday bizlerge mol o’mir wa’de etken, ha’m Ol wa’desine ju’da sadiq turatug’in Quday.
Eger kimdir Onin’ izinen eriwde Odan ja’rdem sorasa, Ol sizlerdi barqulla esitedi ha’m duwalarin’izg’a juwap beredi. Doslar, bizlerdin’ danaliq.com saytimizg’a sizlerdi mira’a’t etemiz. Kelin’, ha’m Qudaydin’ So’zin ha’r ku’ni tin’lap barin’. Sizlerdi Qudaydin’ O’zi jarilqasin!
