Assalawma a’leykum qa’dirli doslar. Sizler menen ja’ne efir arqali ushrasip turg’animnan quwanishliman. Bu’gin sizler menen Jaratqan Iyemizdi alg’islaw haqqinda so’ylespekshimen.
Qudaydin’ aldina ta’wbe etip kelip Odan keshirim alg’animizdan keyin, Og’an tiyisli o’mirdi jasawg’a ha’reket etiwimiz kerek eken. Alg’islawimiz bizlerdin’ ruwximizdin’ Qudaydin’ ruwxina bolg’an juwabi eken.
Iyemiz Iysa “Qudaydi pu’tkil janin’iz ha’m dilin’iz benen su’yin’” degende Ol alg’islarin’iz shin ju’rekten shig’iwin na’zerde tutqan eken. Bul tek g’ana duris so’zlerden paydaliw emes, al aytip atirg’an so’zlerin’istin’ ma’nisin bildiredi. Bizler Qudaydi alg’islap atirg’animizda Ol so’zlerimizden ko’re ju’regimizge qaraydi.
Muxaddes Kitapta bilay jazilg’an: “Adam sirtqi ko’rinisine qaraydi, al Men ju’rekke qarayman”. 1 Patshalar Kitabinin’ 16: 7 ayatinda. Bizler Qudaydi alg’islag’animizda Onin’ kewli tolip qatti quwanadi eken. Oni alg’islag’animizda ashiq ha’m haqiyqiy su’yispenshilik penen alg’islawimizdi ju’da qa’leydi. Quday A’kemiz eki ju’zlilikti jaman ko’retug’inin ha’mmemiz jaqsi bilemiz. Sebebi Ol haqiyqat Qudayi.
Bizler Qudaydi shin ju’rekten taza oy-pikirde ha’m ashiq ju’rek penen alg’islag’animizda, bizlerdin’ ruwxiy ko’zlerimiz, ruwxiy an’imiz, ha’m ruwxiy qulaqlarimiz ashilip bizler ja’nede Muxaddes Ruwxqa tolip Qudayg’a jaqinlasadi ekenbiz.
Ha’zirgi ku’ni ko’pshilik adamlar muzikadan his hayajang’a beriliwdi Muxaddes Ruwx astinda bolip atir dep oylap adasadi. Haqiyqiy alg’is sizlerdin’ ruwxin’iz muzikag’a emes, al Qudaydin’ Ruwxina juwap berip atirg’anin’izda payda boladi eken. Geyde bazi bir his hayajanli qosiqlar alg’islarimizg’a tosqinliq qiladi, sebebi olar pikirlerimizdi Qudayg’a qaratuwdin’ ornina o’zlerimizge qaratadi. Bular bizlerge Qudaydi alg’islawimizda u’lken kesent beredi.
Doslar, kelin’, Jaratqan Iyemizdi shin ju’regimiz benen alg’islayiq. Sebebi joqarida aytip o’tkenimizdey Ol ju’da quwanadi, o’mirlerimizdi jarilqaydi, ju’reklerimiz tinishliqqa, su’yispenshilikke ha’m keshirimge iye boladi. Qa’dirli doslar usinin’ menen ha’zirshe xoshlasip qalaman. O’z pikirlerin’izdi bizlerdin’ elektron ma’nzilimizde jazip qaldirsan’iz boladi. Bizlerdin’ ma’nzilimiz danaliq.com Ja’ne ushrasqan saw-salamat bolin’ qa’dirli doslar!
