Assalawma a’leykum qa’dirli Danaliq radiosi tin’lawshi doslar. Doslar, Haqiyqattanda Quday bar ma? – degen o’zlerin’izge hesh soraw berip ko’rgensizbe? Eger bolsa Ol qayaqta? Samaldi kim ko’re ala aladi? A’lbette bul sorawlarg’a juwap tabiw an’sat emes. Samaldi ko’riw, bizler insanlardin’ da qolimizdan kelmeydi. Biraq samaldi ko’rmey turip ta onin’ barlig’in sezemiz. Bizler oni shashlarimizdin’ jelpildegeninen sezemiz, onin’ ku’shin tereklerdin’ shaqalari qozg’alg’anlarinan ko’re alamiz.

Biraqta samaldin’ o’zin hesh kim ko’re almag’an. Sog’an uqsap, Qudaydi da ko’re almaymiz. Biraq Onin’ haqiyqattanda bar ekenin bilemiz. Bizler Qudaydi Onin’ a’melge asirip atirg’an islerinen bile alamiz. Qa’dirli dostim, siz Qudaydin’ barlig’in tastiyqlap, orinlanip atirg’an bir neshe islerin aytip bere alasiz ba? Misali iretinde, juldizlar, ku’n menen aydi alip qarayiq. Siz olardin’ o’zlerinen-o’zi aspang’a jaylasip alg’an dep oylaysiz ba? Sebebi kimdir olardi sol jerge jaylastiriwi kerek bolg’an. U’ydi ko’rip, oni jerden o’sip shiqqan demeymiz a’lbette. Oni kimdir qurg’anin bilemiz.

Aspandag’i san-sanawsiz juldizlardi da ko’rgenimizde olardin’ da tosattan payda bolip qalmag’anlig’in jaqsi bilemiz. Kimdir olardi sol jerge jaylastirg’an. A’ne sol kimdir degenimiz bul Quday. Ne ushin Qudaydi ko’re almaytug’inlig’imizdi bilesiz be? Quday sonshelli a’jayip ha’m jaqsi, bizler Oni ko’rsek, sol waqittin’ o’zinde ju’regimiz jarilip, o’lip qalg’an bolar edik. Biraqta waqti kelgende, egerde Og’an sadiq bolip jasasaq, Quday bizlerdi O’zinin’ Patshalig’ina alip ketedi. Sonda bizler Onin’ pu’tkil dan’qin ko’remiz. Ha’zir bolsa, Qudaydi ko’re almasaqta Og’an iseniwimiz ha’m Oni su’yiwimiz mu’mkin. Muxaddes Kitap Qudaydin’ insanlarg’a bolg’an su’yispenshiligi ha’m qayirqomlig’i haqqinda aytadi. Qudaydi su’yiw ushin Oni ko’zimiz benen ko’riwimiz sha’rt emes.

Ku’nlerdin’ birinde, bir ana qizina Qudaydi su’yiw kerek, dep aytipti. Al qiz bolsa: “Apa, men Qudaydi ko’rmey turip, qalayinsha su’yiwim mu’mkin?” – depti. Bir neshe ku’nlerden son’ pochta tasiwshisi onin’ u’yine qiz apasi jibergen sawg’ani alip kelipti. Qiz bolsa, qiz apasin bir ma’rte de ko’rmegen eken. Ol abayliliq penen sawg’ani aship, ishindegi suliw suwretler menen bezelgen kitapti ko’ripti. Og’an biraz waqit qarap qalipti da, keyin anasinin’ aldina juwirip baripti. “Apa mina kitaptin’ shiraylilig’ina qaran’! Qiz apam ju’da mehriban eken!” – depti. “Sen oni bir ma’rtede ko’rmegen bolsan’, onda oni qalay mehriban dep ayta alasan’?! depti apasi. “Duris, dep juwap qaytaripti qiz, biraq men oni mehriban dep oylayman. Sebebi ol mag’an usinday jaqsi kitapti sawg’a etip jiberipti!”

Doslar, usig’an uqsap bizler de Qudaydi hesh qashan ko’rmesekte Oni su’yiwimiz mu’mkin eken. Ol bizler ushin ko’p a’jayip na’rselerdi sawg’a etip bergen: jasawimiz ushin baspana, ata-anamizdi ha’m basqa da ko’p na’rseler. Sonin’ ushinda bizler Qudaydi ha’zirshe ko’re almaslilig’imizg’a qaramastan, Oni su’yiwimiz ha’m Onnan minnetdar boliwimiz kerek. Qa’dirli dostim, sen de Qudaydi ko’rmesen’ de, Onin’ qa’nshellim qayirqom bolip seni su’yiwine iseniwin’ mu’mkin.