Assalawma a’leykum hu’rmetli tin’lawshilar. Sizler menen ja’ne efir arqali ushrasip turg’animnan quwanishliman. Qa’dirli radio tin’lawshi tuwisqanlarimiz! Bizlerdin’ qanday da bir isimiz adamlar ta’repinen joqari bahalanip qabil etilse, qatti quwanamiz, solay emes pe?

Demek, adamlar ta’repinen qabil etilsek, o’zimizge jarasa abiroy itibarg’a iye bolip, ko’pshilik adamlar ta’repinen hu’rmetke de iye boliwimiz mu’mkin eken. Qabil etiliwimiz qanday a’jayip solay emes pe? Eger doslarimiz ta’repinen qanday bolsaq solayinsha qabil etilsek ne dep oylaysiz? Yamasa qanday da bir a’hmiyetli tapsirma ushin bizlerdi tan’lasa? Jumis ornin’izda basshin’iz bergen waziypani a’jayip tu’rde orinlap, tapsirsan’iz, basshin’iz quwanip sizge minnedarshiliq bildirip qabil etse ne?

A’lbette, adamlar ta’repinen qanday bolsaq solayinsha qabil etiliwimizdi, itibarg’a aliniwimizdi biliw bul ju’da a’jayip. Biraq, bazi bir waqitlari qabil etiliwimiz jaqsi emes. Geybir doslarimiz jaman is qilg’anda, bizler olar ta’repinen qabil etilmegenimiz jaqsiraq. Bizler Masiyxtin’ izinen eriwshiler, onday waqitlari, qiliwimiz kerek bolmag’an na’rseler haqqinda oylaniwimiz lazim.

Olar geybir waqitlari bizlerge jaman is bolip ko’rinbewi mu’mkin. Sonin’ ushin ha’m basqa adamlar ta’repinen mira’t etilgen islerdin’ a’qibeti nelerge aparatug’inin oylap ko’rsek jaqsi bolar edi. Ol mira’tler ha’mme waqit ha’m jaman a’qibetlerge alip kelmewi de mu’mkin. Sonin’ ushin bul qilip atirg’an isimiz Quday A’kemizge maqul yamasa maqul emes pe dep o’zimizden sorap ko’rsek jaqsi boladi.

Muxaddes Kitapta Matta kitabinin’ 7:13 ayatin oqip ko’riwin’iz mu’mkin. Bul du’nyada ha’r bir adamnin’ “gu’na” degen ma’selesi bar. Muxaddes Kitapta Rimlilerge jazilg’an xattin’ 3:23 ayatinda “ha’mme gu’na etken” dep aytilg’an. Bizler, ha’r bir adamnin’, Qudaydin’ nizamin buzatug’in oy-pikirler, so’zler, jaman islerimiz bar. Geybirewler hesh qashan temeki shekpegen, araq ishpegen yamasa internet arqali oysiz ha’m uyatli sayitlardi ko’rmegen boliwi da mu’mkin, biraq gu’na etetug’in basqa jollar da bar.

Ha’r sapari Qudaydi tin’lamag’animizda, gu’na qilg’an boladi ekenbiz. Jumis orinlarimizda, ofislarda bizlerge tapsirilg’an jumislarg’a jaman mu’na’sebette bolsaq da gu’na islegen bolamiz. Sebebi ha’r bir qilip atirg’an isimizdi, jumislarimizdi Quday ushin qilip atirg’anday, quwanish penen islewimiz lazim. Naliw Qudayg’a unamaydi. Gu’na ushin alatug’in jazamiz, bul o’lim, yag’niy dozaq dep aytilatug’in qorqinishli jerge barip Qudaydan ma’n’gige ajiraliwdi bildiredi. Quday O’z Muxaddes Kitabinda gu’nalarimiz keshiriliwi ushin, tek g’ana bir jol bar ekenin aytadi. Ol, O’zinin’ Uli Iyemiz Iysani jerge jiberip, oni a’melge asirdi.

Qa’dirli doslar, eger bu’gingi esittiriwimizge qisqa juwmaq shig’aratug’in bolsaq, ha’r birewimiz Quday ta’repinen qabil etiliwge ha’reket eteyik. Ja’ne efir arqali ushrasqansha xosh saw-salamat bolin’!