Adamlar, o’zlerindegi nahaqliq ha’m qa’telerin moyinlay alalmasa, onda olar ba’ri bir jen’ilgen esaplanadi eken. A’dette, bul qa’teler ha’m nahaqliqlar ashiq ko’riniste boladi. Sonin’ ushin adam o’z qa’tesin ashiq moyinlamay, kerisinshe oni jasirip, aqilli ha’m ku’shli bolip ko’riniwge ha’reket etkeni, negizi oni ha’lsiz, oysiz ha’m juwapkersiz adam sipatinda ko’rsetedi eken.
Qa’telerimizdi moyinlaw, ekinshi ta’repten, a’jayip ha’m qu’diretli is ha’reket boladi.
Ol sizdin’ duris ha’m isenimli adam ekenin’izdi ko’rsetedi. Duris yamasa naduris boliwin’izg’a qaramay, haqiyqatliqti hu’rmet etkenin’iz, sizdin’ qanday insan ekenin’izdi ko’rsetip beredi. O’zin’izdin’ nadurslig’in’izdi boyinlag’anin’iz, o’zin’izge bolg’an hu’rmet ha’m juwapkershilikli insan ekenin’izdi de ko’rsetedi.
Ol sizdin’ adamgershilikli ekenin’izdi de bildiredi. Siz o’zin’izden ha’m basqa adamlardan ulliliqti ku’tpeysiz. Adamlar o’zlerin siz benen ashiq ha’m arqayin tutadi. Sebebi siz adamlar menen shin kewillik penen mu’na’sa’bette bolasiz.
Ol sizdin’ sana-sezimli ha’m o’zin’izdi jaqsi basqarip biletug’in adam ekenin’izdi de bildiredi. Sebebi siz o’zin’izdegi qorqinish ha’m isenimsizligin’izge tiykarlang’an negativ impulslarin’izdi sezip ko’rip ha’m basqasha jol tuta alasiz. Al ol bolsa sizdin’ ruwxiy jetik ha’m jaqsi adam boliwg’a ha’reketin’izdi ko’rsetedi.
A’tirapin’izdag’i adamlarg’a bolg’an miyrimin’izdi de ko’rsetedi. Sebebi siz o’zin’izdi en’ duris ha’m en’ ulli etip ko’rsetpeysiz.
Bulardin’ ha’mmesi sizdin’ isenimge ilayiqli ekenin’izdi bildiredi. Adamlar buni ko’redi. O’zimizdin’ qa’telerimizdi moyinlay aliwimiz, adamlar menen bolg’an qarim-qatnasimizdi ja’ne de bekkemleydi eken. Bul jeke o’mirimizde ha’m jumis ornimizda birdey is beredi. Professor Sharptin’ pikirinshe, izertlewler “basshilar o’zlerinin’ na’zikligin ha’m qa’telerin moyinlawlari a’dette u’lken hu’rmetke sazawar”, dep aytip o’tken eken..
Qa’telerimizdi moyinlap biliwimiz, bizlerdi adamgershilikli, sana-sezimli ha’m qarim-qatnasiqli etedi. Bul ta’jiriybe o’zligimizdi an’lawda, o’zimizge bolg’an isenimdi ha’m o’zimizge bolg’an hu’rmetti asiriwg’a ja’rdem beredi.
