Ko’pshiligimiz qant ha’m mazali na’rseler tisler ushin ziyan, paydasiz ekenin bilemiz. Qant awiz boslig’inda siltinin’ ko’beyiwine alip keledi. Tistin’ emalinda payda bolg’an silti emaldin’ eriwine sebepshi boladi eken. Ha’zirgi ku’ni qanttin’ ornin basatug’in na’rseler bar. Bul qanttin’ ornin basatug’in na’rseler sag’izg’a salinadi eken. Bunin’ ma’qseti, awizg’a saling’an sag’iz awiz boslig’inda ko’p silikeydin’ payda boliwina ha’m sitinin’ kemeyiwin ta’minleydi.

Biraq tislerdin’ qarayiwina qarsi da’riler tek g’ana gigyenag’a a’mel qilg’an adamlarg’a g’ana payda keltiredi. En’ a’hmiyetlisi – bul tislerdi tis shetkasi ha’m pastasi menen ha’r kuni tazalaw. Sag’iz tislerdi tazalawdin’ imkani bolmag’anda paydalanilsa boladi. Tislerdin’ saw-salamatlilig’i ushin ko’birek miywe ha’m palizlardi jew kerek. Tuski waqitqa shekem ash bolg’anda, keshte u’yqlawdan aldin mazali na’rseler jemegen jaqsiraq. Jep qoyg’an jagdayda da, tislerdi tazalaw kerek yamasa alma jew kerek eken. Geyde tistin’ emalinin’ astinda da qarayiwlar payda boliwi mu’mkin. Bul emaldin’ astinda bolg’ani ushin da ko’rinbeydi.

Ha’zirgi ku’ni ko’pshilik jaslar kaltsiyge bay bolg’an sut ha’m sutli aziq-awqatlardin’ ornina gazli ishimliklerdi maqul ko’redi. Bul jas balalar ha’m o’spirimlerde tislerinin’ qarayiwina sebepshi bolip atir. Qarayiwlarg’a da qarsi xren o’simligi bar bolip, ol awiz boslig’inda bakteriyalardin’ payda boliwinin’ aldin aladi. En’ jaman ta’repi bul tistegi tesikler o’kpe isiniwi keselligin alip keliwine de sebepshi boladi eken. Sebebi tislerdegi qarayiwlardag’i mikroorganizmler an’satqana dem aliw jollarina o’tip o’kpenin’ isiniwine alip keledi.

Joqarida miyweler jewimiz de tisler ushin paydali degen edik. Biraq ha’mme miyweler de birdey paydali emes eken. Misali, limon. Limondi pu’tinley jewde tistin’ emalinin’ jemiriliwine alip keledi. Ha’m tis toqimalarinin’ buziliwin tezletedi. Qishqil miywelerdi ha’dden tis ko’p jew ma’sla’aha’t berilmeydi.