Bu’gin sizlerge qanday paydali ken’esler bersek eken? Dep oylap ko’rip, bu’gin sizlerge den-sawliqti bekkemlew, gozzaliq ha’m aziq-awqatlar haqqinda paydali ken’esler beriwge qarar qildiq.

Den-sawlig’in’izdi bekkemlew ushin: Suwiq qis ma’wsimine qaramay, ha’r ku’ni imka’n barinsha taza hawada yarim saat bolsa da aylaniwdi a’det qilip alin’. Organizimizn’izdi vitaminlerge bay miywe ha’m palizlar menen toydiriwdi umitpan’.

Ashshi alma immunitet ushin paydali bolsa, dushshi alma ju’rektin’ is-ha’reketi ushin paydali eken. Almurt miywesin barqulla jep ju’riwimiz gemoglabindi jaqsilaydi.

Awqattan keyin la’blebini smetana yamasa mayonez benen aralastirip jesek, organizimde basqa awqatlardan qalg’an kerek emes na’rselerdi shig’arip taslaydi eken.

Erik adamnin’ ju’zin tiniqlastiriw, shabdal ju’zimizge tu’sken jiyriqlardi jazdiriw, ju’zimnin’ suwi ju’zimizdin’ terisin ig’al ha’m jumsaq etiw qa’siyetlerine iye. Geshirdin’ shiresi yag’niy suyiqlig’i mayli ju’z terilerge jaqsi paydali eken.

Kartoshkadan tayarlang’an maskalar ju’zimizdegi sharshag’andi alip, jiyriqlardin’ azayiwina ja’rdem beredi. Parxezshilardin’ bergen ken’esleri boyinsha qaynap pisirilgen la’blebi de adam organizimine ju’da paydali eken.

Kapusta alip atirg’anin’izda appaq ha’m qattilarinan saylap alin’. Geshirdin’ suliw ha’m tegislerin alin’. Ko’p waqit pisirilgen palizlardin’ vitaminleri jog’alip ketpewi ushin olardi awqat tayarlawdan bir neshe minut aldin baslan’.

Go’zzaliq haqqinda: Ha’r bir adam o’zine itibar beriwi ha’m o’zi ushin waqit ajratiwi kerek. Tek g’ana hayal adamlar emes, al erkek adamlar da Quday olarg’a bergen go’zzalliqti jaqsi saqlawi tiyis. Quday bizlerge qanday dene bergen bolsa ila’ji barinsha oni suliw saqlawimiz kerek eken. A’lbette sirtqi go’zzalliq jaqsi, biraq en’ a’hmiyetlisi bul adamnin’ ishki go’zzalig’i sanaladi. Go’zzaliq haqqinda Quday A’kemiz bilay degen edi: “Suliwlig’in’iz tek sirtqi bezeniwlerden: a’shko’ylengen shashlar, tag’ilg’an altinlar ha’m sa’nli kiyimlerden ibarat bolmasin. Al suliwlig’in’iz sirli bolg’an ishki du’nyan’izdan, yag’niy jumsaq ha’m tinish bolg’an jog’almaytug’in ruwxiy go’zzalliqtan ibarat bolsin. Bul Quday aldinda ju’da qimbatli”.

Hu’rmetli doslar, sizlerdin’ ha’m paydali ken’eslerin’iz bolsa bizler menen bo’lissen’iz boladi. Olardi u’lken qizig’iwshiliq penen ku’tip qalamiz.