Assalawma a’leykum qa’dirli tin’lawshilar. Sizler menen ja’ne efir arqali ushrasip turg’animizdan quwanishlimiz. Bu’gin Muxaddes Kitapti u’yreniwde dawam etemiz. Doslar, bul kitap ha’mme waqiyalardi o’z ishine almaydi, biraq sog’an qaramastan, Muxaddes kitap barliq a’hmiyetli bolip o’tken waqiyalardi aytip beredi. Oni an’satraq tu’siniwimiz ushin bul waqiyalar shinjir siyaqli logikaliq ketpe-ket du’zilgen.

Bul ketpe-ketlik ha’mme waqiyalardi o’z ishine almasada, olar bir-birin toltirg’an halda bir pu’tinlikti Muxaddes Kitaptin’ bir pu’tin mazmunin o’z ishine aladi. Qa’dirli tuwisqanlar, eger itibarli bolsan’iz, kitaptin’ son’g’i betin oqip bolg’annan son’ Muxaddes kitaptin’ so’zi tu’sinerli bolg’anin ko’resiz. A’lbette, siz pu’tkil kewilin’iz benen isenesiz degen u’mittemiz, biraq tan’law da o’zin’izdin’ qolin’izda. Ha’r bir insan o’zi ushin duris joldi tan’lap biliwi kerek. Aldimizda tek g’ana eki jol bar ekenin ha’mmemiz bilemiz.

Birinshisi ma’n’gilik o’mirge aparatug’in jol bolsa, ekinshisi ma’n’gilik o’limge baslaytug’in jollar bolip tabiladi. Sonin’ ushin doslar, Quday ha’r bir perzentinin’ birinshi joldi tan’lawin qa’leydi. Bizlerdin’ waziypamiz sizlerge Muxaddes Kitapti duris tu’siniwge ja’rdem beriw esaplanadi. Muxaddes Kitap sizge ju’da ko’plegen na’rseler haqqinda aytip beredi. Oni ha’r tu’rli awqatlardin’ retseptleri jazilg’an aspazlardin’ kitabina uqsatiwg’a boladi. A’detke ko’re, Muxaddes Kitapta Quday, perishteler, insan ha’m payg’ambarshiliq haqqindag’i temalar ayiriqsha etip ko’rsetiledi. Bunday bo’linip ko’rsetiwlerdin’ sebebi oqip atirg’an adamg’a tu’siniw an’sat boliwi ushin.

Biraq, hu’rmetli doslar, bul jerde abayli boliwimiz kerek boladi, sebebi temalar bir-birine uqsasa, bir bo’legi ekinshi bo’lemi menen aralasip, adam o’zinshe bir na’rselerdi oylap tabiwi mu’mkin, bul bolsa mazmunnin’ buziliwina alip keledi. Aspazliq kitabin oqip, ati bir-birine uqsas awqatlardin’ retseptin aralastirip jibermegenimizdey, Muxaddes Kitap penen de tap usinday: eger bir temadan basqasina atlap ketsek, aralas-quralas bolip ketedi. Ha’m bizlerdin’ tu’siniwimiz qiyinlasip qaladi. Bizler Muxades Kitapqa tiyisli bolg’an tiykarg’i ma’selelerdi ko’rip shig’amiz, eger bul ma’selelerdi tu’sinip alsan’iz, Muxaddes Kitap siz ushin shu’qir ma’niske iye bolip, tu’siniwin’iz de an’sat boladi.

Ko’binese adamlar, Muxaddes Kitapta Quday olarg’a aytqan na’rseni emes, al o’zleri qa’legen na’rseni ko’riwdi qa’leydi. Sonliqtan, ko’plegen dinler Muxaddes Kitapti ta’n aladi. Geybirewler Muxaddes Kitap haqqinda naduris ko’riniske yamasa tu’sinikke iye, basqalar bolsa oni pu’tkilley aralastirip jiberedi. Doslar, eger haqiyqatti biliwdi qa’lesen’iz, a’lbette Muxaddes So’zlerge diqqat awdarip, o’z ko’zin’iz benen oqip ko’rin’, sonda barlig’i ayan yag’niy aniq boladi. Tu’sinbegen jerlerin’izdi bolsa Qudaydan soran’.

Usinin’ menen doslar, Muxaddes Kitap haqqindag’i qisqasha sa’wbetimiz o’z juwmag’ina jetti. Ol haqqinda ja’nede ko’birek biliwdi qa’lesen’iz bizlerdin’ danaliq.com saytimizg’a sizlerdi shin ju’regimizden mira’a’t etemiz ha’m sizlerdi ku’tip qalamiz.