Assalawma a’leykum hu’rmetli tin’lawshilar. Doslar, sizler menen amanliqta ja’ne ushrasip turg’animizdan minnetdarmiz. Qa’dirli tin’lawshilar, eger jaqsilap oylap ko’rsek, Muxaddes Kitapti bilip aliw ushin ku’ndelikli o’mirin’izdin’ bir neshe saatin ajiratiw duris ha’m ha’tteki za’rur. O’ytkeni, Muxaddes Kitap ha’r birewimiz ushin o’mir ha’m o’lim haqqinda ko’p na’rseler aytiwi mu’mkin. A’sirler dawaminda Muxaddes Kitap ju’da ko’p talap etiletug’in kitap bolg’an.
O’zin oqig’an dep esaplag’an ha’r qanday adam Muxaddes Kitap haqqinda hesh bolmag’anda uliwma ko’riniske iye boliwi kerek. Biraq Muxaddes Kitaptin’ abroyi negizinde qanday boliwi kerek bolsa, sonday emes. Bug’an onin’ mazmuni ayipdar da emes.
Adamlardin’ Muxaddes Kitaptin’ mazmunin oqip u’yreniwge negedur waqitlari az. Ko’plegen a’sirlerden beri Muxaddes Kitaptin’ mazmuni o’zgermey kelyatir. Budan keyinde sonday boladi. Eki ju’zliler ha’m kritikalawshilardin’ ba’nelerine qaramay, Muxaddes Kitap penen tanisiw ju’da paydali boladi. Ol bizlerge kerek. Ol adamlarg’a, tinishliqqa erisiwge, o’z o’mirine ha’m o’limine qarata duris ko’z qarasta boliwdi u’yretedi. Muxaddes Kitapti tu’siniw an’sat.
Hu’rmetli tin’lawshilar, siz jas bir balag’a matematikani u’yretiwin’iz kerek ekenin ko’z aldin’izg’a keltirin’. Basinda en’ tiykarg’i na’rselerdi u’yrenip, keyin quramaliraq na’rselerge o’tiwin’iz lazim. Negizinde eger adam arifmetikani jaqsi bilmese, algebrani u’yreniwi ju’da qiyin boladi. Muxaddes Kitap benen de usinday. Tiykarg’i na’rselerdi bilmey tu’rip, duris tu’sinikke iye boliw qiyin. Sonin’ ushin en’ a’piwayi na’rselerden baslag’an maqul. Son’ quramilarag’ina o’temiz.
Doslar, Muxaddes Kitap negizinde Qudaydin’ So’zi esaplanadi. Onin’ So’zin ha’r ku’ni oqiwimiz ha’r birewimizdi duris joldan ju’riwimiz ushin jolimizdi jariq qilip turatug’in shiraq esaplanadi. En’ qorqinishlisi ha’m ayanishlisi bul – Iysag’a isenip turip, Onin’ So’zin oqimaw dep bilemiz. Misali, bizlerdin’ kishi toparimizda ha’r ushirasiw basinda ha’r bir topar ag’zasi o’zlerinin’ oqig’anlari menen qisqasha bo’lisedi. Bunday usil basqalardi da ha’mme waqit Qudaydin’ So’zin oqiwg’a u’ndeydi. Sebebi ha’r bir adam o’zlerinin’ oqig’anlarin o’mirlerinde qalay qollanip atirg’anlarin ha’m Quday olardin’ o’mirinde qanday o’zgerisler qilip atirg’anlarin u’yrenedi.
Quday bizlerge qutqariliw rejesin aship beriw ushin Muxaddes Kitaptin’ jaziliwi ushin sebep boldi. Quday O’zinin’ ma’n’gi nizamlarin balalarina tu’sindiriwi ha’m olarg’a ulli danalig’I ha’m olardi o’miri dawaminda olarg’a jubanish beretug’in ulli su’yispenshiligine iye boliwi ushin Kitapti jazip berdi. Sebebi Muxaddes Kitapsiz bul du’nya qaran’g’i ha’m qorqinishli jer bolip, belgisiz ha’m mayaksiz bolar edi.
