Qutqariliw ma’selesi haqqinda oylap turip, bizler malum bir basqishta to’mendegi su’wretlenetug’in ju’da qiyin sorawg’a du’s kelemiz: muxaddes Quday qalay gu’nakarlardi keshiriwi ha’m bir waqittin’ o’zinde a’dil boliwi mu’mkin? Kelin’, Qudaydin’ kim ekenligi haqqinda ja’ne bir ma’rte oylap ko’remiz. Ol haq ha’m a’dil Quday. Jaratilis kitabinin’ 18: 25 ayatinda bunin’ haqiyqat ekenin ko’rsek boladi. Budan tisqari birinshi Petr 1: 16 ayatta da Qudaydin’ Muxaddesligi haqqinda aytiladi. Ol pu’tkil jer ju’zinin’ muxaddes ha’m a’dil basqariwshisi.
Doktor Tozer Qudaydin’ muxaddesligi haqqinda bilay deydi: “Quday Muxaddes. Ol pa’kliktin’ basqasha boliwi mu’mkin bolmag’an sheksiz, an’lap bolmaytug’in minsiz derejesinde uliwma muxaddes esaplanadi. Quday muxaddes ha’m muxaddeslikti O’zinin’ barliq Jaratilisinin’ salamatlig’i ushin sha’rt etip qoydi”. Doslar, Quday ushin muxaddes boliw neni an’latatug’inlig’i haqqinda biraz oylap ko’reyik. Ayup kitabinin’ 15 babi 15 ayatinda: “…aspan Onin’ na’zerinde pa’k emes”. Iyshaya payg’ambar bizlerge perishteler, yag’niy Quday tan’lag’an perishteler. Qudaydin’ muxaddesliginin’ aldinda ju’zlerin bastirg’anlari haqqinda esletedi.
Endi usi jerde Iysanin’ kim ekenligi haqqinda oylap ko’reyik. Ol Qudaydan ajiratilg’an, gu’nalardan o’lgen ha’m ma’n’gi o’limge buyirilg’an ja’rdemge mu’ta’j, gu’nakarg’a aylang’an edi. Bul haqqinda Matta kitabinin’ 25 babi 41-46 ayatlarda oqiwimiz mu’mkin. Iyshaya payg’ambar Qudaydin’ qanshellim muxaddes ekenin tu’singeninde “…sorim qurisin! Qurip qaldim! O’ytkeni men awzi haram adamman…” degen so’zleri tan’ qalarli emes. Ko’pshilik adamlar shini menen de pa’k adamlardin’ qasinda o’zlerin qolaysiz sezedi.
Muxaddes Qudaydin’ aldina tu’sip qalg’an adamnin’ awhali budan da qorqinishliraq ha’m ayanishliraq boliwin tu’siniw odan da awirraq. Quday muxaddes ha’m a’dalatlilig’i sebepli, Ol O’zinin’ Saltanatinda, O’zi menen birge tek g’ana gu’nasiz adamlardin’ boliwina ruxsat beredi. Bul ga’pimizdi to’mendegi ayatlar arqali da’llilewimiz mu’mkin: Efeslilerge 5 bab 5 ayat. Ha’mme menen tatiw bolip jasawg’a ha’m muxaddes boliwg’a tirisin’lar. Muxaddeslikke iye bolmay turip, hesh kim de Jaratqan Iyeni ko’rmeydi” Evreylerge 12:14 ayatta jazilg’an. Ayan kitabi bolsa, hesh qanday haram na’rse, jerkenishli isler islegen ha’m jalg’an so’ylegen hesh bir adam hesh qashan og’an kirmeydi. Tek atlari Qozinin’ O’mir kitabinda jazilg’anlar g’ana kiredi, dep aytadi.
Tarsusli Shaul yag’niy Pavel bul u’lgige tuwri kelemen dep oylaytug’in edi. Biraq keyinshelik ol bilay dep jazg’an edi: “Eger Muxaddes Nizam bolmag’anda, men gu’nanin’ ne ekenin bilmegen bolar edim. Eger Muxaddes Nizam “basqa birewdin’ na’rsesin ku’seme” – demegende, men ku’sewdin’ gu’na ekenin bilmegen bolar edim”.
Doslar, kelin’, usi ku’nnen baslap Qudayg’a boysinip, muxaddes o’mir su’riwge ha’reket etip jasaymiz. Bul bizler ushin qiyin bolip ko’riniwi mu’mkin, biraq eger bizler Qudaydan duwa etip ja’rdem sorasaq, Ju’reklerimizdi Og’an ashsaq, o’zlerimizdi pu’tkilley Onin’ erkine tapsirip, ha’r bir ku’nimizdi Onin’ So’zi menen jasawg’a qarar etsek, bizler a’lbette muxaddes o’mir jasawg’a erisemiz. Ha’m Qudaydin’ nurina tolip, quwanishta jasaymiz. Hesh qanday qiyinshiliqlar, tosqinliqlar bizlerge qorqinishli bolmaydi.
