Assalawma a’leykum esittiriwimizdin’ iqlasbentleri. Sizler menen ja’ne birgelikte Danaliq radiosinda ushirasip turg’animizdan quwanishlimiz. Doslar, o’tken sapari bizler sizler menen miymandosliq haqqinda sa’wbetlesken edik. Esittiriwlerimiz sizlerge maqul bolip atir dep oylaymiz. Kelin’, miymandosliq haqqindag’i temamizdi dawam etemiz. Eger u’yimizge miyman shaqirajaq bolsaq bul haqqinda olar menen aldinnan waqit satin kelisip qoyiwimiz eki ta’rep ushin da jaqsi eken.

Budan tisqari qonaq ku’tetug’in adamda asig’ip, a’were bolip qalmaydi. A’lbette miymanshiliqqa barg’an adam o’zi menen bir na’rse de alip baradi. Misali nan, yamasa pechenie. Uliwma alg’anda qa’legen na’rsesin. Miymang’a shaqirg’an waqitin’izda ha’mme waqit bir waqitta emes al ha’r qiyli waqitta da shaqiriwin’iz mu’mkin. Budan tisqari keletug’in miymanlarin’iz u’sh, to’rt, yamasa bes adam bolsa ju’da jaqsi. Qon’silarin’izdin’ da itibarin tartpaysiz.

Ha’r kim o’zinin’ jag’dayina qarap miyan ku’tkeni maqul. Bir su’yiq awqat ha’m eki sho’rek nan menen ku’tsen’izde boladi. A’hmiyetlisi awqat jew emes, al birgelikte sa’wbetlesip, waqit o’tiriw. Bul aytip atirg’anlarimiz geybirewlerge tuwri kelmes, biraq ha’zirgi ku’ni jag’day sonday danaliqti talap etip atir. Kim miyman bolip kelip tuwisqanlarin u’yine miyman etip orin berse, ko’rip turg’an Quday u’ydin’ iyesin a’lbette jarilqaydi. Sebebi Muxaddes Kitapta da usinday aytilg’an ayat bar: “Al kimde kim minanday bir balani Menin’ atim ushin qabil etse, onin’ Meni qabil etkeni boladi”. (Matta 18:5)

Iyemiz Iysani miymang’a shaqiriw qanday a’jayip ekenin bizlerden de jaqsiraq bilesizler. Qa’dirli doslarimiz, bug’ingi qisqa esittiriwimiz o’z juwmag’ina jetti. Sizlerge tinishliq, danaliq ha’m su’yispenshiliq tilep xosh saw- salamat bolin’ deymiz.