Assalawma a’leykum qa’dirli doslar. Sizler menen efir arqali ushrasip turg’animizdan quwanishlimiz. Doslar, bugingi temamizdi keshirim haqqinda baslamaqshiman.

Neke buzilip atirg’anda a’dette adamlar bir-birine qarata ju’da ashiwg’a ha’m g’azepke tola boladi. Men olardin’ awhalin tu’sinemen.

Doslar, kelin’ sizler menen bir misaldi ko’rip shig’ayiq. Jigirma bes jil bir ko’pshikke bas qoyip kelgen hayal, ku’yewi jawizlarsha taslap ketkeni ushin shuqir qayg’ig’a tu’sken edi. Bunday uzaq waqit o’tkenine qaramay, jarasiwdi qa’legen erli-zayip ushin ayipsiz yamasa ayipdar degen tu’sinikler bolmaydi. Eki adam bir-birin qatti su’yse, olar bir-birine o’z gu’nalarin ha’m kemshiliklerin aytip ta’n aladi. Olardin’ ju’rekleri qiyinshiliqlarg’a tayar ha’m u’lken quwanishlarg’a ashiq boladi. Keshirim o’tmishti hal qilip odan waz keshiw degeni emes. Keshirim bul – o’z-ara isenimdi qaytariw, qayta tiklew degen. “Men senin’ menen aldin’g’iday ashiq bolaman”. “Mu’na’siybetimizge qarsi bolatu’g’in isler qilmayman”. “Eger ja’ne qag’ilsan’, men seni ja’ne keshiremen”. Ayipsiz benen ayipdardi ajratiwshi siziqti tartiw tek g’ana shan’araq mu’nasiybetlerinde emes, al basqa waqitlarda ha’m qiyin. Bizler ko’p hallarda basqalardi tez-tez qapa qilip turamiz, sonin’ menen o’zlerimiz ha’m ko’p qapa bolamiz.

Jan’a Kelisim kitabinda jazilg’an ayatti jaqsi bilemiz. “Sol waqitta Iysadan: Iyem, – dedi, eger tuwisqanim mag’an qarsi gu’na qilsa, men oni neshe ma’rte keshireyin? Jeti ma’rte keshirsem jeterlime? Iysa og’an: Sag’an jeti retke deyin emes, al jetpis jerdegi jeti retke deyin keshirim ber deymen.

Keshirim beriw ha’mme waqit ha’m an’sat emes. Biraq bizler Iyemiz Iysa Masiyxti qabil qilg’an ekenbiz, bizler ha’r dayim keshirim beriwge ju’reklerimizdi tayarlawimiz kerek. Iysa bizlerdin’ jerkenishli gu’nalarimizdi keshirgeninday, bizler ha’m keshirip biliwimiz kerek.

Qa’dirli doslar, keshirim haqqindag’i temamizdi ha’zirshe juwmaqlaymiz. Keyingi keshirim haqqindag’i temamizda ushrasqansha xosh saw-salamat bolin’.