Assalawma a’leykum esittiriwimiz iqlasbentleri. Sizler menen ja’ne efir arqali ushrasip turg’animizdan ju’da quwanishlimiz. Mine, qa’dirli doslar, qis ma’wsiminin’ suwiq ku’nleri de o’tip ba’ha’rdin’ jilli demi kirip keldi. Hu’rmetli doslar, dana xalqimiz ba’h’ar ma’wsimin kelinshekke uqsatadi. Ba’h’ar ma’wsimi kelinsheklerge uqsap gozzal, o’zinin’ jap-jasil kiyimlerine oranip ja’ne de gozzalraq ko’rinedi. Xalqimizdin’ ko’pshiligi bul ma’wsimdi jaqsi ko’riwine isenemiz.

Bul ma’wsimdi balalarimiz da ju’da jaqsi ko’redi. Sebebi olar qisi menen ko’binshe u’yde bolg’ani ushin ba’h’ardi sag’inip ku’tedi ha’m asig’is penen dalag’a atlanadi. Doslari menen oynaydi. Elimizdin’ pu’tkil qala ha’m awillarda u’lken qazanlarda su’melek ha’m ha’r tu’rli jasil sho’plerden basqa da awqatlar pisiriledi. Usi ma’wsimde tawg’a shig’ip ba’ha’rdin’ erte taza hawasinan toyip-toyip dem alg’in’ keledi. A’tiraptin’ gozzalig’in ko’rip Jaratqan Iyemizge shu’kirshilik bildirgimiz keledi.

Ba’ha’r ma’wsiminde ha’r tu’rli da’ri-da’rmanlarg’a bay bolg’an jasil sho’plerdi, palizlardi toyip-toyip jegin’ keledi. Bunin’ ushin ha’r birewimizde jeterli imkaniyatlar bar, bunin’ ushin Qudayg’a shu’kirlik bildiremiz. A’lbette, qis ma’wsiminde de tu’rli da’ri-da’rmanlarg’a bay bolg’an awqatlardi tawip jewimiz ushin bizlerdin’ ma’mleketimizdin’ imkaniyati bar. Biraq ha’mme na’rseni jan’a taza waqtinda jewge ne jetsin! Qa’dirli doslar, bu’gingi esittiriwimiz arqali sizlerge berejaq bolg’an ken’esimiz, bul shan’arag’in’iz benen bir jerge dem aliwg’a barin’ ha’m ha’zetip dem alin’lar demekshimiz. Bunin’ ushin uzaqraq jerge bariw sha’rt emes. O’zin’izge tanis bolg’an jaqinraq jerge de dem aliwg’a barsan’iz boladi. Biraq bizlerde bir ma’sele bar, bul bizlerdin’ xalqimiz dem aliw ushin onshelli a’detlenbegenligi.

Eger geybir doslarimizg’a dem aliw haqqinda aytsaq ko’binshe jumislari bar ekenin aytip, o’zlerin shetke aladi. Hu’rmetli tin’lawshilar, ha’r birewimiz dem aliwg’a haqlimiz. Ba’ha’rdin’ usinday gozzal waqtin o’tirip jibermey, paydalaniwg’a ha’m la’zzetleniwge ha’reket eteyik. Bir ku’nge bolsa da jumislarimizdi qoyip turip, Quday ta’repinen berilgen imkaniyattan toliq paydalanayiq. Sebebi ha’r birewimiz bul du’nyag’a bir ma’rte kelemiz. Usi da’wirlerdi balalarin’iz bir o’mir eslep, sizden minnetdar bolip ju’redi. Bu’gingi ken’esimiz ha’r birewin’iz ushin maqul boladi dep oylaymiz. Usi ken’esimiz haqqinda bir oylap ko’rin’ler hu’rmetli doslar. Usinin’ menen esittiriwimizge usi jerde juwmaq jasap sizler menen xoshlasamiz. Keyingi esittiriwlerimizge shekem saw-salamat bolin’!