Assalawma a’leykum hu’rmetli doslar. Efirde sizler menen baslawshi Sarbinaz. Esin’izde bolsa Iyemiz Iysa Masiyx Samariyali bir adam haqqinda timsal aytip bergen edi. Sol timsaldi aytip bergennen son’ nizamshidan bilay sorag’an edi: “Senin’she, u’sh adamnan qaysi biri qaraqshilardin’ qolina tu’sken adamg’a jaqin bola aladi?” Qa’dirli tin’lawshi, siz ne dep oylaysiz? Nizamshi Iyemizge ne dep juwap bergen? “Og’an miyrim ko’rsetken adam da, degen edi ol. Og’an ja’rdem bergen adam miyrim sha’pa’a’tli, jani ashig’an ha’m ol ushin ja’rdem bergen adam – en’ jaqini bolg’an.”
Sonda Iyemiz Iysa bilay dedi: “Bar sen ha’m sonday qil”. Iyemiz Iysa bul menen ne demekshi edi? Ol Samariyaliq adamg’a uqsap, qolinan kelgenshe mu’ta’jlerge ja’rdem beriwin qa’legen edi.
Qa’dirli tuwisqanlar, Iyemiz bizlerdin’ ha’m usinday isler qiliwimizdi qa’leydi. Yuxanna kitabinin’ 3:18 ayatin birge oqip ko’reyik.
Bizler so’z yamasa til menen emes, al is ha’reketimizde ko’rsetiwimiz lazim. Doslar, bizler basqalarg’a qanday ja’rdem bere alamiz? Da’slep, ha’mme menen dos ha’m jaqsi qarim-qatnasta boliwimiz kerek. Olar mu’ta’j bolg’an na’rseler bizlerde bolsa, olar menen bo’lisiw arqali ja’rdem beriwimiz mu’mkin. Mu’ta’j bolg’an adamlardi u’yimizge miymang’a shaqiriwimiz mu’mkin.
En’ a’hmiyetlisi olarg’a Iyemiz Iysa menen ma’n’gilik o’mir tuwrali aytiwimiz mu’mkin. Qa’dirli doslar, eger basqalarg’a ja’rdem beriwdi ha’m olardi Iyemiz benen tanistiriwdi qa’lesen’iz, onda qolin’izdan kelgenshe a’melge asiriwg’a ha’reket etin’. Bizler Iysa Masiyxti o’z Qutqariwshimiz dep qabil etsek, Ol bizlerdin’ o’mirlerimizge kiredi.
Qudaydi pu’tkil ju’regimiz, pu’tkil janimiz, pu’tkil aqilimiz benen su’yiwge ha’m basqalardi o’zimizdi su’ygendey su’yiwge ja’rdem beredi. Doslar bunday su’yispenshilik tek g’ana Qudayda bar. Eger bizler Og’an ju’reklerimizdi ashsaq, Ol oni su’yispenshiligi menen toltiradi. Qa’dirli dostim, Iyemiz Iysa ha’r bir adamnin’ ju’regin biledi ha’m ko’redi.
Sonin’ ushin ha’m Ol bizlerdin’ mu’ta’jliklerimizdi qandiradi ha’m iqtiyariy tu’rde g’amxorliq qiladi. Ol gu’na islemewimizge ja’rdem beredi. Eger shaytan bizlerdi gu’na qiliwg’a baslasa Iyemiz bizlerdi odan qorg’aydi. Iyemiz bizlerdi hesh qashan taslap ketpewge ha’m umitpawg’a wa’de bergen.
Hu’rmetli tin’lawshilar siz usi saytimizdan arqayin paydalanip, o’zin’iz ushin kerekli mag’liwmatlardi aliwin’iz mu’mkin. Ma’nzilimizdi ja’ne bir ma’rte esletip o’temiz www.danaliq.com. Ja’ne ushrasqansha saw-salamat bolin’.
