Assalawma a’leykum hu’rmetli doslar. Sizler menen ja’ne efir arqali ushrasip turg’animizdan quwanishlimiz. Sizlerge bu’gingi jetkizejaq bolg’an temamiz bilim haqqinda. Du’nyada jasap atirg’an ha’r bir insan, a’sirese ata-analar balalari keleshekte sawatli insan bolip jetilisiwin qa’leydi. A’sirese jaqsi oqiw orinlarinda bilim aliwlarin arman etedi.

A’lbette bul jaqsi tilek. Keleshegin ha’zirden oylap jaqsi sipatli bilim aliw ushin ha’reket etip atirg’an adamlar ko’p. Biraq ha’zirgi ku’nde ata-anasinin’ baylig’ina isenip jasap atirg’an doslarimiz ha’m joq emes. Biraq waqit o’tiwi menen kesh bolg’aninan qatti o’kiniwi mu’mkin. Biraq ja’ne bir a’hmiyetli na’rseni aytiwimiz kerek dep lazim taptiq. Bilim aliw ushin hesh qashan kesh emes. Men gey bir adamlardi bilemen jaslari 40-45 lerde, sog’an qaramay olar bilim aliwg’a ha’reket etip oqip atir. Sipatli bilim aliwimiz ushin ter to’gip oqiwimiz kerek. A’lbette bul ha’reketimiz waqtinsha dawam etedi. Waqit o’tiwi menen bul etken miynetimizdin’ ra’ha’tin ko’remiz.

Sipatli bilim aliwdin’ en’ a’hmiyetli qa’demi, bul o’zin’iz qa’legen joqari oqiwlarda oqiw bolip tabiladi. Oqig’anda ha’m waqtinsha barliq artiqsha na’rselerdi shetke alip qoyip turip tek g’ana bilim aliwg’a intiliwimiz kerek dep oylayman. Ekinshi qa’dem, bul oqiwdan keyin o’zin’iz saylag’an ka’sipin’iz boyinsha jumis islewin’izden ibarat. Basinda jumis islewin’iz qiyinraq bolar. Biraq bara-bara u’yrenip ketesiz. Muxaddes Kitapta: “Qudaydan sorag’an ha’r bir insang’a Quday beredi” dep jazilg’an. Biraq hesh gu’mansiramay isenim menen soraw kerek.

Ha’r bir na’rseni Qudaydan sorap aliwg’a u’yrengenimiz jaqsi. Ha’tteki bilimdi de. Sebebi pu’tkil bilim iyesi Quday bolip tabiladi. Qa’dirli tin’lawshi eger qanday da bir bilim aliw haqqinda oylag’an bolsan’iz bul ju’da a’jayip. Endi sog’an erisiw ushin ha’reket etin’. Sebebi alg’an bilimin’iz keleshekte o’mirin’izdi toltiradi. Sizge hesh qashan artiqliq etpeydi. Perzentlerimizdin’ ha’zirden jaqsi bilim aliwi ushin erinbey olarg’a itibar berip ja’rdem bereyik. Sebebi zaman ku’nnen ku’nge o’zgerip baratir. Budan 15-20 jillar aldin hesh qanday diplomsiz jaqsiraq jerde islep pul tabiw mu’mkin bolg’an shig’ar. Biraq ha’zir onday emes. Keleshekte ne bolatug’inin Qudaydan basqa hesh birimiz bilmeymiz. Qa’dirli doslar ha’r birewimizge ha’m balalarimizg’a jaqsi oqiw orinlarinda bilim aliw buyra bersin dep sizler menen ha’zirshe xoshlasamiz.