Assalawma a’leykum doslar. Hu’rmetli tin’lawshilar, kelin’ bu’gin shan’arag’imiz haqqinda so’yleseyik. Ha’zirgi qiyin sharayitta shan’araqti basqariw an’sat bolmay atir. Bazi bir shan’araqlarda shan’araqti bag’iw ushin erli zayiplar birge miynet qiliwina tuwra keledi. Bul balalarimizdin’ ta’rbiyasi menen basqa birew shug’illaniwi kerek ekenin talap etedi.

Biraq shan’araqta kemshilikler hesh tawsilmaydi ha’m usinday waqitta qanday jol tutiwimiz kerek? Ha’mme o’zinin’ arbasin o’zi tartadi. Ha’r birewimizdin’ birinshi orinda qilatug’in isimiz, bul o’mirlerimizdi Qudayg’a tapsiriw boladi. Ol bergen danalig’i astinda shan’arag’imizdi basqariw boladi. Eger imkaniyatin’iz bolsa ja’ne bir qosimsha jumis islewin’iz mu’mkin. Erinsheklik ha’m qorqiw adamdi jarliliqqa jetekleydi.

Qanday da bir jumisti baslawin’izdan aldin jaqsilap oylanip ko’rin’. Qansha ayliq aliwin’izdi, bul qosimsha isleyin dep atirg’an jumisin’iz tiykarg’i jumisin’izg’a kesent bermeydi me dep oylap ko’rin’. Shan’arag’in’izg’a qanday ta’sir etetug’inlig’in ha’m oylap ko’rin’. Sodan keyin jumisti baslasan’iz boladi. Eger sawda-satiq penen shug’illansan’iz, onda a’lbette barliq hu’jjetlerin’iz saz boliwi lazim.

Muxaddes Kitap bizlerdi hesh na’rse haqqinda ta’shwishlenben’ler dep aytadi. Biraq bul miynet etpesten azanli qara kesh dem alip jatiw kerek degeni emes. Kerisinshe miynetin’iz arqali hesh na’rsege ta’shwishlenbey tinishliqta jasan’lar degen ma’niste aytilg’an. Hesh qashan birewden u’mit etpen’ler. Sizler ushin tek g’ana Quday A’kemiz g’amxorliq etedi. Sonin’ ushinda o’zimizdi Qudayg’a isenip tapsira aliwimiz a’hmiyetli sanaladi. Qudayg’a kemshiliklerin’iz haqqinda aytin’ ha’m sol kemshiliklerin’izdi basqa qaytalamawg’a ha’reket etin’. Erli zayiplar hesh qashan bir birin kemsitpey, ayiplamay jasawi lazim. Kerisinshe ha’mme na’rsege birgelikte erisiwge ha’reket etin’ler. Sonda Jaratqan Iyemiz sizdi ha’m shan’arag’in’izdi jarilqaydi. Sonin’ menen qa’dirli tin’lawshi doslar sizler menen ha’zirshe xoshlasamiz.