Assalawma a’leykum hu’rmetli tin’lawshilar. Sizler menen esittiriwimiz arqali ushrasip turg’animizdan minnetdermiz. Mikrofon aldinda sizler menen men Azamat. Esitiwimshe adamzat Qudayg’a boysing’aninan ko’re, o’mirde o’z joli menen ketiwdi abzal ko’redi. Bul boysinbawshiliq Muxaddes Kitapta gu’na dep ataladi.

Qudaydin’ muxaddesligi gu’nani joq qiladi. Qudaydin’ haqiyqatlig’i gu’nani qabil etpeydi. Sonin’ ushin Quday menen adamzatti biyik diywal bolg’an gu’na ajratip turadi.

Bul Qudaydan ayiriliwimizdin’ na’tiyjesi ruwxiy o’lim bolip tabiladi. Muxaddes Kitaptin’ Rimlilerge jazilg’an xattin’ 6:23 ayatinda bilay jazilg’an: “Gu’nanin’ to’lemi – o’lim”. Mashinalar ju’riwi ushin benzin kerek bolg’aninday adamzatqada Quday kerek. Gu’na bizlerdi Qudaydan ayiradi ha’m bizlerdi ruwxiy o’lik, jansiz ha’m ma’qsetsiz etip taslaydi. Jaratqan Iyemizdin’ a’dilligi gu’nani ha’m og’an baylang’an barliq na’rselerdi joq qiliwg’a qaratilg’an.

Qa’dirli tuwisqanlar, Quday bizler menen birge. Ol O’zinin’ jaratqanlari menen birge boliwdi ju’da qa’leydi biraq gu’na Ol menen birge bolg’an qarim-qatnasimizg’a kesent etedi. Jalg’iz haqiyqat bolg’an Iysa Masiyx, bizlerdi gu’nadan azat ete aladi. Muxaddes Kitapta jazilg’aninday Iysa Quday menen adamnin’ ortasindag’i jalg’iz esik bolip tabiladi. Tap usi esikten kirgen adam barliq gu’nalarinan ma’n’gilikke azat bola aladi. Jaratqan Iyemiz benen beyishte boladi. Qa’dirli doslar, usinin’ menen bu’gingi esittiriwimizdi juwmaqlaymiz, xosh saw – salamat bolin’.