Menin’ balaliq da’wirimdegi en’ u’lken armanlarimnin’ biri du’nyadag’i en’ jawiz insang’a aylaniw edi. Jasap atirg’an jerimizde qamalip shiqqan bir jigit ha’r ku’ni kesh bolg’annan ko’shede otirip, a’tirapina ko’shenin’ jigitlerin jiynap, giytara shertip qosiq aytip otiratug’in edi. Sol da’wirlerde men de sol adamg’a uqsawdi a’rman eter edim. Men bul jiynalg’anlardin’ arasinda en’ kishkenesi boliwima qaramastan olar menen birigip, olardin’ shegetug’in na’rselerinin’ ba’rin sheger edim. Sonda ha’mmenin’ mag’an qaray aytilatug’in maqtaw so’zleri menen elede qollap quwatlanip, ruwxlanatug’in edim.

Al men bolsam barg’an sayin a’rmanimnin’ orinlaniwina isener edim. Ku’nlerdin’ birinde birinshi armanim a’melge asti. Yag’niy meni birinshi ma’rtebe qamaqxanag’a aparip qamadi. Bug’an qaramastan ol jerde de barliq islerimdi dawam ete berdim. Qamaqxanadan qaytip keliwim menen meni armiyag’a alip ketti. Ol jerde de jinayat islep, ja’ne qamaqxanag’a qaytip kettim. Qullasi ha’mmesinen qutilip shig’ip, oylana otirip, endi watanima qaytpawdi o’zime qarar ettim. Rossiya qalasinda ju’rip bir topar du’zdim. Bizlerdin’ bul topar menen qilip ju’rgen jinayat islerimiz barg’an sayin shawqimdi ko’beytip baratugin edi.

Bir ku’ni bizler tarqalisip ketiwge qarar ettik. Biraqta ba’ri-bir meni tutip alip ja’ne qamaqxanag’a tasladi. Qamaqxanada ha’mme meni siylaytug’in edi. Bir ku’ni ol jerde Masiyxiyler bar ekenligin esitip qaldim. Sonda endi kimnin’ u’stinen, kimlerge jamanliq qiliwim kerek ekenligin bildim de, ha’m ha’r ku’ni olarg’a qandayda suyrpriz tayarlap qoyatug’in boldim. Biraq olardag’i mag’an bolg’an su’yispenshiligi menen sabirlilig’i meni xayran qaldiratug’in edi. Ku’nlerdin’ birinde qamaqxanag’a Masixiyler kelip, olar ha’mmege Injil kitabin yag’niy Muxaddes Kitaplar tarqatti, al mag’an kelgende jetpey qaldi.

Men olardin’ beretug’in kitabina mu’ta’j emesligimdi biler edim. Biraq ta olardin’ taslap ketken video kasetasi meni o’zine tartti. Iysa Masiyx filimin tan’ azang’a shekem 5, 6 ma’rtebe ko’rip, shiqtim ha’m islegen gu’nalarima ta’wbe ettim. Ertesine ekshenbi ku’ni tuwisqanlarimnin’ jiynalip atirg’an jerine kirip qalg’animda, olar ha’mmesi mag’an qaray “iltimas bizlerge kesent keltirip tinishsizlandirma, bizler ibadat etpekshimiz” – dedi.

Sonda men olarg’a qaray, ta’wbe etkenimdi ha’m men de olar menen birigip Qudaydi alg’islamaqshi ekenimdi ayttim. Biraq olardin’ hesh birewi mag’an isenbedi, o’ytkeni olardin’ pikirinshe men ja’ne qanday da suyrpriz tayarlag’anday bolip ko’rindim. Qudayg’a shu’kir, Quday meni keshirdi ha’m O’zinin’ Patshalig’inda ma’n’gilik o’mir berdi.