Assalawma a’leykum qa’dirli doslar. Efirde bir tuwisqanimizdin’ guwalig’i haqqinda o’zi aytip bergenindey aytip beremiz.

Menin’ atim Hamdulla. Men shet elge oqiwg’a barg’an waqitlarim edi, sonda bir kisi menen tanisip qaldim. Olda bolsa O’zbekistannan emigrant bolip barqulla jasaw ushin sol ma’mkette jasawg’a ko’ship kelgen eken. Ol kisi mag’an o’zinin’ Qudayi haqqinda tu’sindirip berip, ibadatxanag’a mira’t etti. Shet ellerde ibadatxanalarg’a bariw a’piwayi bolg’anlig’i ushin bariwg’a razi boldim.

Bizler barg’an ibadatxana ju’da suliw eken. Biraq olardin’ ba’ri bir, tek g’ana men o’zimdi musilman dep biletug’in edim. Keyin ala men usi ibadatxanag’a barip turdim, sebebi sol jerde Quday haqqinda aytilatug’in edi. Qudaydin’ jalg’iz ekenine men isenip ha’m oni jaqsi biler edim. Ku’nlerdin’ birinde men jasap turg’an bo’lmeme keldim de keshqurin u’yqig’a jattim. Usi tu’nde tu’sime Iysa Masiyx kelip, Onin’ menen so’ylestim. Masiyx menin’ gu’nakar ekenligimdi aytti.

Sonda men o’zimnin’ ju’regim qa’nshellim gu’nag’a toli ekenligin an’lap jettim. Ertesi ku’ni men ornimnan turip barliq gu’nalarim ushin ta’wbe ettim. Sonnan keyin ibadatxanag’a toliq barip basladim. Menin’ pikirimshe Iysa Masiyxqa iyman keltirgen iseniwshilerden tek g’ana men bir o’zim shig’arman dep oylaytug’in edim. O’zimnin’ watanima qaytip kelip bir qansha qaraqalpaq tuwisqanlarimnin’ bar ekenligin ko’rip, ele de ruwxlanip, ha’zirgi ku’nde de Iyemiz Iysa Masiyx penen birgemen. Isenimim bekkem sebebi basqa ma’mlekette ju’rsem de Ol meni hesh qashan jalg’izlatip qoymaydi.