Insan minsizlikke yamasa gu’nasizliqqa o’zinin’ ha’reketi menen erise almaydi. Insan ne qilmasin, Qudaydin’ miyrim-sha’pa’a’tina arzimaydi. “Sonin’ ushin ha’tteki sabin menen juwinsan’da ha’m o’zin’di qansha tazalasan’ da- senin’ napa’kligin’ Menin’ ko’z aldimda esapqa aling’an, deydi Jaratqan Iyemiz”. Hesh qanday jaqsi isler yamasa ko’z jaslar menen duwa etilgen ibadatlar arqali onin’ gu’nalari aqlanbaydi. Quday adalatli bolg’ani ushin gu’nani jazalawi lazim. Hu’rmetli tin’lawshilar, sizdin’ pikirin’iz qanday, Ol adamnin’ gu’nasin aqlay alama? Sebebi na’pa’k adamnin’ gu’nasi Qudaydin’ aldinda jerkenishli, dep jazilg’an.

Eger jawizliqti qollap-quwatlag’anda Ol Quday bolmag’an bolar edi. Quday adamnin’ gu’nasin sezbewi mu’mkin be? A’lbette, yaq! Bul Onin’ Muxaddes ta’biyatin joq qilg’an bolar edi. Ol adamlardin’ gu’na islegenin ha’mme waqit ko’rip turadi. Ol gu’nani keshire ala ma? Juwap tek g’ana birew. Eger Ol jawizliq na’rsege jol ashqanda Onin’ taxti muxaddes bolmas edi. Gu’na ushin to’lem to’lenbegen bolsa, Ol gu’nani keshire alarmedi? Yaq! Tiyisli to’lemsiz gu’nani keshiriw o’z-o’zine gu’nani dawam ettiriw degeni, biraq Quday gu’na isley almaydi. Shini menen de, eger Quday gu’nani to’lemsiz keshirse, Adalat qurbanliqqa kelitirilip, umitip jiberiler edi.

Bunday jag’dayda nizam gu’nakar ushin qorqinishli bolmas edi, ha’m onin’ jazasinin’ ma’nisi de bolmas edi. Nizam talaplari toliq orinlaniwi lazim. Dawit patsha o’zinin’ ta’wbe ibadatinda Qudayg’a qarap, bilay degen: “Senin’ aldin’da gu’namdi moyinladim, ayibimdi jasirmadim. “Jaratqan Iyenin’ aldinda qilmisimdi ta’n alaman”. Al Sen ayip-gu’nalarimdi keshirdin’” (Zabur 31:5).

Ol Qudaydin’ aldinda boliw ushin qoyilg’an Qudaydin’ joqari talaplarina juwap bere almaytug’inlig’in bildiriwshi insannin’ uliwma jag’dayin su’wretleydi. “Nizamsizliq” – ku’shlirek so’z bolip, Qudayg’a ashiq, tuwri qarsi shig’iwdi bildiredi. “Jinayat” – so’zinin’ ma’nisin bildiriwshi latinsha so’z “qayrilg’an/qiysayg’an” so’zinen aling’an bolip, insan ta’biyatinin’ “o’zgeriwshen’” ekenin bildiredi.

Sol sebepli Quday gu’nani jazalawi lazim ekenin ko’remiz. Qudaydin’ nizamin buziwdin’ baxasi – o’lim. Eger Eski Kelisimdi oqip shiqsaq “Gu’na islewshi jan o’ledi” – dep jazilg’anin oqiymiz. Budan tisqari Rimlilerdin’ kitabinda “Gu’nanin’ to’lemi – o’lim” dep aytadi. Bul hu’kimdi shetlep o’tiwimizdin’ ila’ji joq eken.

Iysani atanaq ag’ashqa shegelegen bul adamlar yamasa Rim a’skerleri emes, al bul siz benen menin’ gu’nalarim Onin’ sonday o’lim jazasin aliwg’a aparg’an. Atanaq ag’ash bizlerdin’ gu’nalarimizdin’ qanshellim ku’shli ekenin ha’m sol menen birge Qudaydin’ sheksiz su’yispenshiligin ko’rsetedi.

Iysa bizlerge keshe, bu’gin ha’m erten bilay deydi: “…Men mudami tinishliqqa, u’zliksiz quwanishqa, ma’n’gilik o’mirge, gu’nalardin’ keshiriliwine ha’m Qudayg’a baratug’in jalg’iz jolman”.