Assalawma a’leykum doslar. Adamzat ju’da qiziq qilip jaratilg’an. Bunin’ ushin Qudaydi qansha maqtasaqta arziydi. Hesh birewimiz bir-birimizge uqsamaymiz. Ko’rinisimiz, ha’m du’nya qaraslarimiz da o’zgeshe. Qudaydin’ danalig’in a’tiraptag’i ta’biyatqa, adamlarg’a qarap bilip aliwimiz mu’mkin. Este saqlaw adamnin’ o’mirinde u’lken rol oynaydi. Eger o’mirimiz dawaminda este saqlaw qa’bilyeti bolmag’aninda, hesh kim bolip bul dun’yadan o’tip kete beredi ekenbiz. Bilimge, abiroyg’a ha’m hu’rmetke iye bola almag’an bolar edik. Bul du’nyada insan retinde jasawimiz ushin da este saqlaw qa’bilyeti ju’da a’hmiyetli. Biraq ha’mme de birdey emes. Kimdir sanlardi bir ma’rte aytqanin’iz da-aq eslep qaladi. Basqalar bolsa aytqan sanlarin’izdi aldin ko’riwi kerek, son’ eslep qala aladi.

Eger adamlardin’ eslep qaliw qa’bilyetlerinin’ jollarin u’yrenejaq bolsan’iz, qanday da bir oqiw ornina barsan’iz ko’plegen studentlerdi ushiratasiz. Biraq olardin’ ha’mmesi de birdey jaqsi eslep qala almaydi. Ko’plegen studentler, u’yrenip atirg’an mag’liwmatin ko’zleri menen ko’riw kerek. Bunday studentler imaratlardin’ ko’rinisin, adamlardin’ tu’r tu’sin eslep qaliwg’a ha’m bir ma’rte barg’an jerlerin jaqsi eslep qaliwg’a sheber. Bunday studentler, siziwg’a, dizayner qa’bilyetine iye boladi. Olardin’ ko’riw qa’bilyeti joqari ha’m ku’shli.

Ja’ne basqa bir tu’rdegi studentler esitken na’rselerin eslep qaliwg’a sheber boladi. Olar esitken so’zlerin ha’m ga’plerin, ha’r qiyli waqiyalardi, jol ko’rsetpelerdi jaqsi yadda saqlaydi. Bul na’rseler olarg’a jaziw ha’m oqiwda ju’da jaqsi ja’rdem beredi. Odan tisqari esitiw arqali eslep qaliwg’a sheber studentler muzikalardi da ju’da jaqsi yadda saqlaydi. Bunday adamlardan jaqsi baslawshilar, qosiqshilar ha’m jaziwshilar shig’iwi mu’mkin.

Eslep qaliwdin’ yag’niy yadda saqlawdin’ qanday is alip bariwi haqqinda ata-analar bilip qoysa ju’da paydali boladi. Olar usi mag’liwmatlar tiykarinda perzentlerinin’ qanday jol menen na’rselerdi eslep qaliwlarin bilip aliwi mu’mkin. Sog’an qarap, olardin’ bilim orayin keyen’eyttiriwge imkaniyat tabiw mu’mkin.

Bizler na’rselerdi eslep qaliwg’a ha’reket etkenimizde miyimiz to’mendegi islerdi orinlap atirg’an boladi:

Miyimiz mag’liwmatti jaqsi tu’sinip aliwg’a ha’reket etedi.

En’ a’hmiyetli bolg’an mag’liwmatlardi tan’lap eslep qaliwg’a ha’reket etedi.

Qabil etken mag’liwmatlardi qayta jaylastirip, en’ a’hmiyetli bo’limlerin saqlap qaladi.

Adam u’yrengenlerin qayta-qayta qaytalag’anda miy mag’liwmatti teren’ sin’diredi. Usi arqali miyde shuqir siziqlar payda boladi.

Miy alg’an mag’liwmatti ta’rtip penen saqlaydi. Itibarli bolmag’an studentlerdin’ miyi mag’liwmattin’ en’ a’hmiyetli bo’limin saqlap qalmaydi. Eslep qaliwi ushin en’ a’hmiyetli na’rse bul diqqatli boliw demek.