Assalawma a’leykum qa’dirli tuwisqanlar. Bu’gin de ku’ndelikli ruwxiy awqatlaniwg’a tayarsiz ba? Doslar, bu’gin Quday O’z So’zleri arqali siz ha’m mag’an ne demekshi eken. Kelin’, Oni diqqat penen tin’laymiz. Matta 5 bap 9 ayattan baslaymiz: “Jarastiriwshilar baxitli! Olar Qudaydin’ balalari dep ataladi. Haqliq ushin quwdalang’anlar baxitli! Aspan Patshalig’i olardiki. Adamlar sizlerdi Men sebepli xorlasa, quwdalasa, ha’r tu’rli o’tirik so’zler menen jamanlasa, sizler baxitlisizlar! Quwanin’lar ha’m shadlanin’lar! O’ytkeni sizlerdin’ aspandag’i siyin’iz u’lken. Sizlerden buring’i payg’ambarlardi da usilay quwdalag’an.
Duz ha’m nur haqqinda. Sizler du’nyanin’ duzisizlar. Biraq duz o’z ku’shin joytsa, oni qalay ja’ne shorli qiliwg’a boladi? Onday duz basqa hesh na’rsege jaramaydi, tek shig’arip taslanip, adamlardin’ ayag’i astinda basilip qaladi.
Sizler du’nyanin’ nurisizlar. Taw basina saling’an qala jasirin bolip qalmaydi. Sonday-aq shirani jaqqannan son’, oni idistin’ astina emes, al shira qoyg’ishqa qoyadi, sonda ol u’ydegilerdin’ ha’mmesine o’z jaqtisin tu’siredi. Sol siyaqli, sizlerdin’ nurin’iz adamlardin’ aldinda jarqiray bersin. Adamlar sizlerdin’ jaqsi islerin’izdi ko’rip, aspandag’i A’ken’izdi dan’qqa bo’lesin!
Muwsanin’ nizami haqqinda. Sizler Meni Muxaddes Nizamdi yamasa payg’ambarlardin’ Jaziwlarin biykar etiwge keldi, dep oylaman’lar. Men biykar etiw ushin emes, al orinlaw ushin keldim. Sizlerge shinin aytayin: aspan menen jer joyilmag’ansha, Muxaddes Nizamnin’ bir ha’ribi de, bir noqati da joyilmaydi, barlig’i da orinlaniwi tiyis. Solay etip, kim de kim usi buyriqlardin’ en’ kishi birewin buzip, adamlarg’a da solay u’yretse, ol Aspan Patshalig’inda en’ kishi bolip sanaladi. Al kim de kim olardi orinlap, adamlarg’a u’yretse, ol Aspan Patshalig’inda ulli bolip sanaladi.
Menin’ sizlerge aytatug’inim: eger sizlerdin’ haqlig’in’iz diniy mug’allimler menen pariseylerdikinen artiq bolmasa, sizler Aspan Patshalig’ina kirmeysiz.
G’a’zep tuwrali. “Adam o’ltirme! Kim de kim adam o’ltirse, ol hu’kim etiliwge tiyisli”, – dep buring’ilarg’a aytilg’andi esitkensiz. Al Menin’ sizlerge aytatug’inim: kim de kim tuwisqanina biykarg’a g’a’zeplense, ol hu’kim etiliwi tiyis. Kim de kim tuwisqanin masqaralasa, joqarg’i ken’es ta’repinen hu’kim etiliwi tiyis. Al kim de kim tuwisqanina “Aqmaq!” dese, dozaq otina tu’siwi tiyis. Sonliqtan eger de sen qurbanlig’in’di qurbanliq oring’a alip kelgenin’de, tuwisqanin’nin’ sag’an o’kpeli ekeni sol jerde esin’e tu’sse, qurbanlig’in’di sol jerde, qurbanliq orinnin’ aldinda qaldirip, a’weli tuwiqanin’a barip, onin’ menen jarasip al! Son’inan qaytip kelip, qurbanlig’in’di ber. Birew sag’an qarsi daw ko’terip, seni qazixanag’a alip barsa, onin’ menen tezirek jarasip al.
Neke hadalig’in buziw ha’m ajirasiw tuwrali. Sizlerge “Neke hadallig’in buzba!” – degendi esitkensiz. Al Menin’ sizlerge aytatug’inim: eger basqa hayalg’a buziq niyet penen qarasa, ol a’lle qashan-aq, kewlinde onin’ menen neke hadallig’in buzg’an boladi. Eger senin’ on’ ko’zin’ azg’irsa, oni oyip tasla. Sebebi pu’tkil denen’nin’ dozaqqa taslang’aninan go’re, bir mu’shen’nin’ joq bolg’ani sag’an jaqsiraq boladi. Eger seni on’ qolin’ azg’irsa, oni shawip tasla. Pu’tkil denen’nin’ dozaqqa tu’skeninen go’re, bir mu’shen’nin’ joq bolg’ani sag’an jaqsiraq boladi.
