Aqil uqipliliqlarimizdi film retinde jazip qaldiriw. Eger siz joqaridag’i ekinshi usildi duris ba’jergen bolsan’iz, onda oyimizda oynap turg’an filmdi aniqlay alamiz. Misali, ol keshe jumisin’izda o’tirgen jiynalisin’iz, jaqin dostin’izdi toyi yamasa perzentlerin’izdin’ baqshadag’i bayrami boliwi mu’mkin. Qanday da bir qiyinshiliqlar yamasa qa’telerdin’ sebebinen ko’pshilik adamlardin’ oylarinda negativ oylar aylanip ju’redi. Ha’zirgi jag’day aldin’g’i waqiyani esimizge tu’sirse soni ku’n dawaminda qayta-qayta oylay beremiz. H’atteki ku’n dawaminda bes a’wmetli jaqsi waqiya ha’m bir ta’shwishlendiretug’in waqiya bolsa da, bizler jag’imli waqiya tuwrali oylawdin’ ornina sol ta’shwishlendiretug’in na’rse haqqinda oylanip ju’remiz. Sebebi bizler ta’shwishlendirip atirg’an na’rseden qashiwg’a tirisamiz.

BUnday waqitta, bizler qayta-qayta basimizda oylantirip atirg’an sol oyimizdi aniqlap, jazip qoyayiq. Ne ushin deysiz be? Sebebi olardi oyimizdan shig’ariwimiz kerek. Olar oyimizda oylag’animizdan ha’m ku’shlirek ha’m u’lkenirektey ko’rinedi. Qag’azg’a jazg’an waqtin’izda ol oyin’izdan uzaqlasqanin sezesiz. Ja’ne bir ta’repi negativ oylarin’izdi qag’azg’a jazip atirg’anin’izda ol jerde tek g’ana siz ha’m qa’lem boladi. Emotsional jag’dayin’iz asqan waqtinda negativ oy-pikirlerdi qag’azg’a jazg’an an’satraq boladi ha’m jaqinlarin’iz benen urisip qaliwdan saqlaydi.

Jalg’andi tabiw. Ha’r bir negativ oy-pikirlerimiz arqasinda o’zlerimiz bilip, bilmeytug’in ha’m o’zlerimizdi isentiretug’in jalg’anlar boladi eken. Sol jalg’andi aniqlawimiz, ja’ne bir usili bolip tabiladi. Ol jalg’an sizdi qa’dirsiz, a’wmetsiz, yamasa hesh kimsiz degen jalg’an oylardan ibarat boliwi mu’mkin. Sonday oy-pikirlerdi aniqlap qag’azg’a jazayiq, sebebi joqarida aytqanimizday qag’azg’a jazg’an waqtimizda olardan uzaqlasip baslaymiz. Ha’m sol jalg’an oylardan bizlerdi Quday O’zi azat etiwin duwa etip sorayiq.

Haqiyqatti tu’siniw. Jalg’an menen gu’resiwdin’ haqiyqiy ha’m duris joli bul o’zligimizdi an’law eken. Yag’niy o’zimizdegi haqiyqatliq. Bizler bul axirg’i usilda Muxaddes Kitapti oqip, duwa etip, Qudaydan bizlerdin’ kim ekenligimizdi ha’m ne ushin jaratilg’an ekenligimizdi, Onin’ haqiyqatin aship beriwin sorayiq. Bul haqqinda doslarin’iz yamasa isengen tuwisqanlarin’iz benen bo’lisiwimiz mu’mkin. Tuwisqanlarim, juwmaqlap aytqanda, “tek nelerdin’ haqiyqiy, nelerdin’ hu’rmetli, nelerdin’ haq, nelerdin’ pa’k, nelerdin’ unamli, nelerdin’ maqtawg’a turarli, ja’ne de, nenin’ jaqsi ha’m nenin’ alg’isqa ilayiqli ekenin teren’ oylan’lar” Filipliler 4:8.