Assalawma a’leykum qa’dirli tin’lawshi doslar. Sizler menen efir arqali ushrasip turg’animizdan quwanishlimiz. Bu’gin sizler menen oylarimiz ha’m olardi jaqsi basqariwg’a ja’rdem beretug’in paydali bes usillar menen sizlerdi tanistirip o’tpekshimiz.

Ko’pshilik adamlar, ko’pshilik waqitta o’zlerinin’ neler oylap turg’anin sanali tu’rde tu’sinbeydi eken. Biraq sol waqitta oylarimizdin’ ta’siri qa’nshellim bizlerge ta’sir etetug’inlig’in an’lay alamiz. Olardan bizler stressleniwimiz, g’a’zepleniwimiz, ashiwlaniwimiz, jalg’izlaniwimiz, qapa boliwimiz, qorqiwimiz, yamasa ekileniwimiz mu’mkin. Al basqa pozitiv jag’inan, gey bir oylarimiz bizlerdi ku’ldiriwi, quwandiriwi, maqtantiriwi, tinishlandiriwi ha’m u’mitlendiriwi mu’mkin.

Doslar kelin’ endi sizler menen negative oylardan qutilip, pikirlerimiz ha’m oylarimizdi jaqsiraq basqariwdin’ bes jollarin ko’rip shig’amiz.

Oylarimizdi toqtatip biliwdi u’yreneyik. En’ birinshi qilatug’in isimiz bul jaqsi, jaman yamasa zerikerli bolg’an oylarimizdi, oylanip turg’an waqtimizda olardi taqtatiwdi u’yreniw boladi. Ku’n dawaminda oylarg’a berilgen waqtin’izda o’zin’izdi baqlap ko’rin’. Siz o’zin’izdi qalay sezip turipsiz? Siz neler haqqinda oylar ju’rgizip atirsiz? Siz ne ushin sol na’rse haqqinda oylanip turipsiz? O’zlerimizge usinday sorawlar berip ko’reyik. A’dette, bizler ashiwlang’animizda, sharshag’animizda, yamasa g’a’zeplengenimizde, neler oylap turg’an bolsaq solarg’a asig’amiz, tirisamiz, yamasa artta qaldirip ketiwge ha’reket etemiz. Doslar, bul duris strategiya emes.

Qanshellim g’a’zepke enip, emotsional halimiz assa, sonshellim geren’ bolip qaladi ekenbiz.

Asig’ip, tirisqannan ko’re, is ha’reketimizdi bes minutqa toqtatip, oylarimizdin’ negizin bir oylap ko’reyik. Tekstimizdin’ keyni tu’siniwge ja’ne de ja’rdem beredi.

Negativ oy ha’m pikirlerimizdi aniqlaw. Oylarimizdi toqtatiwdi qa’nshellim jaqsi bilsek, bul sheshim bizlerge tezirek ha’m jaqsiraq ja’rdem beredi. Ha’r bir sezimimiz bul ha’r bir oylap turg’an oyimizdin’ tuwri sheshimi yag’niy juwabi eken. Solay etip, eger bizler bir na’rsege qayg’irip atirg’an bolsaq, bir minutqa arqag’a qaytip o’zlerimizden Ne ushin qayg’irip atirman dep sorap ko’reyik. Bizlerdi qayg’iriwimizg’a sebep bolip turg’an na’rseni aniqlap alayiq. Misali, bul jumisin’izdag’i ertengi u’lken jiynalisti alip bariwin’iz, yamasa perzentin’izdin’ mektep direktori menen ushrasiwin’iz ha’m tag’i basqa usig’an uqsag’an na’rseler boliwi mu’mkin.

Biraq sol oylarda qatip qalman’!

Bizlerdi oylantirip, ta’shwishlendirip atirg’an na’rse a’dette, ol oylarimizdin’ emotsional jag’dayin asiriwdin’ joli ekenin yadimizda tutayiq. Gey de bul emotsional jag’dayimizdin’ sebepshisi bolip tabiladi.