Assalawma a’leykum qa’dirli doslar. Den-sawliq bul ha’r birimizdin’ o’mirimizdegi en’ biybaha bayliq. Bu’gin den sawlig’in’izg’a maqul dep tabilg’an usillar haqqinda mag’liwmatlar aytip o’temiz. Bul usillar sizlerge ju’da unaydi. Qanday usillar deysiz be?

Birinshisi – shokolad. Shokoladtti unatpaytug’in adam kemnen-kem ushraydi. Xindistanlilardin’ en’ jaqsi ko’retug’in mazali na’rselerinen biri bolg’an shokolad, bu’gin du’nya boylap adamlar ta’repinen ken’ paydalanilip kelyatir. A’sirese kishkene balalar ha’m hayallar bul a’jayip ha’m mazali na’rsege yaq demeydi. Gey de erkekler ha’m shokoladxorliqtan qalispaydi.

Qa’nigelerdin’ aytiwlarinsha shokolad organizimge paydali eken. Ol stressti kemeytirip, kewildi ko’teriwge ju’da qolayli bolip, quwanish gormonlari bolg’an – endorfin ha’m serotin islep shig’ariwin ku’sheyter eken. Itibar bergen bolsan’iz ko’pshilik hayallar stress waqtinda, u’mitsizlengen de, ha’tteki sharshag’an waqitlarinda shokolad jegisi keledi. Ko’pshilik hayallar su’tli ha’m ren’li shokoladlardi jegendi jaqsi ko’redi. Parxezshilar su’tli ha’m aq ren’degi shokoladlar qara ren’li shokoladqa qarag’anda paydaliraq dep aytadi. Yag’niy diqqatti ja’mlep yadqa aliwdi bekkemleydi eken.

Ekinshi usilimiz bul – suw. Qa’nigelerdin’ aytiwi boyinsha suw xarig’anliqti jen’er eken. Xarig’anliqtin’ tiykarg’i sebeplerinen biri bul organizmnin’ suwsizlig’ina baylanisli. Dene suwsizlang’anda qan denenin’ barliq mu’shelerine bariwi qisqaradi ha’m na’tiyjede dene azalarinin’ is ha’reketi pa’seyedi. Sonin’ ushin suwdi ha’r ku’ni jeterli tu’rde ishiwimiz lazim. Bul ha’lsirewdi joq qiliwg’a ja’rdem beredi.

Gey birewler u’ylerinde gu’ller o’siriwge qizig’adi. Onday adamlardin’ u’ylerin bag’ benen salistiriwimiz mu’mkin. U’ylerimizde gu’ller o’stiriwimiz kewillerimizdi ko’teriwi menen birge den-sawlig’imizg’a da paydali eken. Gu’ller ha’m o’simliklerden tayarlanatug’in demlemeler de bir neshe keselliklerge shipa esaplanadi. Kalanxoe gu’lin izertlep qarag’anda, bul o’simlik u’ylerimizdegi asxana texnikalarinan shig’atug’in nurlardi o’zine ju’tatug’in xarakterge iye ekeni aniqlang’an. Izertlewshiler ha’mmege Kalanxoe gu’llerin televizor, komyuter turatug’in jerlerge qoyiwdi ma’slahet beredi. Bul o’simlik tek g’ana ko’zlerimizdi quwantirip qoymay, ol organizimdi za’ha’rli nurlardan qorg’ap turadi eken.

Jaqsi den-sawliq ushin psixologlar su’wret saliw da paydali ekenin aytip o’tken. Psixologlardin’ pikirlerinshe, su’wret saliw ha’m psixoterapevtlik a’hmiyetke iye eken. Ol adamlardi qiynap atirg’an ma’selelerge sheshim tabiwg’a ha’m jaman oylardan azat boliwg’a ja’rdem berip, organizimde jan’a uqiplardin’ payda boliwina tu’rtki bola aladi eken.