Assalawma a’leykum hu’rmetli doslar. Keshirim beriw jolindag’i ekinshi qa’dem bul – tu’sinbewshilikti duris bahalawdan ibarat. Siz tosattan g’a’zebin’iz oylag’anin’izdan da ko’birek ha’m ken’irek ekenin tu’sinip qaldin’iz. Bolg’an waqiya bolsa a’piwayi tu’sinbewshilik eken. Sizdegi qorqiw ha’m qayg’i waqit o’tiwi menen o’zin’izge ku’lkili bolip ko’rinedi. Biraq, ha’mme jag’daylarda ku’lki menen tawsilmaydi. Bir mektep mu’g’allimi kewli wayran bolip otirg’an eken. Ol avtomobil aydaw boyinsha imtixan tapsira almag’an. Mug’allim sol minutlardi qayta-qayta ko’z aldina keltirip, o’zinin’ bilim ha’m uqiplilig’in nahaq bahalang’an dep oyladi. Ol o’miri dawaminda bir ma’rte de imtixanlardan jig’ilmag’ani ushin da bul na’rse og’an batip atirg’an edi. Bul hayal tabis barqulla og’an yar boladi dep oylap u’yrenip qalg’an. Birinshi sa’tsizlikke ushirawi og’an u’lken baxitsizliqtay bolip tu’yildi.

Shetten qarag’anda, onin’: “Men hesh qashan jen’ilmewim kerek”, degen jeke nizamg’a boysinip jasaytug’ini ko’rinip turar edi. Tap usi na’rse onin’ kewli wayran boliwina sebepshi edi. Imtixan alg’an ag’zalardi ayiplawdin’ ornina, imtixandi qaytaldan tapsiriw an’satraq bolar edi.

Ja’ne bir mashqala bul – ko’binese burin keshirilmegen qapashiliqlar da sezimlerimizge o’z ta’sirin o’tkizip turadi. Basqa adamlardi nahaq ayiplamawimiz ushin o’zlerimizdi duris tu’siniwge ha’m basqalarg’a bolsa biyg’a’rez baha beriwge u’yreniwimiz kerek. Kelispewshilik sebeplerin birme-bir u’yrenip, ishki sezimlerimizdi duris bahalag’animizdan son’, keyingi basqishqa, yag’niy basqa adamdi tu’siniwge ha’reket etiwimiz kerek. Frantsuz xalqinin’ “Ha’mmesin tu’siniw bul keshiriw”, degen maqal bar. Eger tu’sinbewshiliktin’ sebebin aniqlasan’iz, ma’sele o’z-o’zinen sheshim tabadi. Biraq bul menen isimiz tawsilmaydi. Keshirim beriw jolinda, tu’siniwge ha’reket etiw menen bizler qaysi isti aqlaw mu’mkin, qaysi isti keshiriw kerek ekenin aniqlap alamiz.