Assalawma a’leykum hu’rmetli doslar. Sizler menen ja’ne ushrasip turg’animiz ushin A’kemiz ha’m Qu’dayimizg’a alg’iz maqtawlar bolsin. Qa’dirli ata-analar, ko’plegen ma’deniyatlarda balalar ta’rbiyasi ha’r qiyli boliwi mu’mkin.
O’z perzentlerin su’ygen ata-analar balalarina jaqsi ha’m duris ta’rbiya beriwge ha’reket etetu’g’inlig’in bilemiz. Ha’r bir millet ha’m ma’deniyat o’zlerinin’ balalarina berip atirg’an ta’rbiyasin duris dep esaplag’an. Misali, ko’plegen Amerikali ata-analar perzentleri du’nyag’a kelgennen son’ olardi basqa bo’lmede u’yqlatiwg’a ha’reket etedi.
Bala jilasa ha’m og’an belgili bir waqitqa shekem itibar bermeydi. Ma’lim bir waqit o’tkennen keyin oni jubatip awqatlandiradi. Bizlerde bolsa balalari jilap u’yqlamay atirg’anda ko’binshe analar tu’ni menen o’zleri u’yqlamay qollarinda ko’terip ju’redi.
Ata-analar, a’lbette bul eki jag’daydin’ ha’m o’zine jarasa kemshilikleri ha’m jetisiwleri bar. Sonin’ ushin bizler birewi duris, ekinshisi naduris dep ayta almaymiz. Birinshi jag’dayda bala ko’binshe ashiwshaq bolip o’sedi dese, ekinshi jag’dayda, bala o’zi mustaqil qararlar qila almaytu’g’in boladi dep oylaydi.
Sonin’ ushin qa’dirli ata-analar, ha’r birewimiz o’zimiz duris dep esaplag’an ta’rbiya usillarin qollaniwimiz kerek. Sonin’ menen bir qatarda masiyxiy shan’araqlar ha’m o’z perzentlerin ta’rbiyalawda duris usillardi qollaniwi kerek.
A’lbette en’ duris ta’rbiya usili Muxaddes Kitapta jazilg’an. Muxaddes Kitap tek g’ana balalar ta’rbiyasi boyinsha bolip qalmay, Ol jasi u’lkenlerdin’ ha’m o’mirlerin o’zgerttiredi. Muxaddes Kitap bizlerge, yag’niy ha’r birimizge tuwri jol ko’rsetiwshi bilim orayi bolip tabiladi.
Qa’dirli ata-analar, Muxaddes Kitapti balalarimizdi ta’rbiyalawda, ken’ qollaniwimiz mu’mkin. En’ a’hmiyetlisi – bala ele jas waqtinda, Muxaddes Kitapqa tiykarlanip qariwli qilip ta’rbiyalawimiz kerek.
Qa’dirli ata-analar, balalarg’a masiyxiy ta’rbiya beriwimiz – bul Qudayg’a Jaratqan Iyemizge qarata basilg’an jol ekenin yadimizda saqlawimiz kerek. Qa’dirli tuwisqanlar balalarimiz Qudayg’a intiliwi ushin ha’m Qudaydi su’yiwi ushin neler qiliwimiz kerek? A’lbette balag’a masiyxiy ta’rbiya beriwimiz kerek.
Qudaydi jaslig’inan bilgen bala u’lkeygen waqtinda ha’m, Qudayg’a sadiq qaladi. Ha’zirgi zaman aldin’g’i zamannan tu’pten pariqlanadi. Sonday eken perzentlerimizdin’ ta’rbiyasina biypa’rwa bolmayiq. Balalarimizdi qa’nshellim su’ysek, olar bizlerge sonshelli jaqin boladi. Qa’dirli doslar perzentlerimiz Qudaydan bizlerge berilgen sawg’a esaplanadi. Sawg’ani bolsa jaqsi saqlawimiz kerek.
Sonin’ menen qa’dirli doslar bu’gingi esittiriwimizdi usinin’ menen juwmaqlaymiz. Bizlerdin’ internettegi ma’nzilimiz: www.danaliq.com keyingi esittirwimizge shekem xosh saw- salamat bolin’.
