Assalawma a’leykum hu’rmetli tin’lawshilar. Sizler menen efir arqali ja’ne ushrasip turg’animizdan minnetdarmiz. Mikrofon aldina men Sarbinaz.

Bir ku’nleri a’kesi Azamattan ati balasinan soradi: “Balam, ba’lkim kemeni o’zin’ sog’arsan’? Men sag’an barliq na’rselerdi tawip beremen, budan tisqari sen menin’ ustaxanamda islewin’ mu’mkin”.

Usi ga’pler balanin’ ju’regin so’zler menen tu’sindirip bolmaytug’in da’rejede quwanishqa toltirdi. Solay etip, aradan bir neshe ku’nler o’tip, bala a’kesine o’zi soqqan kishkene kemesin ko’rsetti. Menimshe Azamat o’zi soqqan kemesin basqa oyinshiqlarina qarag’anda jaqsi ko’rip qaldi. Sebebi bul kemeni o’zi o’z qollari menen soqqan edi.

Budan tisqari, bul kemeni sog’aman degenshe Azamat o’zinin’ bar miyrin og’an bag’ishladi. Azamat o’zi soqqan kemesin ha’r tu’rli ren’lerge boyap, son’ og’an appaq jelqom da baylap qoydi. Keme adamlardi ko’tere alatug’in da’rejede u’lken emes edi. Biraq suwg’a qoyip arqan menen arqayin basqariwg’a bolatug’in edi.

Azamat haqiyqattan ha’m o’zi jasag’an kemesinen kewli toldi. Qa’dirli dostim, sen ha’m birew ta’repinen jaratilg’anin’di bilesen’ ba? Bul Quday. Ol senin’ Jaratiwshin’. Quday birinshi Adam-atani ha’m Hawa-eneni jaratqan edi. Son’ olardin’ da balalari tuwildi, balalarinin’ balalari tuwildi ha’m usi ku’nge deyin dawam etip kelmekte.

Quday O’zi jaratqan ha’r bir insang’a o’mir beredi. Sonliqtan Ol sag’an da o’mir berdi. Ol senin’ Jaratiwshin’. Zabur kitabinin’ 94 babi 5 ayatinda bilay jazilg’an: “Ten’iz Oniki, oni O’zi jaratti, Qurg’aq jerdi de O’z qoli menen do’retti”. Qa’dirli dostim, Quday seni su’yedi. Ol senin’ barliq mu’ta’jliklerin’di yaddan biledi. Ol tek g’ana bilip qoymay, ja’rdem beriwdi qa’leydi.

Senin’ en’ u’lken mu’ta’jligin’ Onin’ aldina kelip barliq gu’nalarin’ ushin ta’wbe et ha’m Iysani Qutqariwshim dep ju’regin’e qabil et. Quday sag’an O’zinin’ nizamlarin berdi. Quday sen menen O’zinin’ Muxaddes Kitabi arqali so’ylesiwdi qa’leydi. Quday sen haqqin’da aldinnan biledi. Ha’tteki senin’ keleshegin’ ushin da Onin’ a’jayip rejeleri bar.

Senin’ Jaratiwshin’ Quday, seni O’zinin’ jalg’iz Ulinin’ qurbanlig’i arqali to’lew iretinde to’lep qutqarip aldi. Eger Quday bunday qilmag’aninda, pu’tkil insaniyat o’limge hu’kim etiler edi. Quday bolsa senin’ Jaratiwshin’ bolg’ani ushin seni su’yedi ha’m senin’ o’liwin’di qa’lemeydi. Ol sag’an berejaq bolg’ani, bul ma’n’gilik o’mir. Ol sag’an bergen o’mirdi ha’m quwanishti sennen hesh kim tartip alalmaydi. Sebebi senin’ qorg’awshin’ Qudaydin’ O’zi boladi.

Ol bu’gin seni ku’tip atir. Sen Og’an Iyem, men Senin’ aldin’da gu’naka’rman, menin’ gu’na’larimdi keshir, o’mirime kel ha’m oni basqar dep aytiwin’ kerek.

Qa’dirli dostim, sen bu’gin duris qarar qiliwin’a men isenemen.