Assalawma a’leykum qa’dirli doslar. O’mirde basqalardin’ qayg’isina sherik bolmag’an, olardin’ da’rtlerine teris qarag’an ha’m olardin’ qayg’isin asirg’an adamlarg’a qarata “tas bawir” degen so’zdin’ isletiwin isetemiz. Tas bawir o’zi ne degen? Tas bawir – bul reyimsiz, o’zinen basqa adamnin’ qiyinshiliqlarin seze almaytug’in adamlardi bildiredi eken. Adamlar qalayinsha tas bawir bolip qaladi? Bul sorawg’a ha’r kim ha’r qiyli juwap beriw mu’mkin. Kimdir, shan’arag’inda su’yispenshilik ko’rmegen insan tas bawir boladi dese, al basqa adamlar ha’dden tis o’zin oylaytug’in adamlar tas bawir boladi dep, juwap beriwi mu’mkin. Biraq bul eki juwapta duris. Tek g’ana o’zin oylaw, adamlar arasinda abiroyg’a erisiw, shan’araqta jeterli itibar ko’rmegen adam tas bawirliqqa kiredi eken.

Yamasa kerisinshe, shan’araqta ha’dden tis xorlang’an, xorliq sezimi ha’dden tis ku’shli bolg’an insan adamlarg’a bolg’an isenimin, muhabbatin jog’altadi. Barliq adamlar, oni jaslig’inda xorlag’an adamlar kibi dep oylaydi. Sonin’ ushin ha’m olardin’ qiyinshiliqlarina itibarsiz bolip qaladi. Bunday adamlar basqalardan xorliqtan basqa hesh na’rse ku’tpeydi.

Jaslig’inda jaqinlarinan yamasa basqa birewlerden ko’rgen xorlig’inin’ o’shin, o’miri dawaminda basqa adamlardan aliwg’a urinadi. Usi tas bawirliq penen jasaydi. Usi tas bawirliq arqali xorliqlarinan qutilajaq boladi. Bunday adamlar o’zlerin xorlang’an etip sezip, “Men hesh na’rsege arzimayman, sonin’ ushin adamlar ha’mme waqit mennen ju’z buradi” – degen jalg’ang’a isenip jasaydi.

Tas bawir adam jaslig’inda jeterli tu’rde su’yispenshilik almag’ani ushin ha’m ju’regi tek g’ana xorliq ha’m tas bawirliqqa tola boladi. Bunday adam basqalarg’a da su’yispenshilik bere almaydi. Sebebi onin’ o’zi su’yispenshilik ne ekenligin, oni qalay beriw kerekligin bilmeydi. Bunday adam shan’araq quriwg’ada qiynaladi. Ol birewdi su’ygendey boladi, biraq ol adamg’a ha’mme waqit su’yispenshilik berip tura almaydi.

Su’yispenshilik ha’r ku’ni jan’alaniwi, ha’r ku’ni miyrim-sha’pa’a’tqa, itibarg’a, g’amxorliq penen bekkemlenip turiwi lazim. Tas bawir adamnin’ qolinan bolsa bunday isler kelmeydi. Tas bawirliqtan qutilip, basqa adamlar kibi su’yispenshilikte jasawdin’ bir jalg’iz joli bar. Ol da bolsa, jaslig’inda ko’rgen xorliqlardin’ o’shin aliwdi umitiw.

Buni umitiw qiyin bolip ko’riniwi mu’mkin, biraq ju’regin’izdi Qudaydin’ su’yispenshiligine ashsan’iz, Onin’ O’zi shekken xorliq ha’m qiyinshiliqlarin’izdi joq qiladi. Ju’regin’izge shipa beredi. Quday Muxaddes Kitabinda bilay deydi: “…Men sizlerdi du’nyadan tan’lap aldim” (Yuxan 15:19)

Eger birewdin’ so’zleri yamasa is-ha’reketleri sizde xorliq sezimlerin oyatsa, Iysa sizdi tan’lag’anin esin’izden shig’arman’. Eger xorlaniw sezimin ele de sezssen’iz, og’an qarsi turin’. Quday sizdi tan’lag’ani, sizdi su’yetug’inlig’in umitpan’. Ol O’zinin’ su’yispenshiligi menen sizdi de su’yiwge, ha’m alg’an jaraqatlarin’izdi umitiwg’a u’yretedi.

Qa’dirli doslar, Qudaydin’ su’yispenshiligi haqqinda ja’ne de ko’birek biliwdi ha’m esitiwdi qa’lesen’iz, bizlerdin’ danaliq.com saytimizg’a shaqiramiz.