Assalawma a’leykum qa’dirli tuwisqanlar, sizler menen ja’ne efir arqali ushrasip turg’animizdan quwanishlimiz. Doslar, kelin’ esittiriwimizdi baslaymiz. Bir waqitlari ruwxiy urislar sonday da’rejeli otlar arqali ha’wij aliwi mu’mkin ha’m buni bastan keshiriw de, awir o’tedi. Sonin’ ushinda Elshi Yahuda jalg’an ustazlar haqqinda ha’m isenimnin’ qalay bekkemleniwi haqqinda jazg’an edi. Isenimnin’ kemeyiwinin’ an’latiwinsha geypara adamlar imannan qaytiwi ha’m imansizlarday bolip qaliwi mu’mkin. Olarda imannin’ bekkemligi jetispeydi.

Jalg’an ustazlar bolsa, jawinsiz bultqa uqsaydi. Olar imanli iseniwshilerdin’ aralarina kirip alip, Qudaydin’ ha’mme islerin idiratpaqshi boladi. Yahudanin’ usinday jalg’an ustazlarg’a qaratilg’an mu’rajetine qaramastan, isenimi kem tuwisqanlardin’ arasinda da, o’zine jarasa ku’shli imang’a iye iseniwshiler tabilar edi.

A’lbette olardin’ aralarinda bolip atirg’an waqiyalardan xabardar bolip turar edi. Jalg’an ustazlardin’ alip baratirg’an ta’limatlari, ja’miyettin’ ishine o’z za’ha’rin barg’an sayin ko’birek tarqatadi. Olar arasindag’i imanli iseniwshiler bolsa bara-bara ja’miyet arasinan sig’ilip ketiwden qa’weterlener edi.

Biraq Elshi Yahuda qa’weterleniwge hesh qanday orin joq deydi. Sebebi haqiyqiy bekkem bolg’an imandi hesh kim sindira almaydi. Qa’dirli tuwisqanlar, Qudayimiz ha’r birimizge bergen usinday imannin’ qimbat ekenligine tu’sinip jetip, imanimiz haqqinda qayg’iradi. Oni pu’tinley saqlawg’a ha’reket eteyik. Esin’izde me, Yahuda ne dep aytqan edi?

Iyemiz Iysa Masiyx ha’r bir imanlini tu’rli jawizlardan asraydi. Qa’dirli tuwisqanlar, biraqta bugingi ku’ni ayirim zamanlaslarimiz ruwxiy gu’reslerge qarsi ga’plerge onshelli isene bermeydi. Olardin’ aytiwinsha, jawiz ruwxlar haqiyqattan da imanli kisige de o’zinin’ keri ta’sirin o’tkiziwi mu’mkin eken.

Tuwisqanlar, egerde usinday an’gimelerge isenetug’in bolsaq, joqarida aytilg’an ga’plerdin’ qanday ku’shi bar eken? Men bul jerde Iyemiz Iysa Masiyx ha’r qanday imanlini tu’rli jawizliqlardan asiraydi degen ga’pimizdi na’zerde tutip atirman. Bir Masixiy tuwisqanimiz usi ga’pti tu’sindiriwge ha’reket etti.

Jawiz ruwxlar imanlilarg’a o’z ta’sirin o’tkiziwi mu’mkin degende, egerde qaysi da bir imanli tuwisqanimizdin’ o’tken a’wladlari arasinda duwaxanlar, ruwxshinazlar, ya bolmasa solarg’a uqsas Qudayg’a qarsi is alip barg’anlar bolsa, kimnin’ a’wladlari arasina jawiz ruwxlar kirgen bolsa, demek, olardin’ keleshek a’wladina da ta’siri tiyedi.

Doslar, bizler bugingi bolip o’tken sa’wbetimiz arqali kimnin’ duris, ya bolmasa kimnin’ naduris ekenligin da’lillew ma’qsetinde emespiz. Bizlerdin’ ma’qsetimiz – ha’r birewimiz ku’shli iman arqali ruwxiy sawashta jen’impaz bolip shig’ayiq. Bugingi aytajaq bolg’anlarimiz usilar edi. Ha’zir bolsa sizler menen xoshlasamiz. Saw-aman bolin’lar