Assalawma a’leykum tuwisqanlar, sizler menen amanliqta ja’ne bir ushirasip turg’animizg’a ju’da quwanishlimiz. Ha’r bir insan Masiyxqa iyman keltirgennen son’ o’zinin’ o’mirin qaytadan baslaw jollarinin’ mu’mkinshiliklerin bilmese kerek.

A’lbette Quday sizge bergen jan’a o’mirden son’, sizlerdin’ ju’regin’izde ha’r qiyli sorawlar payda boladi, sonin’ menen sizlerdin’ jaqinlarin’iz da sorawlar bere baslaydi. Doslar, siz benen men Quday haqqinda o’zi nelerge isenemiz?

A’lbette jalg’iz g’ana bir Qudayg’a ha’m sonin’ menen pu’tkil xaliqlar qatari Ol menen jarasiw ushin jiberilgen jalg’iz Jaratiwshig’a isenemiz. Bunnan tisqari Iyemiz Iysa Masiyx er ko’rmegen qizdan tuwilg’anina ha’m gu’nasiz o’mir su’rgenine, ha’r bir adam ushin qurban bolg’anina isenemiz.

Qa’dirli tuwisqanlar, Iyemiz Iysa Masiyx Ullilardan birinshi bolip tirildi ha’m Atasinin’ aldinda ha’zir de bizler ushin jol ko’rsetiwshi bolip turg’ani bizler ushin en’ u’lken isenimimiz. Atasinin’ aldinda ha’zir de bizler ushin o’mir jolin ko’rsetedi. Iyemiz Iysa du’nyanin’ aqiret ku’ni jer ju’zine qaytip keledi ha’m Og’an iyman keltirilgenlerdi O’zi menen birge alip ketedi.

Sonin’ ushin doslar, Iyemiz Iysa Masiyxqa iyman keltirin’ ha’m Og’an isenin’. Tek g’ana iyman keltirgen insanlardin’ gu’nalari keshiriledi, keleshekte bolsa, Quday menen birge bola aladi. Doslar, aran’izda ko’pshiligin’iz endi – “Men kimmen?” dep o’zine soraw berip baslaydi

Iyemizge iyman keltirgen adam, endi o’z Jaratiwshisi menen jarasip, gu’nalari juwilg’an adam esaplanadi. Siz endi Qudaydin’ Muxaddes u’mitleri qatarina kirgen adamsiz. Bul tan’lag’an jolin’izda ko’p turli qiyinshiliqlarg’a dus keliwin’iz mu’mkin. Biraq barqulla sabirli bolin’ dep ma’slaha’t beremen.

Doslar, endi bul joldan barmay, tuwri ju’riwge ha’reket eteyik, bunin’ ushin ha’mme waqit duwada bolip, Qudayimizdin’ Muxaddes Kitabinan oqip, basqa tuwisqanlar menen birge ushirasip olar menen bo’liseyik. Barqulla bizlerge ku’sh-quwat bergen Qudayimizdin’ atin ullilayiq.

Iyemiz Iysa Masiyx haqqinda onsha ko’p esitpegenbiz, biraqta “Iysa Masiyx” degeni qanday ma’nisti bildiredi? Bul haqqinda da bilip alg’anin’iz ju’da a’hmiyetli. Qa’dirli dostim, “Masiyx” degen so’zdin’ ma’nisi, “may menen su’rtilgen”, degendi bildiredi. Iysa Masiyx Quday ta’repinen jer ju’zine jiberilgen jalg’iz Qutqariwshi.

Doslar, insan Qudayg’a iyman keltirgennen son’, og’an qarsi ko’plep qarsiliqlar boladi. A’sirese bunday qarsiliqlar o’z jaqinlarin’iz ha’m doslarin’iz tamaninan da boliwi mu’mkin. Muxaddes Kitapta aytiwinsha, aqirina shekem shidag’an qutqariladi.

Qa’dirli tuwisqanlar, bunday ma’shahatli, birinshi qa’demlerin’izdi atqanin’izda barqulla adamg’a emes, jalg’iz Qudayg’a boysinayiq. Ha’mme waqit Qudayg’a jaqinlasiwg’a ha’reket eteyik. Usinin’ menen doslar, bugingi ushirasiwimiz da juwmag’ina jetti. Bizlerdin’ elektron ma’nzilimiz: danaliq.com ja’nede ushirasqansha saw aman bolin’.