Assalawma a’leykum hu’rmetli tin’lawshilar. Sizler menen ja’ne efir arqali ushrasip turg’animizdan quwanishlimiz. Mikrafon aldinda sizler menen Sarbinaz. Hu’rmetli tin’lawshilar, bu’gingi esittiriwimizdi bir misal menen baslamaqshiman. Ha’r qiyli mallar menen sawda qilatug’in adamlar satip aliwshilarg’a ha’r tu’rli jollar menen o’z malin o’tiriwge ha’reket etedi.
Eger satilip atirg’an maldin bahasi ha’dden tis qimbat bolsa, satiwshi, satip aliwshinin’ barliq talaplarin qandiriwg’a da ha’reket etedi. A’hmiyetlisi mal satilsa boldi. Bul da kim ushindir berilgen talant desekte boladi.
Misali, avtomobiller menen sawda-satiq qilatug’inlar, satip aliwshilardi avtomobildin’ jan’a modelin satip aliwg’a ko’ndiredi. Ol oni avtomobilge otirip ko’riwin iltimas etedi. Sebebi satip aliwshi avtomobilge otirg’aninda jan’a avtomobildin’ ku’shin ha’m otirg’ishlardin’ jumsaqlig’in seziwin, satiwshi jaqsi biledi.
Ol onin’ qanday a’jayip avtomobil ekenin sezgennen son’, ra’d ete almawi qanshadir protsentte aniq. Quday da tap usig’an uqsap, Onin’ aldina keliwimizdi ha’m “Qudaydin’ miyrim-sha’pa’a’tine toliwimizdi” qa’leydi. Ol bizlerdin’ ha’r dayim gu’nada jasag’animiz ushin, Ol menen qarim-qatnasta boliw qa’nshelli quwanishli ekenin biliwimizdi qa’leydi. Quday bizlerdi jarilqawg’a ha’mme waqit tayar, biraq Ol avtomobil satiwshi kibi jol tutpaydi. Bizlerdin’ Og’an tolig’i menen iseniwimizdi qa’leydi.
Bizler Onin’ miyrim-sha’pa’a’tin sezip ko’rgenimizden son’, ma’n’gilik o’mirdi usinbaydi. Ol bizlerdin’ Og’an iseniwimizdi, Og’an o’zlerimizdi tapsiriwimizdi soraydi, son’ bolsa O’zinin’ miyrim-sha’pa’a’tin ha’m ma’n’gilik o’mirdi beredi. Du’nyada jasawshi ko’pshilik adamlar: “Ko’rsetsen’ men isenemen” – deydi. Quday bolsa, “Mag’an isen ha’m Men sag’an ko’rsetemen” – deydi. Iysa bul So’zlerin Qutqariwshim dep qabil ete almayatirg’an tin’lawshilarg’a qarata aytip atir.
“Qudayg’a boysiniwg’a qarar etkenin’izde, Men Qudaydan ekenligimdi bilip alasizlar” – dedi Iysa. Menin’ bir dostim bar, eger og’an Iysa Masiyx haqqinda kimdir aytsa, aldin qanday da bir ka’ramat ko’rip, son’ Qudayg’a iseniwin aytadi. Menin’ oyimsha, bul jariq du’nyada jasap atirg’animiz ha’m u’lken ka’ramat. Budan tisqari, a’piwayi na’resteni alip qarayiq, ol anasinin’ qarninda payda boliwinan tap tog’iz ay o’tip, jariq du’nyag’a keliwin aytpaysiz ba?
Doslar, bul ka’ramat emes pe. A’lbette, Quday bul islerdin’ basqariwshisi. Bizler olardi ta’n almay ila’jimiz joq. Sebebi joqarida aytip o’tkenlerimiz insan qollari menen jaratilmag’an. Muxaddes Kitap: “Ko’rmey tu’rip isengenler qanday baxitli” – deydi.
Qa’dirli doslar, kelin’, du’nya ushin ha’m du’nya haqiyqatti ha’m tiri Qudaydi ta’n aliwi ushin tinimsiz ibadat etemiz.
Usinin’ menen usi jerde bu’gingi esittiriwimizdi juwmaqlap, sizler menen waqtinsha xoshlasamiz.
