Assalawma a’leykum qa’dirli doslar, sizler menen saw-salamat ushrasip turg’animizdan ju’da quwanishlimiz. Na’wbettegi esittiriwimizdin’ biri sizler ushin tayarlang’an.
Teologiya ilimi tek g’ana Qudaydin’ jollarin u’yreniw haqqinda bolip qoymay, Qudaydi tanip ta biliw bolip tabiladi! Oni tanip biliwimiz ushin bolsa, Ol menen doslig’imiz qayta tikleniwi kerek. Basqasha etip aytqanda, bizler Muxaddes Kitaptin’ ishki sirlarina tek g’ana baqlawshi iretinde ko’z qarasta bolip qoymay, Masixiy sipatinda qarawimiz kerek.
Xosh Xabardi waz etiw arqali bizler Iysa Masiyxqa isenim keltirdik. Masiyxqa Iyemiz dep ta’jim etemiz. Ol bizlerdin’ sana-sezimimizdi o’zgertedi.
Bizler Masiyx haqqindag’i bilimimizdi jalg’iz Muxaddes Jaziwlardan alamiz, olar bolsa Masiyx haqqindag’i tuwisqanliq guwaliqlarin ina’m etedi. Masiyx bizler ushin Qudaydi aship beriwshi ha’m jariyalawshi sipatinda ko’rsetile otirip, Masiyx Qudaydin’ So’zi ekenin tu’sinemiz.
Muxaddes Kitap bolsa, Masiyx haqqindag’i kitap bolip, Ol Muxaddes Ruwx ta’siri astinda jazilip, ma’n’gi o’mir ina’m etiwdi Qudaydin’ Oz’i ta’miynlegen.
Sol sebepten Muxaddes Kitap, Quday jolinin’ orayi Iysa Masiyxti ina’m etip, Ol baslawshi ha’m jetekshi dep belgileydi. Muxaddes Kitapti tu’siniw ushin, bizler aldin ala birinshiden Qudaydi tanig’an jerimizden baslaymiz. Yag’niy, bizler Iysa Masiyxtan baslaymiz ha’m Muxaddes Kitaptin’ ha’r bir bo’limin Og’an tiykarlanip, bizlerge bergen danaliqqa tiykarlanip oqiymiz.
Eski ha’m Jan’a Kelisim ushinda usinday jol tutamiz. Masixiy degenimiz Iysa Masiyxqa iseniwshi, og’an isenim keltiriwshi, Og’an kelgen adam.
Xosh xabar nizami Muxaddes Ruwx qu’direti menen bizlerdi o’zine tartip, qaran’g’iliqtan jariqliqqa baslaydi, yag’niy bizlerdi Masiyxqa qaray baslaydi. Xosh xabar Qudaydin’ Patshalig’i haqqindag’i xabar bola turip, Ol Iysa Masiyxtin’ jekeligi ha’m onin’ is ha’reketleri arqali keledi.
Xosh xabar bizlerdi o’limnen qutqarip, ma’n’gi Patshaliqtin’ miyrasxorlari etip tayarlaw ushin, Qudaydin’ qutqariliw rejesi edi ha’m Onin’ tiykarinda Iysanin’ tuwiliwi, o’miri, o’limi, qayta tiriliwi ha’m aspang’a ko’teriliwde jeterli. Masiyxiy o’mirimiz Xosh xabardag’i Masiyxqa toliq isenimimizdi bag’ishlaw arqali baslanadi.
Usinin’ menen qa’dirli doslar, bugingi esittiriwimizdi juwmaqlay otirip, sizler menen xoshlasamiz. Bizlerdin’ internet saytimizdin’ ma’nzili: danaliq.com Ja’nede xabarlarimiz arqali ushirasqansha xosh, saw-salamat bolin’.
