Assalawma a’leykum hu’rmetli tin’lawshilarimiz. Qa’dirli doslarimiz benen ja’nede ushirasiw arqali sa’wbetlesip otirg’animizg’a quwanishlimiz ha’m diqqat penen tin’lawdi ina’m etip, efirimizde sizler ushin tayarlang’an mazmundi ina’m etemiz.

Bizler Qudaydin’ jetelew jollarin qa’nshelli ko’p bilgen sayin, Oni sonshelli ko’p su’ygenimizden, Og’an boysing’andi qa’leymiz. Qudaydi tanig’animizdan son’, Onin’ haqiyqat ekenligin moyinlap ta’n’ alamiz.

Ol isenimge ilayiqli. Ol miyirman, g’amxor ha’m qu’diretli. Egerde Qudayimizdi su’ymesek, Og’an boysiniw bizler ushin u’lken mashqalag’a aylanadi. Egerde Qudayimizdi su’ymesek onda Ibrayim qalayinsha haldeylerdin’ Ur qalasinan ketiwge erisip, sho’listanda qalayinsha Qudayg’a bekkem isenimde jasadi? Bunin’ juwabi bolsa a’piwayi.

Ol Qudaydi bilgenlikten Oni su’yer edi. Quday O’zine isengenlerdi hesh qashan taslap ketpeytug’inin ha’m g’amxorliqqa toli Quday ekenligin biler edi. Quday onin’ saqshisi ekenin bilgenlikten hesh na’rseden qorqpadi. Quday onin’ jetekshisi ekenligin bilgeni ushinda, o’zin jalg’iz sezbedi. Bul na’rseler bu’gingi ku’nide hesh o’zgergen joq!

Egerde bizler Qudaydi bilip tanisaq g’ana Oni su’ye alamiz. Og’an tek g’ana su’yispenshilik arqali quwanish penen boysinamiz. Ne sebepten Quday birinshi, insan bolsa ekinshi orinda? Ne ushin Iyemiz Iysa o’mirimizde ha’r bir na’rseden aldin Qudaydi su’yiwimiz kerek ekenin aytip o’tken edi?

Ba’lkim menmenlikten be? Yaq, bunin’ eki sebebi bar: Quday insang’a neler jaqsi bolatug’inin jaqsi biledi. Qudayimiz bizlerdin’ Jaratiwshimiz. Ol bizlerdi jaratqanliqtan o’mirimizdegi kemshiliklerdin’ barlig’in bizlerden jaqsi biledi. Qa’dirli doslar, Quday bizlerge nelerdin’ jaqsi ekenin biledi.

Quday usilardi bilgeni ushinda bizlerge “A’wele Meni su’yin’ler!” – deydi. Quday bizlerdin’ o’mirimizdi Og’an bag’ishlawimiz ushin du’nyag’a jaratti. Bul ju’da a’hmiyetli haqiyqatliq. Quday O’zine mu’ra’jet etip ha’m Ol menen sa’wbette boliw ushin birinshiden insandi jaratti.

Egerde menin’ Quday menen bolg’an qatnasig’imnan quwanishta bolmasam, demek men Qudaydin’ qa’lewindey jasap atirg’an emes ekenligimnen da’liyl beredi. Egerde bizler Qudaydin’ aytqaninday bolip jasamasaq, onda ma’n’gilik o’mirge erise almaymiz. Sonin’ ushinda Iysa “Qudaydi Su’y” ha’m “o’zgeni de o’zin’di su’ygenin’dey su’y”, dep aytqan.

Qudayimiz bizlerdi Oni su’yiwimiz ushin jaratqan, sebebi Oni o’mirimizdin’ birinshi ornina qoyiwimiz lazim. Bizlerdin’ tiykarg’i ma’qsetimiz – Oni alg’islaw. Shaytan bolsa, ha’r dayim Qudaydin’ ta’rtip-nizamin qulatiwdi qa’lep, insandi birinshi oring’a, Qudaydi ekinshi oring’a qoyadi.

Qudaydan ulli na’rse barma? degen soraw menen qa’dirli tuwisqanlar, bu’gingi sa’wbetimizdi juwmaqlamaqshiman. Bizlerdin’ elektron ma’nzilimiz: danaliq.com Ja’nede endigi sa’wbetlerimiz arqali ushirasqansha saw -salamat bolin’lar.