Assalawma a’leykum qa’dirli tin’lawshilar, sizlerdey qa’dirli tuwisqanlarimiz benen ja’nede saw-salamat ushirasip turg’animizdan Qudayg’a shu’kirlik etemiz. Qa’dirli tuwisqanlar, egerde siz ashiw arqali payda bolatug’in kesellikke japisip almasan’iz, aldin sizdi qapa qilg’an kisiler endi basqa qapa qilmaydi.

O’tmishin’iz o’tmish siyaqli! Hesh na’rse oni o’zgerttire almaydi. Tek g’ana o’zin’izdi ashiw, g’a’zep arqali jaraxatlaysiz. O’zin’iz ushin bulardan na’tiyje shig’arip, olardin’ o’tip ketewine jol ashin’.

Muxaddes Kitapta aytilg’aninday: “Ashiw-g’a’zep aqmaqti nabit qilar, Ku’nshillik sadani o’ltirer,” – delinedi Ayup kitabinin’ 5 bap 2 ayatinda. Bilgenimizdey, ko’pshilik insanlardi qorqiw basqaradi.

Olardin’ qorqiwlari jaraqatlaniwdan, qatan’ ta’rtiptegi shan’araqta ta’rbiyalang’anliqtan, ya bolmasa na’silden jetispewshilik a’qibetinende ju’zege kelewi de mu’mkin. Qa’dirli tuwisqanlar, qorqiwdin’ ta’sirinde ju’retug’in insanlar ta’wekel etiwden qorqip, u’lken imkaniyatlardan paydalana almaydi.

Onin’ ornina olar qa’wipten saqlanip, o’zlerinin’ ma’rtebelerin bekkemlewge ha’reket etip barlig’in tek g’ana qa’wipsizlik a’meline asiradi. Qorqiw bul sizdin’ oylag’an qa’wipli degen oyin’izdan saqlawshi, o’zin’izge-o’zin’iz do’retken qamaqxana siyaqli boladi.

Siz qa’dirli tuwisqanlar, o’z imkaniyatin’iz ha’m su’yispenshiligin’iz benen qorqiwg’a qarsi ha’reket etiwin’iz kerek. Muxaddes Kitaptin’ Yuxannin’ birinshi xatinin’ 4 babi 18 ayatinda bunday dep jazilg’an: “Su’yispenshilikte qorqiw joq. Kerisinshe, minsiz su’yispenshilik qorqiwdi quwip shig’aradi. Sebebi qorqiw jaza menen baylanisli boladi. Qorqatug’in adam su’yispenshilikte minsizlikke erispegen.” Bunnan tisqari ko’plegen insanlardi du’nyaparazliq basqaradi.

Olardag’i iyelik etiwge bolg’an umtiliwshiliq pu’tkil o’mirinin’ ma’qsetine aylanadi. Bunday talapshanliq olarda ko’birek bolsa, sonshelli quwanishqa bo’lenip, elede bekkemirek bolip ha’m qa’wipsizlikte jasayman degen tu’sinikke tiykarlanip jasaydi. Biraqta bul jalg’an pikirler.

Mal-mu’lk tek g’ana waqtinsha biylikti ta’minleydi. Materiyalliq na’rseler o’zgermewligi sebepli, bizler waqittin’ o’tiwi menen bara-bara olardan zerigemiz ha’m elede jan’alaw, u’lkenirek ha’m suliwraq na’rselerdi qa’ley baslaymiz.

Men ko’birek alsam, a’hmiyetli bolaman dep oylaw bul a’psana siyaqli. O’z-o’zine ilayiqli ha’m ilayiq bolmag’anliq – bul basqasha na’rseler bolip tabiladi. Sizin’ qa’dirin’iz siz qa’dirlegen na’rseler menen tastiyqlanbaydi ha’m Quday o’mirdegi ko’plegen biybaha na’rselerdi uliwma na’rse dep ta’n’ almaydi.

Pul haqqindag’i en’ belgili a’psana bunday – ko’birek pulin’ bolsa, qa’wipsizligin’nin’ bo’legi, deydi. Negizinde bul na’rseler hesh qashan bolmaydi. Bayliq bir zamanda tu’rli sebepler arqali qoldan ketiwi mu’mkin. Haqiyqiy qa’wipsizlikti sizden alip qoymawdin’ tek g’ana joli bul Quday menen mu’na’sebetin’izdi tabiwin’iz arqali boladi. Qa’dirli doslar, sa’wbetimiz o’z juwmag’ina jetti. Bizlerdin’ elektron pochtamiz ma’nzili: danaliq.com Xosh saw-salamat bolin’.