Assalawma a’leykum hu’rmetli tin’lawshi tuwisqanlarimiz. Sizler menen ja’ne efir arqali diydar ushrasip turg’animnan quwanishliman. Mikrofon aldinda sizler menen Sarbinaz.

Hu’rmetli radio tin’lawshilar, eger Rimlilerge jazilg’an xattin’ birinshi segiz babin oqisaq, qutqariliwdin’ eki ta’repi, ashiq ko’rsetilgenine guwa bolamiz.

Birinshisi – Quday adamlardin’ gu’nalarin geshirgeni bolsa, ekinshisi – gu’nadan azat boliwimizdin’ jalg’iz joli bul Iysa ekenligi haqqinda.

Usi baptin’ basindag’i bes babinda adamlardin’ ha’r tu’rli gu’nag’a batqanin, Masiyxtin’ ku’shi menen qanday keshirim aliw mu’mkin ekenligin ko’riwimiz mu’mkin. Altinshi baptan baslap, bizler gu’nakar adamlar, Masiyx penen birge atanaq ag’ashqa qag’ilg’animizdi ko’remiz.

Usi xattin’ bas bo’liminde Iyemiz Iysa Masiyxtin’ bizlerdi keshiriwi ushin muxaddes qani qalay to’gilgenligi haqqinda aytiladi. Xattin’ ekinshi bo’limi bolsa Quday a’melge asirg’an, yag’niy Iyemiz Iysa Masiyxtin’ atanaq ag’ashi arqali qilg’an isi haqqinda, yag’niy bizlerdin’ Iyemiz benen Onin’ o’limi, ko’miliwi ha’m qayta tiriliwinde birge ekenimizdi esletedi.

Bul to’gilgen qan bizler islegen gu’nalardin’ juwiliwi, atanaq ag’ash bolsa bizlerdin’ jaman a’detlerimizdin’ joq boliwi ushin berilgenin ko’remiz. Qa’dirli tin’lawshilar, ne dep oylaysiz, gu’nali islerimizdin’ keyni bizlerdi nelerge alip baradi?

Jaratqan Iyemizdin’ ko’z aldinda, bizlerdin’ gu’nalarimizdin’ juwiliwi ushin Iyemiz Iysa Masiyxtin’ to’kken muxaddes qani, ju’da a’hmiyetli oring’a iye. Misali Rimlilerge jazilg’an xattin’ 3: 23 ayatinda jaziliwinsha “ha’mme gu’na islegen”.Odan tisqari, Rimlilerge jazilg’an xattin’ 5:8;9 ayatlarinda: “biraq, bizler ele gu’nakar bolg’an waqtimizda Masiyx bizler ushin o’ldi” – dep jazilg’anin oqisaq boladi.

Bul Qudaydin’ bizlerge bolg’an su’yispenshiliginin’ da’liyli. Demek, eger bizler endi Masiyxtin’ to’gilgen qani sebepli aqlang’an bolsaq, Onin’ sayasinda Qudaydin’ g’a’zebinen qutqariliwimiz ja’ne de aniq, dep jazilg’an. Qa’dirli tin’lawshilar, Quday bizlerdi su’yip, ja’ne O’z bawirina qaytariw ushin Iyemiz Iysa Masiyxti jiberdi.

Birinshiden, Iyemiz O’zinin’ muxaddes qanin to’gip, gu’nalarimizdi pu’tkilley juwdi. Bul, bizler ja’ne Quday menen birge jasay alamiz degendi bildiredi. Iyemiz Iysa Qudaydin’ aldinda ha’mme waqit bizlerdi aqlaydi, ju’reklerimizge tinishliq beredi, shaytannin’ hu’jimlerin qaytarip, ha’r bir perzentin qorg’aydi. Doslar, kelin’ usilardi bile turip aldig’a qa’dem taslap, Masiyxtin’ qani qanshellim ta’sirli ekenin ko’rsetemiz.