өзимниң күшим менен ерисемен деп ойласаңыз, онда сиздиң каншалық хәлсиз екниңиз көринеди.Хәр кандай жағдайда хақыйқый себеплерге кайтыуды умытпаң.Баслап атырғаныңызда Қудайдың алдында турып жүрегиңиз Оны уллыласын. Қудайдың режесин ашып, хош хабар айтың. Бул жүдә әхмийетли, себеби усы жол менен хәлсизлер Қудайдың қүдретинен күш аламыз, Қутқарылыу өзи не? Қутқарылыу бул Ийса Масийхқа исенген уақтымыздан, хәммеси зор болады дегеени емес. Қкутқарылғанымызда машқалаларымыз бирден шешиледи деп ойлауымыз тууры болмайды Бирақ, көпшилик қутқарылғанда сондай болады деп есаплайды. Жүдә көп жәмәәт шопанлари да усылай ойлап қәте қылады. Қутқарылғанымызда бар итибарымызды машқалаларымыздың бир пәсте шешилиуине я болмаса кеселликлеримизден шыпа табыуға қаратпауымыз керек Қутқарылыу бундай нәрселерден де қәдирли Филипликлерге 1:6 да айтылғанындай Қутқарылыу бул Қудайдың Масийх Ийсаның келетуғын күнине шекем толық тамамлайтуғын қайырлы ис. Қудай хеш қашан, Өзи өлимнен қутқарған халқын таслап қоймайды. Оның Өзи баслаған исин жуумақлайды. Мине бул қутқарылыу. Сонлықтан кимгедир Тек Ийса Масийхқа жалбарын, сонда хәммеси жақсы болады. деп айтыу тууры емес. Әлбетте машқалалаардың Масых тың аты менен шешим табыуы тууры бирақ егер шешим таппаса Масийхтың күши жетпей атырыпты дегениме? Яқ. Ондай емес. Егер Оның аты шақырылғанда хәммеси жақсы болса, қууғынға ушыраған биринши ж»мәәттиң ағзалары я болмаса хәдден тысқары қыйын жағдайларға түскен Дауыт Яқып Данияр пайғамлар тууры емес исенимге ийе болған дегениме Әлбетте ондай емес. Сәубетимизге қызығып қалған болсаңыз кейинги сәубетимизди өткизип жибермең Бул хаққында толық мағлыуматты бизледиң qanaliq.com сайтымыздан табасыз.

Мысалы: “Менде басқаларға Хош хабар айтыу сыйы жоқ”, ямаса “Хош хабар сыйын алыуым ушын ибадат қылыңлар”. Деген гәплерди көп еситемиз. Усындай сыйларға ийе болсақ бул әлбетте жүдә жақсы, себеби тезрек хәм көбирек адамлар ели қутқарылмаған тууысқанларымызға хызмет қылыулары мүмкин. Бүгин усы теманы таярлау уақтында мен Хош хабар айтыу сыйы хаққында жүдә көп ойладым.

Былай ойладым десем тууры болады. Хәр бир Масихқа исенген адамда Хош хабар айтыу сыйы болыу шәрт. Тууры будан басқа жүдә көп сыйлар бар. Бирақ Хош хабар айтыу сыйы хәр биримизге жүдә мүхим. Бундай деп айтыуыма бир неше себеплер бар. Бириншиден, Қудай хәр биримизди таңлаған уақтында, басқаларға хызмет етиуимиз ушын таңлаған еди.

Тууры басқа сыйлар арқалы да хызмет етиуимиз мүмкин. Бирақ мүтаж адамларға бириншиден Хош хабар керек деген пикирдемен. Екиншиден, биреу бизлерден кимге исениуимиз хәм қандай етип қутқарылыуға ийе болғанымыз хаққында сорап қалса не? Бундай гезде әлбетте Хош хабарды сол адамға айтып бериуимизге тууры келеди.

Соның ушын да Хош хабар айтыу сыйы хәр бир Масихый адам да болыуын жүдә жүдә қәлер едим. Әлбетте бул мениң жеке пикирлерим еди. Мүмкин сизлер қәдирли тыңлаушылар басқаша пикирде шығарсыз. Тууысқанлар сизлер қандай қылып Хош хабарды басқаларға жеткериуиңиз мүмкин? Әлбетте усы таңланған адам ушын дайым ибадатта болың. Қудайдан оның жүреги ашылыуын сораң.

Содан кийин Қудай сизге берген тынышлық хәм жүрегиңиздеги қууаныш хаққында ол менен бөлиссеңиз болады. Сондай уақытта жақсы тыңлаушы болыуыңыз да жүдә мүхим. Достыңыздың дәрти хәм машқалаларын дыққат пенен еситиң хәм сауалларына жууап бериуге хәрекет етип көриң. Егер достыңыз Қудайдың алдында таубе қылып кеширим алса.

Онда бирге Мухаддес китапты оқыуыңызға болады. Хәм бирге Ийемиз Ийса Масихтың фильминде көрсеңиз болады. Қәдирли тууысқанлар, мынаны бәрқулла ядыңызда тутың, сиз Ийемиздиң жер жүзиндеги елшиси. Қудай аспаннан турып сөйлемейди, себеби Ол жердеги елшилери арқалы басқаларға сөйлейди, усы арқалы адамларды исенимге шақырады.

Бир уақытлары өзлериңиз де басқалардан үйренгендей, жаңа тууысқаныңызға устазлық қылыуыңыз мүмкин. Сол арқалы адамлар арасында Хош хабар кең тарқалып хәм Қудайдың Патшалығы кеңейип бара береди. Қәдирли тыңлаушы Тууысқанлар, және даналық радио толқынлар арқалы көрсинкенше Хош сау, саламат болыңлар!

Bizlerdin’ pikirimizshe, Xosh Xabar aytiw inami barliq masixiylerde bar yamasa oni rawajlandiriw kerek. Xosh Xabar aytiw ushin aldin Xosh Xabar o’zi ne ekenligin tu’sinip aliw ju’da a’hmiyetli. Xosh Xabar grek tilinde “Evangelion” degen ma’nisti bildiredi. “Quwanishli yamasa jaqsi xabar” ha’m “Jen’is haqqinda xabar” degen ma’niske de iye. “Evengelion” so’zi Rim imperiyasinda da paydalanilg’an so’z eken. Misali, sol waqitta egerde imperatordin’ hayali ul tuwsa, xaliqqa “Evangeliye” dep jar salg’an.

Demek, bul ul perzent keleshekte imperator boladi, degen ma’nisti bildirgen, sonliqtan “Evangelie” yag’niy “Jaqsi Xabar” dep baqirg’an. Xaliq ta “Evangelie” so’zin esitkende qatti quwang’an. Hu’kimettin’ buyriqlari ha’m nizamlari da “Evangelie” dep atalg’an eken. Eski Kitapta “Evangelie” so’zi bir ma’rte de tilge alinbag’an, ba’lkim onin’ ornina eski grek tilinde “basar” so’zi paydalanilg’an. Bul so’zdin’ ma’nisi de “Jaqsi ha’m quwanishli xabar” degen ma’niske iye bolg’an.

Ja’ne grek tilinde “miyweli” degen so’z de “Xabarshi, jaqsi xabar alip keliwshi” degen ma’niste de paydalanilg’an. Bul so’z Iyshaya Payg’ambardin’ kitabinda ko’birek jazilg’an ha’m “Iysa Masiyx” haqqinda payg’ambarshiliq etilgen. Jan’a Kelisimdegi “Evangelion” so’zdin’ ma’nisi bul Iysa Masiyxtin’ tuwiliwi, o’miri ha’m Onin’ isleri ha’m barliq adamlardin’ gu’nasi ushin o’limi haqqinda aytilg’an.

Demek, Jan’a kelisimdegi Xosh Xabardi adamlar tek g’ana esitip, tin’lap qoymay, al bir-birine Iysa Masiyx haqqindag’i Xosh Xabardi jetkeriw kerek ekenin Iysa bizlerge u’yretip atir. Iyshaya payg’ambar da bul haqqinda payg’ambarshiliq qilg’an. Eger Iyshaya kitabinin’ 52 bap 7 ayatin oqip ko’rsen’iz, bul haqqinda bilip alasiz. Iysa Masiyx ha’m Aspan Patshalig’i temalari bir-birine ju’da baylanisli. Xosh Xabar aytiliwi menen Aspan Patshalig’i jaqinlasadi. Xosh Xabardi aytiw ushin startti Iyemiz Iysa baslap berdi. Doslar, Xosh Xabar aytiwdin’ waqit saati keldi.

Adam Ata ha’m Hawa Ene gu’na qilg’an waqitinda, olardin’ Quday menen baylanisi u’zilgen edi. Endi olar u’yalmay ha’m qorqpay Qudaydin’ aldinda tura almaytug’in bolg’an edi. Muxaddes Quday da gu’nag’a shidap tura almaydi! Bul haqqinda bizler Jaratilis kitabinin’ 3 bap 24 ayatinda oqiwimiz mu’mkin. “Ol adamdi quwip shig’arip jiberdi ha’m o’mir teregine baratug’in joldi qorg’aw ushin Eden bag’inin’ shig’is ta’repine kerublardi ha’m ha’r ta’repke aylanip turatug’in otli qilishti qoydi”. Olar endi Quday menen aldin’g’iday so’ylese almaytug’in edi.

Adam-ata menen Hawa -Ene Qudaydan ayirilip qalg’an edi, ha’m sodan beri adamlar Qudaydan ruwxiy ayirilg’an esaplanadi. Ha’zirgi ku’ni adamzat Iysadan basqa jol arqali Quday menen baylanisti tikley almaydi. Gu’nalarimiz ushin juwapkershilikti Quday bizlerdin’ o’zlerimizdin’ moyinlarimizg’a ju’kleydi. Bizler ayipdar dep esaplang’an ha’m jazag’a hu’kim etilgen jinayatshilarg’a uqsaymiz. Bul ha’r birewimiz, eger Iysag’a isenip, isenim arqali ju’rekten tuwilmag’an bolsaq, ma’n’gilik o’limge ketemiz degendi bildiredi.

Sebebi Mixaddes Kitap bul haqqinda Yuxan kitabinin’ 3 bap 36 ayatinda aniq aytadi: “Og’an isengen adam ma’n’gilik o’mirge iye boladi. Iysani tan’lamag’an adam o’mir ko’rmeydi, al Qudaydin’ g’a’zebi onin’ u’stinde qaladi”. Bul du’nyada ha’zir bolip atirg’an barliq apatshiliqlar gu’nanin’ a’qibetinde bolip atir.

Eger du’nyada birinshi gu’na bolmag’aninda bizler hesh qashan ta’shwish, qayg’i ha’m o’limdi bilmegen bolar edik. Ha’r qanday gu’nakar insan ha’mme waqit baxitsiz degendi bildirmeydi. Ruwxiy yamasa fizikali o’lim gu’nanin’ a’qibeti esaplanadi. Pavel jazg’an xatlarinin’ birewinde, Adamnin’ etken gu’nasi, o’limnin’ ha’kimshilik qiliwina alip kelgenin ko’rsetedi.

Ba’lkim sonin’ ushinda ha’tteki gu’na islewge u’lgermegen na’resteler de o’ledi. Fizikali o’lim – jannin’ ha’m ruwxtin’ deneden ayiriliwi bolip tabiladi. Adamlar ushin tap dushpanday bolip qalg’an bul gu’na Iyemiz Iysa qayta tiriliw isine juwmaq jasag’aninda buratala joq qilinadi. Bul haqqinda Korinfliler 15 babinda aytiladi.

Budan tisqari Rimlilerge jazilg’an xatta: “Gu’nanin’ to’lemi – o’lim, al Qudaydin’ siyi bolsa – Iyemiz Iysa Masiyx arqali beriletug’in ma’n’gilik o’mir” dep jazilg’anin oqiwimiz mu’mkin. Usi ayatlar jazanin’ ma’n’gi ekenin shubxasiz da’lilleydi ha’m buni inkar etiw mu’mkin emes. Eger Quday ma’n’gi bolsa ha’m qutqarilg’anlardin’ jag’daylari da ma’n’gi bolsa, gu’nalardin’ jazasi da man’g’i boliwi kerek.

Assalawma a’leykum qa’dirli doslar. Insan du’nyag’a kelgennen baslap jaqsi menen jamannin’ parqin bilip o’se beredi. Jaqsiliq penen jamanliqtin’ ayirmashilig’in ajiratip biliw, bul insannin’ ta’biyatinda bar. Ha’tteki ele so’ylewdi bilmeytug’in bala da, anag’a bolg’an bag’iniwshiliq jaqsi emesligin tu’sinedi. Bul insanlar arasinda ushirasatug’in gu’nanin’ tek g’ana kishkene u’lgilerinin’ biri. Insan erjetken sayin, onnanda ko’birek ha’m og’ada jaman gu’nalarg’a qol uradi. Bulardi geypara waqitlari o’zi de an’lawi ya bolmasa an’lamawi da mu’mkin. Son’inan bara-bara gu’nalardi islew, jawiz islerdi a’det etiw, onin’ o’mirinin’ ma’nisine aylanadi. Bunday adam hesh na’rseni sezbey o’mirinen izzet alg’anday bolip jasay beredi…

Duris, Qudaydin’ O’zi onin’ ko’zlerin ashpag’ansha, o’mirine diqqat penen na’zer salmag’ansha, qa’telerin an’lawg’a o’zine imkaniyat jaratpag’ansha usinday etip jasay beredi. Bunday adamdi batpaq ishinde ra’ha’tlenip, o’zinin’ qilip ju’rgen islerinen qanaatlang’an don’izg’a uqsatiw mu’mkin. Gu’na ishinde budan ra’ha’tlenip jasag’an adamdi basqa nege uqsatiw mu’mkin? Biraq bunday insanlar ushin da imkaniyat bar. Quday O’zinin’ So’zinde bilay deydi: “Eger nahaq adam nahaqlig’in taslap, a’dil ha’m tuwri islerdi isley baslasa, ol usilay islep, janin saqlap qaladi” (Ezekiel 33:19). Haqiyqatinda da Qudaydin’ isi menen shug’illanbawliq, Ol qa’legenindey bolip jasamaw jalqawshiliqtay ga’p.

Doslar, Qudaydin’ jolina qilmag’an ha’r bir isimiz biykar eken. O’zin biykar islerden bas tarqan insan Qudayg’a ju’z buradi ha’m bunday isi ushin da jasaydi. Iysa Masiyx ta bizler uqsag’an gu’nakarlardin’ gu’nasin O’zinin’ moynina aliw ushin ha’m bizler ushin to’lem to’lew ushin jerge kelmedi me? Sonday eken, Onin’ aldina barg’an ha’r bir gu’nalini Ol quwip jibermeydi. Onin’ O’zi bul haqqinda bunday deydi: “A’kemnin’ Mag’an bergenlerinin’ ha’mmesi Mag’an keledi. Mag’an kelgenlerdi hesh qashan quwip shig’armayman” (Yuxan 6:37). Insan o’mirindegi islegen gu’nali islerden pushayman bolsa, bul onin’ Qudayg’a qaray ju’zin burg’aninin’ guwalig’i ha’m da’liyli. Biraq ta bunnan bilay duris joldan ju’rse bolg’ani. Qudayimiz oni keshiredi. Muxaddes So’z bul haqqinda bilay deydi: “Jaratqan Iyenin’ atin aytip shaqirg’an ha’r bir adam qutqariladi” (Rim 10:13).

Insan tiri eken, Qudayg’a qaray qa’legen waqitinda ju’zin qaratiwi mu’mkin. Buni gey birewler an’lamag’anliqtan Qudayg’a ju’zin burmaydi. Geyparalar bolsa, an’lasa da o’zinin’ jolin duris ko’redi. Lekin, an’lap turip o’z jolinan ju’rgenlikti maqul ko’rgenlerge qarag’anda Quday onin’ janinda ekenligin ha’m keshirimli ekenligin an’lag’an, son’inan Qudayg’a qaray ju’zin qaratqanlardin’ tag’diri jaqsiraq. Biraqta hesh qashan Qudaydin’ aldina bariw kesh bolmaydi. Muxaddes So’z bunday deydi: “Eger sen Iysani Iyem dep awzin’ menen ashiq ta’n alsan’ ha’m Qudaydin’ Oni o’limnen tiriltkenine shin ju’rekten isensen, qutqarilasan’ …Muxaddes Jaziwda aytilg’aninday: “Og’an isengen hesh bir adam u’yatqa qalmaydi” (Rim 10:9,11). Insan o’miri dawaminda Qudaydi an’lamay, gu’nalar qilg’an bolsa da, Og’an qaray ju’z burg’an ha’m ta’wbe etken insandi Quday a’lbette keshiredi. Qudayg’a ju’z qaratiw, Og’an siyiniw din’ erte-keshe joq.

Bizler atirapimizdag’i adamlardi su’yiwimiz kerek, al geybir adamlardan bolsa uzaqraq ju’riwimiz kerek pe? Degen soraw sizlerge berilse, ne dep juwap bergen bolar edin’iz? Kelin’, bu’gin sizler menen usi tema haqqinda sa’wbetlesemiz. Bul sorawg’a bir ga’p penen juwap beriw mu’mkin. Biraq bul juwap ko’pshiligimizdi qanaatlandirmawi aniq.

Sonin’ ushin da sorawg’a ko’p jaqlama juwap beriwge ha’reket etemiz. Jaratiwshimiz bizlerdi ha’r bir adamg’a qarata miyrimli boliwimizdi ha’m ha’mmeni ten’dey jaqsi ko’riwimizdi qa’leydi. Biraq bul ha’mme menen jaqin boliwimiz kerek degen ma’niste emes. Sebebi ayirim adamlar bizlerge jaman o’rnek boliwi da mu’mkin eken.

Bunday adamlar menen waqitimizdin’ ko’p bo’legin o’tiretug’in bolsaq, tez arada bizler de sonday islerdi qiliwimiz mu’mkin ha’m o’mirimizde qandayda bir ma’seleler payda boliwi da aniq. Eger bizler o’zlerimizdegi jaqsi ta’replerimizdi kimgedir o’rnek etip ko’rsete alsaq, bul a’lbette birewdin’ jaqsi ta’repke o’zgeriwine sebep boliwi da mu’mkin. Sonin’ ushin ayirim adamlar ushin o’mirleri, pikirleri o’zgeriwi ushin bizler de ha’reket etip ko’riwimiz kerek. Biraq bul jerde ju’da abayli boliwin’izdi sizlerge ma’slahat beremiz. Geybir waqitlari siz o’zin’izdin’ jaqsi ta’replerin’izdi og’an u’yretemen dep, ol adamnin’ jaman ta’replerin o’zlerin’izge o’tirip alman’.

Eger onin’ jaman ta’repleri sizge ta’sir etip atirg’anin sessen’iz ol adam menen baylanisti u’ziwin’iz maqulraq dep oylaymiz. A’lbette ol adam sizdi qandayda bir jerlerge mira’t etiwi mu’mkin. Yamasa sizge bir na’rselerdi shegip ko’riwdi aytiwi mu’mkin. Urliliq qiliwg’a, o’sek aytiwg’a, birewdi jamanlawg’a, buziqshiliq islewge ha’m tag’i usilarg’a uqsag’an jaman islerge baslasa. Sizdi gu’nag’a aparatug’in, ha’m Iysadan uzaqlastiratug’in na’rselerdi u’yrete baslasa. Kerisinshe, sonday waqitlarda siz o’zin’izde bolg’an ku’sh ha’m Muxaddes Kitapqa bolg’an bilimin’iz arqali ol adamg’a ja’rdem beriwin’iz de mu’mkin. Eger qanday jol tutiwdi bilmesen’iz o’zin’izden u’lken adamlar menen de ken’eslesin’. Geyde ko’plegen adamlar bunday adamlardan uzaqraq ju’riwdi aytadi. Eger sizge ju’regin’iz de usinday dese demek, en’ jaqsisi bunday adamlardan uzaqraq ju’rgenin’iz maqul. Biraq ila’ji barinsha ha’mme adamlarg’a ja’rdem beriwge ha’reket etiwimiz kerek. Bu’gingi ken’esimiz arqali ha’r birewimiz o’zlerimizge kerekli ha’m paydali juwap aldiq dep oylaymiz. Usinin’ menen esittiriwimiz de o’z juwmag’ina jetti, xosh-saw salamat bolin’.

Pu’tkil du’nya ju’zine belgili bolg’an Garvard universitetinin’ rektorinin’ aldina bir jas hayal ku’yewi menen keledi. Olar kirgende basliq olarg’a onin’ waqiti az, olarg’a qoli tiymeytug’inin ha’m tek g’ana bir neshe minut waqit ajirata alatug’inin aytadi. Bul ga’pti esitken erli zayip: onda sizdin’ waqitin’izdi almayiq, jumisin’izdan qoymayiq dep basliqtin’ aldinan shig’ip ketedi. Bul erli zayiplilar o’zlerinde bar bolg’an pullarin usi universitettin’ fondina o’tirmekshi edi.

Biraq son’ olar o’zlerinin’ million pullarin Kaliforniya shtatindag’i jan’a ashilg’an kolledjdin’ fondina o’tiredi. Bul kolledj keyinshelik usi adamnin’ ati menen ju’rgiziletug’in boldi. Geybir waqitlari oylamay aytilg’an ga’pler haqiyqattan da adamg’a ju’da qimbatqa tu’siwi mu’mkin eken. Bizlerdin’ xalqimizda usig’an tuwra keletug’in bir a’jayip maqal bar: “Aldin oylap, keyin so’yle” degen. Sonin’ ushin kimgedir ne demekshi bolsaq, aldin oylap, keyin so’ylewimiz kerek eken. Ko’pshilik adamlardin’ o’mirlerinde usig’an uqsas ko’p waqiyalar bolg’an boliwi mu’mkin. Geyde oylaymay so’ylep jaqinlarimizdi, yamasa a’tirapimizdag’i adamlardi qapa da qilip qoyiwimiz mu’mkin.

Eger ha’r bir insan shan’arag’inda bir-birine hu’rmet penen qarim-qatnasta bolsa, olar sirtta da basqalarg’a hu’rmet izzette boladi. Ko’binese shan’araqta alg’an ta’rbiya da adamnin’ kimligin belgilep beredi. Ha’mme o’zine qarata basqalardi hu’rmet qiliwin qa’leydi. Misali kimgedir ne ushin siz benen qopal mu’na’sa’bette bolip atirg’anin aytip, oni o’zgertiw qiyin. Biraq o’zin’iz og’an qarata jaqsi mu’na’sa’bette bolip ko’pshilikti o’zgertiwin’iz mu’mkin. Ayatjaq bolg’animiz ha’r bir adam o’zgeristi o’zinen baslag’ani maqul. Kelin’, ja’ne bir qiziq misal menen sa’wbetimizdi dawam ettiremiz.

Bir hayal, ku’yewim mag’an qarag’anda iytimizge mu’layimlirek, jaqsiraq mu’na’sa’bette, dep ariz etedi.

Bul haqqinda ku’yewinen sorag’aninda, ol, duris sebebi men jumistan kelgen waqitimda iytimiz meni quwanish penen jaqsi kewilde ku’tip aladi, ba’lkim sonin’ ushin og’an jaqsi mu’na’sa’bette shig’arman, dep juwap bergen eken. Doslar, jaqsi so’z ha’m duris mu’na’sa’bet penen ko’plegen ma’selelerge sheshim tabiw mu’mkin eken. Biraq bul eki ju’zlemeshilik qiliw kerek degen ma’niste emes.

Hu’rmetli tin’lawshilar, ha’mme waqit qay jerde qanday jag’dayda bolsan’izda o’zin’iz bolip, ha’mme menen ten’dey, birdey bolin’. Basqalar sizge qanday mu’na’sa’bette boliwdi qa’lesen’iz, sizlerde olarg’a sonday mu’na’sa’bette bolin’. Usinin’ menen qa’dirli tin’lawshilar, bu’gingi ken’esler esittiriwimiz o’z juwmag’ina jetti. Keyingi esittiriwimizde sizler menen diydar ushirasqansha xosh-saw salamat bolin’.

Doslar, bizler ha’r birewimiz Quday ta’repinen jaratilg’an bendelermiz, ha’m jaratilisimiz da bir. Sonin’ ushin bizler ha’r birewimiz bir-birimizge tuwisqandaymiz. Bir-birimizdi su’yip, hu’rmet etiwimiz ju’da a’hmiyetli. Joqarida aytip o’tkenimizdey, bizler bir-birewimiz ha’m dushpanlarimizdi qalay su’yiwimiz mu’mkin. A’lbette bir-birewimizge etken jaqsiliqlarimiz arqali. Dushpanlarimizdi su’yiw bul olardi ha’r qanday jag’day da keshiriwimiz kerek ekenin ha’m bizlerge qarata etken islerine keshirimli boliwimizdi bildiredi. A’lbette kimdir sizge qarata da’mego’ylik etse ashiwin’iz keledi.

Biraq, sonday jag’dayda da sol adamg’a keshirim bere aliw bul dushpanlarimizdi su’yiw demek. Dushpanlarimizg’a da basqa doslarimizg’a bolg’an mu’na’sebette boliwimiz ha’m olardan o’sh almawg’a ha’reket etiwimiz de dushpanlarimizdi jaqsi ko’re aliwimiz degeni. Ne bolsada olardi qapa qilmaw jaqsi na’tiyje beredi dep sizlerdi isentire alamiz. Eger sizlerde bunin’ ila’ji joqqo degen pikir payda bolg’an bolsa siz haqsiz. Dushpanlarimiz bizlerdi a’lbette jaman ko’redi. Ha’r qanday jag’day da siz benen mag’an jamanliq qiliwg’a olar tayar turadi. Olar bizlerdi tu’rtip, urip yamasa jaman so’zler menen qapa qiliwi mu’mkin.

A’lbette bizlerge qilip atirg’an islerin bizler jaqtirmaymiz. Ashiwimiz kelip ha’mme na’rsege tayar boliwimiz mu’mkin. Biraq Qudaydan sabirliliq sorap olardi su’yiwge ha’reket etiwimiz jaqsiraq. Sebebi Quday Iyemizdin’qa’leytug’ini da usi. Eger bizler Qudaydin’ miyrim-sha’pa’a’tine sazawar boliwdi qa’lesek, demek, bizler Onin’ aytqanlarin orinlawimiz lazim. Sebebi bunday dushpanlarimizdi insan o’zgertiwi qiyin, buni tek g’ana Jaratqan Iyemiz qila aladi. Kim biledi dep oylaysiz bu’gin bizlerge dushpan bolg’an adamlar erten’ bizlerdin’ en’ jaqin adamimiz yamasa dostimiz boliwi da mu’mkin. Budan tisqari basqalardin’ bir-birine bolg’an mu’na’sa’betlerin ko’rip bizler o’zlerimizge tuwri juwap shig’ariwimiz mu’mkin. Qa’dirli tin’lawshilar kelin’, bir-birewimizdi ha’mme waqit hu’rmet etiwge ha’reket etemiz. Olardi jaqsiliq qiliwg’a, ko’plegen doslar arttiriwg’a shaqiramiz. Qa’dirli tin’lawshilar, sizler menen xoshlasar ekenbiz, sizlerge Jaratqan Iyemizden sabirliliq, ku’sh tilep xosh saw-salamat bolin’ dep qalamiz.

Geybir waqitlari adamlardin’ bul jazilg’an ayatti naduris tu’sinip, qabil etip atirg’anlarin esitemiz. Geybir doslarimizdin’ pikirlerinshe, eger kimdir sizge jamanliq qilsa, siz de olarg’a tap sonday jamanliq penen juwap beriwin’iz kerek ekenin aytadi. Bizler bolsa sizlerge bunin’ uliwma kerisi bolg’an ken’esti bermekshimiz. Yag’niy eger sizge qarata kimdir jaqsi mu’na’sebette boliwin qa’lesen’ler, siz de sol adamg’a qarata jaqsi mu’na’sa’bette boliwin’iz sha’rt. Eger jamanliqqa jamanliq penen juwap qaytarsaq, bizlerge odan qanday payda boladi. Jaratiwshimiz Aspandag’i A’kemiz ha’tteki dushpanlarimizdi da su’yimizdi qa’leydi.

A’lbette bul qiyin. Biraq adamlardin’ oy-pikirlerin o’zgertiw ha’m olardi tek g’ana jaqsiliq qiliwg’a shaqiriwdin’ jalg’iz joli da usi jerde jasiring’an. Ne ushindir adamlarg’a jaqsiliq qiliwdan ko’re, jamanliq qiliw an’satraq. Doslar, sizlerdin’ pikirlerin’iz qanday? Ne ushin bunday dep oylaysiz? Jamanliqqa jamanliq penen qaytariw jaqsi emes ekenin bizler bilemiz. Bizlerge jamanliq qilg’an adamlardi jazalaw bul bizlerdin’ jumisimiz emes, budan tisqari bizlerge bunday huquq ta berilmegen. En’ jaqsisi bul adam menen bul ma’sele haqqinda ashiq so’ylesip alg’an maqul.

G’azep u’stinde bul ma’selege sheshim tabiwg’a ha’reket etsek, bul sol waqiyanin’ ja’nede qizip ketiwine sebepshi boliwi mu’mkin eken. Budan tisqari jamanliqqa bunday juwap qaytariw bul jag’daydi ja’nede qiyinlastiradi. Duris bizler o’zimizdi qanday da bir jol menen qorg’awimiz kerek, biraq bul birewden o’sh aliwimiz kerek degen ma’nisti bildirmeydi. Ba’lkim bul bir qarag’annan adalatli emes dey bolip ko’riniwi mu’mkin. Biraq xalqimizdin’ “sabirdin’ tu’bi sari altin” degeni maqali bar. Bul jerde sizge ja’ne bir a’hmiyetli bir na’rse haqqinda aytip o’tpekshimiz. Eger bizler jamanliqqa jamanliq penen qaytarmay, kerisinshe, jaqsiliq etsek. Tas bawir adamnin’ da ju’regi eriydi. Bul bolsa haqiyqiy ma’rt adam ekenin’izdi ko’rsetedi. Hu’rmetli doslar, ha’mme waqit jaqsiliq islew siz ha’m bizge barqulla yar bolsin. Keyingi esittiriwimizde ja’ne ushrasqansha saw-aman boliw.