Хәр қандай сезимлер қаншама исенерли болмасын, егер сизди Қудайдан узақласыу кереклиги хаққында сөйлесе, хеш бирине исенбең хәм қулақ салмаң. Шайтан хәм оның хызметкерлери сондай хийлекер, хәтте өзиңизге ең жақын адамларыңыз арқалы да хүжим етиу мүмкин. Соған уқсас уақыялар хәр биримизге Мухаддес Жазыудан жақсы таныс болса керек.

Мухаддес китаптан Гедион хаққында жазылғанын жақсы билемиз хәм оның душпанларға қандай қылып қарсылық қылғаны хаққында да оқыймыз. Оның душпанлары әпиуайы душпанлар емес, үлкен бир армия еди. Сондай үлкен армияға қарсы урыс алып барыу, егер Қудай жәрдем бермесе, бул мәниссиз есапланар еди. Бул душпанлар Израил жерлерин басып алып, халқына қарсы урысып атырған еди.

Гедион израилилар арасыннан отыз еки мың әскерлерди жыйнап, душпанға қарсы урыс алып бармақшы еди. Бирақ Қудай Гедионға ондай үлкен армияның керек емеслиги хаққында сөйледи. Қудай азырақ армия менен де душпанларды жеңиуи хаққында Гедионға үәде берди.

Қәдирли тууысқанлар, масихый адамның душпаны көп. Олар хәр түрли усыллар менен хәр биримизге қарсы урыс алып бармақта. Қудай болса тек сен арқалы да үлкен бир душпанды хәм оның армиясын жеңе алады. Ийемиз Ийса Масих сен менен бирге екенин сезе билсең, тап Гедиондай өзиңизде үлкен бир күш таба аласыз хәм душпанға қарсы урыс алып барыуға шынлық пенен кирисе аласыз.

Қәдирли радио тыңлаушы тууысқанлар, егер тынышлық Хош Хабарын жәриялау таярлығын аяқларыңызға аяқ кийим қылып киген болсаңыз хәм исенимде беккем түрған болсаңыз, шайтан сизге қарсылық қылыуға қорқады. Хәр қандай душпан да өз душпанына урыс қылыудан алдын, оның күшли хәм күшсиз тәреплерин жақсы үйрениуге хәрекет етеди.

Егер де душпанға қаратылған хүжимди ақырына жеткериуге көзи жетпесе, жақсысы урыс басламай қояды. Исенимде беккем болың, деп айтыулыудың да негизги себеблердиң биреу де усы жерде. Ийемиз Ийса Масих шайтанды жеңди, бизлер, масихыйлар болса Ийемизге тийисли екенимизди шайтан жақсы биледи.

Соның ушын да Ийсаға дайым садық перзент болайық, сонда душпанымыз бизлер ким хәм кимниң перзенти екенимзди билип алып хәм хәр биримизди көргенде дирилдеп кетеди. Тууысқанлар, бизлерге хат жазып түрың, бизлердиң адресимиз: www.Danaliq.com. Дослар көрискенше Хош сау, саламат болың!

Eger men basqalarg’a su’yispenshilik ko’rsetpesem, olarg’a xizmet etiwdi qa’lemesem ha’m tek g’ana o’zimnin’ mu’ta’jliklerimdi qandiriwdi oylasam, men o’zime soraw beriwim kerek, haqiyqattan da Masiyx menin’ ju’regimde jasay ma? degen. Qutqarilg’an kewil, xizmet etiwdi qa’leytug’in kewil esaplanadi. Qudayg’a xizmet etiw ushin adamlar ta’repinen naduris tu’sinilgen tu’sinik bul “xizmet” so’zi bolip tabiladi. Adamlar “xizmet” degen so’zdi esitkeninde, olar shopan, ruwxaniylerdi oylaydi. Biraq Quday Onin’ shan’arag’inin’ ha’r bir ag’zasi xizmetker ekenin aytadi.

Muxaddes Kitapta xizmetshi ha’m xizmetker so’zleri sinonim bolip kelgen. Siz Masixiy bolsan’iz, demek siz xizmetshisiz. Doslar, eger esin’izde bolsa, Petrdin’ enesi awirip jatirg’aninda, Iysa og’an shipa bergeninen son’ ol da’rriw “orninan turip Iysag’a xizmet ete baslag’an edi. Bizler de usinday qiliwimiz kerek. Bizler basqalarg’a ja’rdem beriw ushin ta’wir boldiq. Bizler iygilikli ha’m baxitli boliw ushin patiya alg’anbiz. Bizler basqalarg’a jarilqaw boliw ushin jarilqandiq.

Bizler otirip alip beyishti ku’tiw ushin emes, ba’lkim xizmet etiw ushin qutqarildiq. Doslar, bizler Qudaydi Onin’ miyrim-sha’pa’a’tin qabil etken waqitimizda Ol bizlerdi sol waqittin’ o’zinde-aq beyishke alip ketpegeni haqqinda aldin hesh oylap ko’rdegsiz be? Ne ushin Ol bizlerdi jig’ilg’an du’nyag’a taslap ketedi? Ol bizlerdi bul jerde O’z ma’qsetin a’melge asiriw ushin qoyipti. Siz qutqarilg’anin’izdan son’ Quday sizdi O’zinin’ ma’qsetleri ushin isletiwdi qa’leydi. Doslar, kelin’, Qudayg’a shin ju’regimizden ja’rdem beremiz.

Qudaydin’ sizlerge Onin’ ja’ma’a’ti ushin xizmeti ha’m du’nya ushin waziypasi bar. Siz Qudayg’a xizmet etiw ushin shaqirilg’ansiz. O’sip barg’an sayin Qudaydin’ “shaqiriwi “ tek g’ana shopanlar, xizmetshiler, u’y bekeler ha’m ja’ma’a’tte “toliq” xizmet etip atirg’an basqa xizmetshilerge tiyisli dep oylag’an boliwin’iz mu’mkin. Biraq Muxaddes Kitap ha’mmeni xizmet etiwge shaqirilg’an dep aytadi. Sizdin’ qutqariliwin’iz da xizmetke shaqirilg’anin’iz boladi.

Jumisin’iz yamasa lawazimin’iz qanday boliwina qaramastan siz toliq xizmetke shaqirilg’ansiz. Jumis orinlarin’izda da Masiyxtin’ bayrag’in ko’terip, Onin’ su’yispenshiligin, haqiyqatin ha’m miyrim-sha’pa’a’tin basqalarg’a ko’rsetip jasag’anin’iz da xizmet. A’tirapin’izdag’i adamlarg’a o’zin’izde Iysani ko’re aliwi ushin ha’reket etkenin’izde xizmet bolip tabiladi. Doslar, kelin’, o’zi qisqa bolg’an o’mirimizdi quwanishqa, haqiyqatqa, su’yispenshilikke, mu’layimlilikke, keshirimge toltirip ha’m bir-birimizge xizmet etip Iysanin’ atin alg’islap jasaymiz. Barliq alg’is maqtawlar tek g’ana Jaratqan Iyemizge bolsin.

Budan tisqari qonaq ku’tetug’in adamda asig’ip, a’were bolip qalmaydi. A’lbette miymanshiliqqa barg’an adam o’zi menen bir na’rse de alip baradi. Misali nan, yamasa pechenie. Uliwma alg’anda qa’legen na’rsesin. Miymang’a shaqirg’an waqitin’izda ha’mme waqit bir waqitta emes al ha’r qiyli waqitta da shaqiriwin’iz mu’mkin. Budan tisqari keletug’in miymanlarin’iz u’sh, to’rt, yamasa bes adam bolsa ju’da jaqsi. Qon’silarin’izdin’ da itibarin tartpaysiz.

Ha’r kim o’zinin’ jag’dayina qarap miyan ku’tkeni maqul. Bir su’yiq awqat ha’m eki sho’rek nan menen ku’tsen’izde boladi. A’hmiyetlisi awqat jew emes, al birgelikte sa’wbetlesip, waqit o’tiriw. Bul aytip atirg’anlarimiz geybirewlerge tuwri kelmes, biraq ha’zirgi ku’ni jag’day sonday danaliqti talap etip atir. Kim miyman bolip kelip tuwisqanlarin u’yine miyman etip orin berse, ko’rip turg’an Quday u’ydin’ iyesin a’lbette jarilqaydi. Sebebi Muxaddes Kitapta da usinday aytilg’an ayat bar: “Al kimde kim minanday bir balani Menin’ atim ushin qabil etse, onin’ Meni qabil etkeni boladi”. (Matta 18:5)

Iyemiz Iysani miymang’a shaqiriw qanday a’jayip ekenin bizlerden de jaqsiraq bilesizler. Qa’dirli doslarimiz, bug’ingi qisqa esittiriwimiz o’z juwmag’ina jetti. Sizlerge tinishliq, danaliq ha’m su’yispenshiliq tilep xosh saw- salamat bolin’ deymiz.

“Bul a’wlad ha’zirgi ku’ni bizler aytatug’in “stivilizatsiya” nin’ aqirin ko’riwge shekem jasawi shu’bxasiz”. Tsivilizatsiya kemshiliklerinin’ juwmaq jasaliwina tiykarlang’anday ha’zirgi waqittag’i en’ kerekli na’rse bul ha’r qanday bolsa da Iysa Masiyxqa xizmet etiwdi qa’leytug’in, Og’an pu’tkilley o’zlerin tapsirg’an masixiy erkek ha’m hayal adamlar bolip tabiladi.

“Bul ma’mlekettegi ha’m pu’tkil du’nyadag’i jag’day haqqinda ko’p oylag’anim ha’m ibadat etkenim sayin, masixiyler ruwxiy o’mirinin’ ku’shsizligi, o’zinin’ o’zgeriwi kerekliginin’ ma’nisi ha’m ma’qseti Aspandag’i A’kemiz benen ha’tteki usi jerdin’ o’zinde, yag’niy jerde de ha’mme waqit ruwxiy baylanista boliw kerekligin an’lap jetpegenlikleri bolip esaplanadi.

Bul haqiyqatti qabil etkenimizde, masixiy ruwxiy o’mirimizde ha’r ku’ni Qudaydin’ So’zi menen waqit o’tiriw ha’m Qudaydin’ O’zin ko’rsetiwin ha’m O’z su’yispenshiligin bizlerge ashiwi ushin ibadatta Ol menen birge boliwimiz qa’nshellim a’hmiyetli ha’m kerek ekenligin tu’sinemiz”. Gu’nalarg’a keshirim aliw ha’m ha’tteki Qudayg’a o’zimizdi tapsiriwda jeterli emes. Bul tek g’ana baslaniwi.

Duris, Iyemiz Iysa menen birgelikte ha’r ku’ni Qudaydan jan’a jarilqaniw alip turiwimiz lazim. Bul ushin asig’ip shala-pala ibadat yamasa Qudaydin’ So’zin ju’zeki oqip qoyiw arqali erisip bolmaydi. Qudaydin’ aldina kiriw ushin, o’zin’izdin’ ku’shziligin’izdi ha’m mu’ta’jligin’izdi seziw ushin, Qudaydin’ Muxaddes Ruwxi arqali Og’an xizmet etiw ha’mde ju’regin’izde Aspannan nur ha’m o’mirdi jan’alaw ushin siz tinish waqit ajiratiwin’iz kerek boladi.

Mine sodan keyin siz Masiyxtin’ qu’direti arqali bul ku’nnin’ ta’shwishlerinen saqlaniwg’a u’mit etiwge haqli bolasiz. Ko’plegen Qudaydin’ perzentleri jaqsi jasaw ushin ha’reket etedi, biraq olar o’mirlerin jan’alaw ushin ha’reket etpeydi.

Doslarimiz, Quday haqqinda aytilg’an bir adamnin’ mna pikirin oylap ko’rin’: “Ruwxiy o’mirimnin’ ku’shsizligi ko’binese ku’nnen-ku’nge Quday menen mu’na’sa’betimnin’ kemeyip baratirg’ani bolip tabiladi”. Bul Andryu Morrey degen tuwisqannin’ ga’pleri edi. Menin’ oyimsha bul ga’p ko’pshilik masixiylerge tiyisli.

Usinin’ menen qa’dirli tin’lawshilar, bugingi temamiz da o’z juwmag’ina jetti. Bizlerdin’ internet saytimiz www.danaliq.com Ja’ne efirde ushirasqansha xosh saw-salamat bolin’.

Sadiq o’mir, tawsilmas quwanishlar alip keledi, ha’mde Masiyxqa Sadiqliq o’mirimizdi bereketli etedi, ibadatlarimizg’a juwap alamiz. Bizler Og’an bag’inamiz sebebi Ol bizlerdin’ ishimizde ha’m bizler arqali jasap atir.Masiyxqa sadiqliq bul Onin’ erkine ko’re jasaw ushin sizge imka’n beretug’in, siz arqali basqarilatug’in Onin’ o’miri, Onin’ ku’shi, Onin’ danalig’i, Onin’ baylig’i, Onin’ qu’direti, Onin’ qa’bilyeti ekenligin yadimizda tutip, an’li ra’wishte Og’an tiyisli bolip jasawdi bildiredi.

“Mag’an ku’sh-quwat beretug’in Iysa Masiyx penen birge ha’mme na’rseni isley alaman” (Filipliler 4:13) dep Muxaddes Kitapta jazilg’an. Demek, Qudaysiz qolimizdan hesh na’rse kelmeydi. Insan o’zinin’ ku’sh-qu’diretine su’yenip bir na’rselerdi etiwi mu’mkin, biraq bul uzaqqa barmaydi.

Ne bolg’an jag’dayda da doslar, tu’skinlikke tu’spen’ler. Qudayg’a isenin’. Qudaydan la’zzet alin’, o’mir jolin’izdi Qudayg’a tapsirin’. Iyemizden tinishliq alip, Og’an qaran’. Tinish ha’m bereketli o’mir siri to’mendegilerdi o’z ishine aladi: biliw, orinlaw, qolimizdi beriw, iseniw, la’zzet aliw, tapsiriw, tinishliq aliw ha’m ku’tiw.

Doslar, so’zlerdi Muxaddes Kitaptin’ Rimlilerge jazilg’an xattin’ 6 babi, ha’mde Zaburdin’ 37 baplarin tabip, oqip ko’rin’. Siz Iysa Masiyx penen o’lgenin’izdi bilin’, o’zin’izdi gu’nanin’ aldinda o’lik, Iysa ushin tiri dep esaplan’, o’zin’izdi Qudayg’a tapsirin’, Og’an boysinin’, Quday sizdin’ gu’nalarin’iz ushin to’lem bergenine ha’m ma’n’gi o’mir bergenine isenesiz.

Ne ushin endi gu’nanin’ u’stinen jen’ip shig’iw ushin ku’sh aliwg’a Og’an isenbewimiz kerek eken? Siz Masiyxti isenim menen qabil etkenin’izdi eslen’, solay eken endi siz isenim menen jasawin’iz kerek.

Doslar, Quday ha’r birewimiz ushin tayarlag’an siylardi ko’riwimiz ushin kewil ko’zlerimizdi aship ko’reyik. Bizlerge g’amxorliq qiliwi ushin Quday perishtelerin jibergen. Siz Qudaydin’ perzenti bolg’anin’izdan son’, sizdi toliq qaplasin, toltirsin ha’m Qudaydin’ jolinda ju’riwin’izge ja’rdem bersin dep – Muxaddes Ruwxin jibergen. Siz jalg’iz emessiz, quwanishli ku’nin’izde ha’m qayg’in’izda da sizge da’rtles boliw ushin ja’ma’a’tin jibergen. Sizge ha’mme waqit joldas boliwi, awir, qiyin jag’daylarda ta’selle beriwi ha’m jol ko’rsetiwi ushin O’zinin’ So’zin jibergen. Quday menen qa’legen waqitin’izda so’ylesiwin’iz mu’mkin – Ol sizdi esitedi. Ibadat etkenin’izde Ol sizdi esitedi. Duris, o’mirimizde qiyinshiliqlar bolip turadi, biraq Quday ku’shin’izden artiq qiynaliwin’izg’a jol qoymaydi.

Muxaddes Kitabinda da bul haqqinda jazilg’an: “Sizlerdin’ basin’izg’a ha’mme adamlardin’ basina tu’setug’in sinaqlardan basqa sinaqlar tu’sken joq. Quday sadiq. Ol ku’shin’izden artiq sinaqlarg’a tu’siwin’izge jol qoymaydi. Sinaqlarg’a shidawin’iz ushin, Ol sinaqlar menen birlikte olardan shig’iw jolin de beredi”. 1 Korinfliler 10:13

Quday, Ol jig’iliwin’izg’a jol qoymaydi. Siz ha’dden tis qiynalip, qayg’idan ju’regin’iz ada bolip atir, Qudayg’a nalip jiladin’iz. Biraq Quday qayg’in’izg’a biyparwa bola almaydi. Ju’zin’izge ag’ip tu’sip atirg’an ko’z jaslarin’izdi sipiradi. Sizdi jubatadi. Shu’kirshilikten kewilin’iz quwanishqa tolip, tilin’izden alg’is maqtawlar qosiq bolip shig’adi. Quday sizdin’ qasin’izda turip sizdi esitedi. Alg’is-maqtawlarin’izdi ra’ha’tlenip qabil etedi.

Geyde Qudayg’a jaqin boliwdi qa’leysiz. Qa’ne, Qudayg’a jaqin bolsam, deymiz. Qiyinshiliqlarda, quwanishta, ha’mme waqit Onin’ qanaatlarinin’ astinda tinishliq tabiwdi qa’leymiz. Biraq Qudaydin’ bizlerge jaqin boliwdi qa’lewi bizlerdikinen de ku’shlirek. Ol barqulla bizlerge jaqin boliwdi qa’leydi. Muxaddes Kitapta jaziliwinsha Quday bizlerdi O’ziniki qiliwi ushin a’zelden tan’ladi. Iysa Masiyx kelgennen son’ Onin’ qani arqali gu’nalardan azat boldiq. Og’an isengenimiz ushin Ol bizlerge Qudaydin’ perzenti boliwdin’ erkin berdi. Ha’m bizlerdi O’zinin’ su’yikli perzenti dep atadi. Bizler ka’mbag’al yamasa biyshara emespiz. Qudaydin’ bizlerge bergen ha’m berip atirg’an siylarinin’ shegi joq, doslar buni tek g’ana tu’sinip, ko’re alsaq boldiq. Siz du’nyadag’i ha’r qanday bay adamnan ko’re bayraqsiz, sebebi sizdin’ Qudayin’iz bar.