Хүрметли радио тыңлаушылар,егер римликлерге жазылған хаттың биринши сегиз бабына қарасақ,қутқарылыу жолының еки тәрепи ашық ашып берилгенин көремиз.Бириншиси – Қудай биз адамлардың гүналарын кешириуши болса, екиншиси – денемизде бийлик қылыушы гүнадан азат болыу жолы.

Усы китаптың басындағы бес бабы адамлардың хәр түрли гүнаға батқанлыгы,ақыбетинде Масийхтың күши менен калай кеширим алыуымыз мумкинлигин көрсек болады.Алтыншы баптан баслап болса бизлер, гүнакар адамлар, Масийх пенен бирликте кандай қылып атанақ ағашта шегеленгенимиз тууралы сөз болады.Усы хаттың басындағы бөлимлеринде Ийемиз Иса Масийхтың мухаддес қаны бизлерди кешириу ушын калай төгилгени хаққында айтылады.Хаттың екинши бөлиминде болса Қудай әмелге асырған , яғный Ийемиз Иса Масийхтың атанақ ағашы арқалы қылған хызмети хаққында, яғный бизлердиң Ийемиз бенен Оның өлиминде, көмилиуинде, хәм қайта тирилиуинде бирге екенлигимизди еслетеди.Кейинирек көриуимиз мүмкин, төгилген қан бизлер ислеген гүналарымызды, атанақ ағаш болса жаман әдетлеримиздиң жоқ болыуы ушын берилгенин көремиз.Әзиз радио тыңлаушылар ,ислеген гүналарымыздың ақыбети нелерге алып келеди?

Қудайдың көзиниң алдында бизлердиң гүналарымыз жууылыуы ушын Ийемиз Ийса Масийхтың төккен мухаддес қаны жүдә улкен әхмийетке ийе.

Мысалы Римликлерге жазылған хаттың 3:23 аятында жазылған « хәмме гүна ислеген». Буннан басқа , Римликлерге жазылған хаттың 5:8-9аятларында:» Бирақ, бизлер еле гүнәкәр болған уақтымызда Масийх биз ушын өлди.» Бул Қудайдың бизлерге болған сүйиспеншилигиниң белгиси. Сонлықтан, егер бизлер Масийхтың төгилген қаны арқалы ақланғанғанымыз себепли, Ол арқалы Қудайдың ғәзебинен қутылыуымызда анық, деп жазылған.Әзиз радио тыңлаушы , Қудай бизлерди сүйип, және Өзине қайтарыу ушын Ийемиз Иса Масийх анық сол қәтелерди шешти.

Бириншиден, Ийемиз Иса Масийх барлық уақытта Қудай алдында бизлерди ақлайды, жүрегимизге тынышлық береди, шайтанның хүжимлерин қайтарып, хәр бир перзентин қорғайды. Әзизлер, усыларды билип барлық уақытта алдынға адым атайық. Душпанлар Масийхтың мухаддес қаны күшли тәсирге ийе екенин билип алсын.Және радио арқалы ушырасқанша хош, сау болыңлар.

Тек Қудай биледи кележекти. Одан басқа хеш ким кележектен хабары жоқ. Қәдирли тыңлаушы тууысқанлар сизлер хаққыңызда не деймиз? Мүмкин, сизлер өзиңиз шешим қылыуды қәлейсизлер. Егер сизлер Қудайдың еркисиз қашан болса да айып қылған болсаңыз, сизлер Қудайдың нызамын бузғансыз. Мүмкин хеш биримиз Қудайды биринши орынға қоймаған шығармыз. Қудайдың нызамын бузыу ушын берилетуғын жаза – бул Қудайдан айырылыу. Оны бузыуда хәммемиз айплымыз. Қудай Өз Сөзинде былай деп айтады: Мен Қудайман, Сениң Қудайыңман, Мени жек көргенлерди әкесиниң гүнасы ушын балаларын, олардың үшинши хәм төртинши әүладына шекем жазалайман себеби Мен қызғаншақ Қудайман.

“Мени сүйип хәм буйрықларымды орынлағанларға мыңыншы урпағына дейин жақсылық қыламан”. Шығыу китабы 20 бап 4-6 аятлар. Қудай хәммеден үстин. Қудай жаратқанлардың биреуде, адам қолы менен исленген хеш бир бутқа табыныуға ылайықлы емес – тек Қудайға табыныу керек. Қудай Руух. Ол физикалық денеге ийе емес. Қудайдың түри қандай екенин хеш ким билмейди. Соның ушын Қудай, бизлердиң пикиримиз бойынша Оған уқсаған, бир нәрселерди ислемеуимизди айтты. Қудайдың көриниси қандай екенин билиуимиз ушын жалғыз жолы – бул Оның китабы болған – Мухаддес китап арқалы билиу. Мухаддес китапқа қарсы келген нәрселер – бул шайтанның өтириги. Бизлер Қудай хаққындағы хақыйқатты Мухаддес китаптан билип аламыз.

Пүткил дүнья бойлап шайтан адамларды Қудайды хақыйқый билиуден азғырып жүрген. Олар енди хақыйқый хәм тири Қудайды билмейди. Шайтан, Қудайдың орнын ийелейтуғын басқа нәрселерди берди. Адамлар, Қудай қандай болыуы кереклиги хаққындағы өз жобалары хәм басқа адамлардың пикирлерине исенеди. Адам қоллары менен исленген хәм олардың пикирлеринше Қудайды көрсететуғын нәрселерге сыйынғанлар хәм усы менен Қудайдың буйрықларын бузды хәм жазаланды.

Хәр бир адам, Қудай өмиримизди алып қойыуы хәм мәңгиге жазалайтуғын күшке ийе екенин түсиниуимиз керек. Бул бизлер “Қудайдан қорқыу” дегенимизди нәзерде түтқанымыздың дәлили. Басқа адамды қорласақ – бул жақсы емес, бирақ бизлер Қудайға хүрметсизлик қылсақ ямаса Оның Атын жеңиллик менен ислетсек, бул қаншама өкинишли болады. Қудайға ылайықлы болған хүрметти Оған көрсетпегенлердиң хәммеси хүким етилип болынған. Келиңлер қәдирли тыңлаушы тууысқанлар Қудайға бойсынып жасауға шын жүректен хәрекет қылайық. Ийемиз Ийсаның мийрими хәм тынышлығы хәммеңизге яр болсын, хош сау саламат болың!

Сизлер Отырғаныңызда да, жүргениңизде де, қай жерде болмасаңыз да Аспандағы Достыңыз сизлер менен бирге хәм сизлер жалғызлықты сезбейсизлер. Сизлер буған исениң хәм бул хақыйқат сизлерге сиз мутаж болған тынышлықты береди. Оның жарылқауысыз, күшисиз хәм даналығысыз хеш қашан бахытлы бола алмаслығыңызды умытпаң. Хәр қашан өзиңизди жалғыз сезсеңиз де хәм қаншама узаққа кетсеңиз де Қудай дайым сизлер тәрепте, сизлерди жетеклеуге хәм қорғауға дайым таяр. Қараңғы түнниң әжайып қараңғылығы ямаса ауыр жағдайлардың, жауызлықтың хәм хәлсизликтиң күшли қараңғылығы болмасын, бул қараңғылық та хеш қашан сизлерди Одан жасыра алмайды

Хеш нәрсе Оның қорғауы хәм мийриминнен сизлерди узақластыра алмайды. Қудай нурды қараңғылықтан ажыратқан хәм Оның ушын усы нәрселер бирдей. Қудайдың өткир көзлери ана қарындағы қараңғылықты да көре алады. Сизлер тууыламан дегенши Қудай сизлердиң денеңиздеги: сүйеклериңиздиң, булшық етлериңиздиң, нерв дизимлериниң, хәм қан тамырларыңыздың рауажланыуларын көрип түрған. Мухаддес Руух Забурда адам пайда болыуы хаққында Жаратыушның қүдиретли үқыплығын көрсетеди. Адамзат денеси уллы Жаратыушының әжайып жобасы бойынша ол басқышпа-басқыш рауажланып барады. Ақырғы басқышлар соңында, бала тууылыу ушын таяр болады. Бирақ бала тууылғаннан кийин де Қудайдың тәшиушлери таусылмайды.

Сизлердиң өмириңиз дауамында Оның сизлер хаққыңыздағы пикирлери жоқары болған. Аспандағы Әке Өз перзентлери хаққында ойлағанындай, хеш бир ана өз баласы хаққында бундай тәшиуишленбеди. Ол қызыққандай етип хеш бир адамлар сизлер менен қызықпайды хәм Ол сизлер хаққында дайым ойлайтуғын болса, гейбир адамлар сизлер хаққында умытып қойыуы да мүмкин. Ухлап атырғаныңызда да Қудай сизлер менен бирге, хәм түнде ямаса азанда оянғаныңызда да сизлер Ол менен бирге боласызлар. Забур китабында мынадай сөзлерди оқыуымыз мүмкин: “Ели де Сен менен биргемен”.

Дауыт Қудайдың дайым бар екенин хәм мийримли екенин ақылына сиңдирип жибергени хаққында айтады. Егер ерте азаннан баслап өзиңизди ибадат пенен Оған тапсырсаңыз, дайым Қудай менен бирге екенлигиңизди умытпаң. Хақыйқаттан Қудай Ол адамлардың пикирин китап оқығандай оқыуы мүмкин. Қудай сизлердиң пикирлериңизди сизлердиң ауызыңыздан шығып атырған сөзлердей жақсы биледи. Дайым хәм хәмме жерде Қудай Өз халқы менен бирге болады. Қудайдың перзентлери хаққындағы тәшиуишлерин оларды бесиктен қабирге дейин биледи. Ол менен хәмме нәрселер хаққында сөйлесиң хәм Ол сизлерге қандай жол менен барыуыңызды көрсетеди. Мүмкин Ол сизлердиң машқалаңызды шешпесе де, бирақ оған болған қатнасыңызды әлбетте өзгертеди. Қәдирли тыңлаушы тууысқанлар хәммеңизге Қудайдың Өзи яр болсын!

Ko’plegen ma’mleketlerde shan’araq basshisinin’ o’z jumisinan ayiriliwi da u’lken mashqalalardin’ biri bolip tabiladi. Budan tisqari, eger denemizde qanday da dawasiz kesellik bar ekenin aniqlasaq, ja’nede ruwxiy tu’skinlikke tu’semiz. Usinday ku’tilmegende bolatug’in qayg’ili waqiyalar o’zinin’ jaman ta’sirin a’lbette adamlarg’a o’tiredi. Biraq tiykarg’i isimiz bul bizler usi qayg’ili ha’m jag’imsiz waqiyalarg’a berilip qalmawimiz lazim. Quday biz insanlardi yag’niy O’z perzentlerin awir ku’nlerde de hesh qashan taslap ketpeytug’inin yadimizdan shig’armawimiz kerek.

Bizlerden pu’tkil du’nya, jaqinlarimiz ju’z buriwi mu’mkin, biraq Quday bizlerdi bir minutqa bolsa da qiyin, awir waqitlarda hesh taslap ketpeydi. Doslar, eger kimnin’dir awir mashqalalari bar ekenligin bilsen’iz, olarg’a ja’rdem beriwge ha’reket etin’. Bir awiz jag’imli so’zin’izdi tuwisqanin’izdan ayaman’. Ba’lkim sol tanisin’iz ya bolmasa tuwisqanin’iz o’mirin ele Masiyxqa tapsirmag’an boliwi da mu’mkin. Doslar, kelin’, ja’rdemimizdi olardan da ayamayiq. Bir awiz jaqsi so’z adamdi u’lken gu’na etiwden ha’m ko’plegen mashqalalardan qutqarip qaliwi mu’mkin.

Jaqin tuwisqanlarimizdin’ mashqalalarina o’zimizdin’ mashqalalarimizday etip qarasaq, olarg’a ja’rdem qolin soziw ja’nede an’satraq boladi. Ha’tteki, sol tuwisqan ushin ibadat etiwin’iz arqali, onin’ o’mirinde u’lken o’zgerisler qila aliwina isene aliwin’iz kerek. Hu’rmetli Danaliq radiosi tin’lawshilari, bir-birimiz ushin barqulla ibadat eteyik. Sonda Quday ha’mmemizdi ja’nede bereketlep, jarilqaydi. Doslar, mashqalalarin’izdi ha’mme waqit Qudayg’a tapsiriwg’a u’yrenin’. Bizlerdin’ dushpanimiz u’stimizden jen’ip shig’iwina jol qoymayiq. Quday menen barqulla jen’ip shig’iwimiz aniq.

“Sonin’ menen birge, Muxaddes Ruwx ta ha’lsiz bolg’an bizlerge ja’rdem beredi. O’ytkeni bizler qalay duwa etiw kerekligin bilmeymiz. Biraq Muxaddes Ruwxtin’ O’zi so’z benen aytip jetkize almaytug’in nala shegip, bizler ushin Qudaydan o’tinish etedi. Adamlardin’ kewillerinde ne bar ekenin biliwshi Quday Muxaddes Ruwxtin’ oy-pikirlerin biledi. Sebebi Muxaddes Ruwx muxaddesler ushin Qudaydin’ erki boyinsha o’tinish etedi”. Bul ayattan an’lawimiz mu’mkin bolg’an na’rse bul, Muxaddes Ruwx ha’m de Aspandag’i A’kemiz bizlerdin’ etken ibadatlarimizg’a ja’rdem beriw ushin birgelikte isleydi. Ha’r bir duwa etken adamnin’ ju’regi ha’m ma’qsetleri Quday ha’m Muxaddes Ruwx arqali u’yrenilip shig’iladi.

U’yrenip shig’iliw biz insanlar ushin bir qansha waqit sozilip ketkendey bolip ko’riniwi mu’mkin. Biraq u’shbirlik bizlerdin’ ibadatlarimizg’a aldinnan qanday juwap beriw kerekligin jaqsi biledi. Sonin’ menen birge insannin’ qutqariliwg’a erisiwinde Qudayimiz, Muxaddes Ruwx ha’m Qutqariwshimiz Iysanin’ ulli xizmeti bar. Olar ha’r bir qutqarilg’an adam ushin birgelikte quwanishqa bo’lenedi. Muxaddes Ruwx Iysa Masiyx haqqinda so’ylese, Iysa Masiyx ha’mme waqit O’z Atasi haqqinda basqalarg’a so’z ju’rgizip kelgen. Olardin’ xizmetleri tap Qutqariwshimiz Iysanin’ ekinshi ma’rte jer ju’zine qaytip kelemen degeninshe tawsilmaydi. Olar barqulla bir-birin toltirip turadi.

Qutqariwshimiz Iysa O’zinin’ Aspandag’i A’kesinin’ Janina keter da’wirinde sha’kirtlerine Onin’ ornina jiberiletug’in Juwbatiwshi haqqinda aytip berdi. Juwbatiwshi du’nyanin’ aqirina shekem ha’r bir iseniwshi menen birge ekenligin jaqsi bilemiz. Muxaddes Ruwx bizlerge basqalarg’a Iysa Masiyx haqqinda so’ylep beriwdi u’yretedi. Sonin’ ushinda Xosh Xabarda aytilg’an: bizler ne haqqinda aytsaq, sol waqitta u’yretiledi. Hu’rmetli doslar, mina usi aytqanlarimiz bizlerde de orinlaniwi ushin bizler Qudayg’a sadiq bolip, Oni su’yetug’in sha’kirtleri boliwimiz kerek. Ko’shedegi shiralar geypara u’ylerge, imaratlarg’a keshqurin qarap na’zer salsaq, olar tap ku’ndizgidey bolip, jaqtiliq nurin tarqatip turadi.

A’tirapindag’i jariqliq shiralari sonshelli ko’p nur tarqatip turg’anliqtan, jerdegi kishkene bir na’rseni arqayin ko’riwimiz mu’mkin. Muxaddes Ruwx ha’r bir masixiydin’ o’mirine usinday jaqtiliq tu’siredi. Eger ju’regimizde Muxaddes Ruwx bolsa, Ol bizlerdi duris joldan jetelep baratirg’anina hesh gumanlabasaqta boladi. Qa’dirli doslar, bizler ko’zimiz benen ko’re almag’an Muxaddes Ruwx o’mirimizde sonshelli a’jayip islerdi a’melge asiriwi mu’mkin, ha’tteki o’zimizde hayran qaliwimiz mu’mkin.

Eger adamlardin’ eslep qaliw qa’bilyetlerinin’ jollarin u’yrenejaq bolsan’iz, qanday da bir oqiw ornina barsan’iz ko’plegen studentlerdi ushiratasiz. Biraq olardin’ ha’mmesi de birdey jaqsi eslep qala almaydi. Ko’plegen studentler, u’yrenip atirg’an mag’liwmatin ko’zleri menen ko’riw kerek. Bunday studentler imaratlardin’ ko’rinisin, adamlardin’ tu’r tu’sin eslep qaliwg’a ha’m bir ma’rte barg’an jerlerin jaqsi eslep qaliwg’a sheber. Bunday studentler, siziwg’a, dizayner qa’bilyetine iye boladi. Olardin’ ko’riw qa’bilyeti joqari ha’m ku’shli.

Ja’ne basqa bir tu’rdegi studentler esitken na’rselerin eslep qaliwg’a sheber boladi. Olar esitken so’zlerin ha’m ga’plerin, ha’r qiyli waqiyalardi, jol ko’rsetpelerdi jaqsi yadda saqlaydi. Bul na’rseler olarg’a jaziw ha’m oqiwda ju’da jaqsi ja’rdem beredi. Odan tisqari esitiw arqali eslep qaliwg’a sheber studentler muzikalardi da ju’da jaqsi yadda saqlaydi. Bunday adamlardan jaqsi baslawshilar, qosiqshilar ha’m jaziwshilar shig’iwi mu’mkin.

Eslep qaliwdin’ yag’niy yadda saqlawdin’ qanday is alip bariwi haqqinda ata-analar bilip qoysa ju’da paydali boladi. Olar usi mag’liwmatlar tiykarinda perzentlerinin’ qanday jol menen na’rselerdi eslep qaliwlarin bilip aliwi mu’mkin. Sog’an qarap, olardin’ bilim orayin keyen’eyttiriwge imkaniyat tabiw mu’mkin.

Bizler na’rselerdi eslep qaliwg’a ha’reket etkenimizde miyimiz to’mendegi islerdi orinlap atirg’an boladi:

Miyimiz mag’liwmatti jaqsi tu’sinip aliwg’a ha’reket etedi.

En’ a’hmiyetli bolg’an mag’liwmatlardi tan’lap eslep qaliwg’a ha’reket etedi.

Qabil etken mag’liwmatlardi qayta jaylastirip, en’ a’hmiyetli bo’limlerin saqlap qaladi.

Adam u’yrengenlerin qayta-qayta qaytalag’anda miy mag’liwmatti teren’ sin’diredi. Usi arqali miyde shuqir siziqlar payda boladi.

Miy alg’an mag’liwmatti ta’rtip penen saqlaydi. Itibarli bolmag’an studentlerdin’ miyi mag’liwmattin’ en’ a’hmiyetli bo’limin saqlap qalmaydi. Eslep qaliwi ushin en’ a’hmiyetli na’rse bul diqqatli boliw demek.

Iysa tek g’ana batis ma’mleketlerinin’ Qudayi da emes.

Assalawma a’leykum hu’rmetli tin’lawshilar. Bu’gingi esittiriwimiz sizlerge maqul boladi dep u’mit etemiz. Eger sizlerge Iysa Masiyx kim degen soraw bersek, a’lbette ko’pshiligin’izden ku’tilmegen juwaplardi esitiwimiz aniq. Misali: Iysa tek g’ana Rus xalqinin’ Qudayi dep juwap bergen doslarimiz da tabiladi. Haqiyqattinda da Ol tek g’ana Rus xalqinin’ Qudayi ma? Yamasa tek g’ana batis ma’mleketlerinin’ Qudayi ma?

Kelin’, en’ jaqsisi bul sorawg’a juwapti Muxaddes Kitaptan izlep ko’remiz. Misali, Rimlilerge jazilg’an xattin’ 3 babi, 29 ayatinda: “Irasinda da, Quday tek yahudiylerdin’ Qudayi ma? Ol basqa milletlerdin’ de Qudayi emes pe? A’lbette, Ol basqa milletlerdin’ de Qudayi” – dep jazilg’an. Budan tisqari, ja’ne usi xattin’ 15 babi, 11 ayatinda: “Barliq milletler, Jaratqan Iyege alg’is-maqtawlar aytin’! Barliq xaliqlar, Oni maqtan! – dep te aytilg’an.

Uliwma alg’anda usig’an uqsag’an ayatlardi Muxaddes Kitapta ko’p ushiratamiz. Ha’zirgi ku’ni ko’plegen ma’mleketlerde, sol menen birge islam ma’mleketlerde de ko’plegen Masixiy tuwisqanlarimizdi ko’riwimiz mu’mkin. Sebebi Quday barliq xaliqlardi qutqariwdi qa’leydi.

Sol menen birge Qaraqalpaq xalqinin’ da qutqariliwin ju’da qa’leydi. Batis yag’niy shet ma’mleketlerde Iysa haqqinda biyma’lel aytip, bo’lisiwin’iz mu’mkin. Biraq bizlerdin’ ma’mleketimizde bir qansha tosqinliqlar bar. Bunin’ tiykarg’i sebeplerinin’ biri, xalqimiz ele Iysa Masiyx haqqinda toliq tu’sinikke iye emes. Iysa Masiyxti Rus xalqinin’ Qudayi dep aytiwimiz biraz naduris boladi dep oylaymiz. Sebebi Ol barliq xaliqlar ushin jiberilgen qutqariwshi. Bul haqqinda da Muxaddes Kitapta bilay aytilg’an: “Quday bul du’nyani sonshelli su’ygenlikten, O’zinin’ jalg’iz Ulin berdi. Onin’ Ulina isengen ha’r bir adam nabit bolmay, ma’n’gilik o’mirge iye boladi” (Yuxan 3:16). Demek, ha’r bir adam degende, millet yamasa jinsi, ha’tteki jasi haqqinda da aytilmag’an.

A’lbette bul jaziwlardi bizler o’zlerimiz oylap tappadiq. Bul haqqinda Muxaddes Kitap aytadi. Solay eken, qa’dirli doslar, kelin’ bir ma’rte bolsa da bul kitapti oqip ko’remiz. Quday ha’r birewimizdin’ ju’regimizge so’ylesin. Sebebi Quday batis ha’m basqa ma’mleketlerde de bir. Jalg’iz Aspandag’i Quday ha’r bir adamdi qanday millette bolmasin qutqariwdi qa’leydi. Doslar, kelin’, Quday menen birge ha’r ku’ni jasawg’a ha’reket etemiz. Quday ha’mmemizdi jarilqaydi.

Olardin’ ja’rdeminde haywanlar o’zleri ushin awqat tabiwdi ha’m o’zin qorg’awdi biledi. Kishkene tuqimnan gu’l o’sip shig’atug’inin ha’mmemiz bilemiz. Quday gu’ldin’ barliq sipatlarin sol tuqimg’a jaylastirg’an. Tuqimdi jerge ekkenin’izde, tap siz ekken na’rse o’sip shig’adi.

Eger lala gu’l eksen’iz, lala gu’l o’sedi. Ta’biyat Qudayg’a boysinadi. Eger haywanlar ha’m o’simlikler o’zinin’ waziypalarin orinlamag’aninda, du’nyada ta’rtipsizlik bolg’an bolar edi. Qudaydin’ bizler ushin da rejesi bar. Ol bizlerdin’ ta’rtipli boliwimizdi qa’leydi.

O’simlikler ha’m basqa barliq jaratilislar siyaqli bizler de Qudaydin’ do’retpesimiz. Biraq bizler olardan Qudaydin’ su’wreti boyinsha jaratilg’animiz benen ajiralip turamiz. Ol bizlerge tan’law huquqin berdi. Geybir adamlar Qudaydin’ izinen eriwdi ha’m Og’an boysiniwdi qa’leydi. Al geybirewler bolsa Oni qabil etpeydi. Eger bizler Qudaydin’ aytqanlarin etsek, bizler Og’an quwanish a’kelgen bolamiz ha’m o’zlerimiz de baxitli jasaymiz.

Men baxitli boliwdi ha’m Qudaydin’ mag’an qarap quwaniwin qa’leymen. Doslar, kelin’, bir a’piwayi misal aytip o’temiz. Men qolimda sipse uslap turippan dep ko’z aldimizg’a keltireyik. Sipsenin’ waziypasi, men qa’legen na’rseni tazalawi. Eger men asxanani sipiriwdi qa’lesem, men sipseni alip, sipiraman. Ol ha’mme waqit men qa’legen na’rseni qiladi. Biraq eger sipsenin’ oylaw qa’bilyeti bolg’anda edi, ol isti qilmasa, men odan basqa paydalanbag’an bolar edim.

Yamasa eger onin’ barliq ag’ashlari siniq bolg’anda, men oni taslap jibergen bolar edim. Geyde Quday menen adamlardin’ arasinda da ma’seleler payda boladi. Quday adamlardin’ Og’an boysinip, Onin’ qa’legen na’rselerin qilip jasawin qa’leydi. Biraq adamlar buni qa’lemeydi ha’m qiyinshiliqqa du’s keledi. Muxaddes Kitapta, bizler ne qiliwimiz ha’m ne qilmawimiz kerekligi haqqinda jazilg’an.

Eger bizler Qudaydi su’ysek ha’m Og’an boysiniwdi qa’lesek, bizler Muxaddes Kitapti oqiymiz. Quday bizlerge mol o’mir wa’de etken, ha’m Ol wa’desine ju’da sadiq turatug’in Quday.

Eger kimdir Onin’ izinen eriwde Odan ja’rdem sorasa, Ol sizlerdi barqulla esitedi ha’m duwalarin’izg’a juwap beredi. Doslar, bizlerdin’ danaliq.com saytimizg’a sizlerdi mira’a’t etemiz. Kelin’, ha’m Qudaydin’ So’zin ha’r ku’ni tin’lap barin’. Sizlerdi Qudaydin’ O’zi jarilqasin!

Gu’nanin’ bar ekeninen toliq bas tartatug’in adamlar tabiladi. Muxaddes Kitap, adamnin’ gu’nali ekenligin – qayg’ili haqiyqat dep eskertedi. Eger bizlerde gu’na o’zi ne degen soraw payda bolsa, bilay juwap beriwimiz mu’mkin. Gu’na bul – Qudaydin’ nizamin buziw degendi an’latadi. Sebebi Muxaddes Kitap bizlerge, gu’na Qudaydin’ nizamin buziw dep ayatdi. Qudaydin’ nizamin kim buzssa, Quday qadag’alag’an isti qilsa, Quday buyurg’an isti qilmasa, gu’na etken boladi.

Yuxannin’ birinshi xati 3 babi 4 ayatinda bilay jazilg’an: “Gu’na islegen ha’r bir adam nizamsizliq islegen boladi. Sebebi gu’nanin’ o’zi – nizamsizliq”. Bizler Qudaydin’ nizami degenimizde ne na’zerde tutilg’anin jaqsi ha’m duris tu’siniwimiz kerek. Nizamdi tek g’ana on buyriq penen sheklew naduris dep oylaymiz. Eger bizler Rimlilerge jazilg’an xattin’ 2:13-15 ayatlarin oqisaq, a’sirese 15 ayatti diqqat penen oqisaq, Quday adamlardin’ ju’reklerinde O’zinin’ nizamlari bolg’an – hu’jdan nizamlarin jazip qoyg’anin ko’remiz. Bizler ha’r birewimiz usi nizamlardi buzip atirg’animizda, oni buzip atirg’animizdi ju’da jaqsi tu’sinemiz. Ha’r sapari bizler jaman bir na’rse yamasa gu’na etkenimizde, hu’jdan dep atalatug’in bir na’rse bizlerge bul haqqinda bildiredi. Ba’lkim, ha’r birewimiz o’z hu’jdanimizdin’ aytip atirg’an so’zlerin jaqsilap tin’lasaq, o’zlerimizdin’ qanday ulli gu’nakar ekenimizdi tu’siner edik.

A’lbette, gu’na ha’r birewimizdi Qudaydan uzaqlastiradi. Gu’na – Qudaydin’ nizamin buziwdan da awirrraq. Adam ata ha’m Hawa ene misalin alip qarasaq, gu’na islep qoyg’anin tu’singen waqitta-aq olar Qudaydin’ ko’zinen joq bolip ketiwge asiqti. Olar alding’iday Qudaydi ko’riwdi ha’m Ol menen mu’na’sa’bette boliwdi qa’lemey qaldi. Barliq gu’anakarlar da Masiyxti tappag’ansha usinday boladi. Eger bunin’ imkani bolsa, gu’nakar Qudaydan qaship qutilg’an bolar edi. Biraq, buni hesh ila’ji joq.

Ba’lkim, ol o’zinin’ gu’nakar ekenin Qudaydin’ aldinda ta’n aliwg’a ha’m moyinlawg’a qorqatug’in shig’ar. Eger adamzat ha’mme waqit hesh qanday tosqinliqsiz gu’na islegeninde ha’m malum bir nizamlar bolmag’aninda. Bul jer ju’zinin’ ha’m Onin’ aspandag’i taxtinin’ awdariliwina alip keler edi. Rimliler 8 bap 7 ayat bizlerge bilay deydi: “Sebebi gu’nakar ta’biyat basqaratug’in oy-pikirge iye adam – Qudayg’a dushpan. Ol Qudaydin’ Nizamina boysinbaydi ha’m boysina almaydi”. Bizler gu’nanin’ ne ekenligin tu’singenimizde, bizlerdin’ ata-babalarimiz o’zlerinin’ gu’nalari, yag’niy Qudaydin’ Nizamin buziwi menen pu’tkil adamzatti gu’na ha’m baxitsizliqqa duwshar etkenin tu’sinemiz.

Solay etip, gu’na a’wlattan a’wladqa o’te berdi. Buni bizler ju’g’imli bir kesellikke uqsatuwimiz mu’mkin. Tap usi kesellikten ko’pshilik adamlar azap shegip atir. Rimlilerge jazilg’an xattin’ 5 babi 12 ayati bizlerge tap usi haqqinday bilay deydi: “Du’nyag’a bir adam arqali, yag’niy Adam-ata arqali gu’na keldi, al gu’na sebepli o’lim keldi. Solay etip, hesh bir adam o’limnen qaship qutila almaytug’in boldi. O’ytkeni ha’mme gu’na islegen edi”.

Biraq bizler bul miywe ag’ashlarin ko’riwdi emes, al tap sonday miywe ag’ashlari boliwdi tilewimiz kerek dep oylaymiz. Quday Muxaddes So’zinde aytqan miywe ag’ashi bola alamiz ba? Bunin’ ushin kelin’, ja’ne bir ma’rte Ezekiel kitabin oqiymiz. Eger itibar bergen bolsan’iz, miywe ag’ashlarinin’ tu’binde muxaddes suw ag’ip tur. Ol suw qay jerden keledi? Muxaddes Kitap bul haqqinda bilay deydi: “Keyin ol meni qaytadan Ibadatxana qapisina alip bardi. Ibadatxana shig’isqa qarap turg’an edi. Men Ibadatxana bosag’asinin’ astinan shig’isqa qaray suw ag’ip turg’anin ko’rdim. Suw Ibadatxananin’ qubla ta’repinen shig’ip, qurbanliq orinnin’ qublasi arqali ag’ip turg’an edi” (Ezekiel 47:1). Bul ka’ramatli suw Ibadatxananin’ astinan ag’ip turatug’in edi. Ibadatxana Qudaydin’ belgisi edi. Ibadatxanag’a jaqin boliw, onin’ ishinde xizmet etiw, Qudayg’a xizmet etiw degeni edi.

Demek, Quday ta’repinen beriletug’in muxaddes suwg’a toyg’an miywe ag’ashlar ha’r ay miywe beredi. Japiraqlari hesh qashan quramaydi. Tamirlari jerge bekkem baylanip, ha’mme waqit jap-jasil bolip tura beredi. Ha’r bir iseniwshi usinday miywe ag’ashi boliwdi qa’leydi dep oylaymiz. Qudayg’a jemis berip, hesh qashan quwramay, astinan suw ag’ip turiwdi ha’m ha’mme waqit Quday menen qarim-qatnasta boliwdi qa’leydi. Bul ju’da jaqsi tilek. Biraq bul ka’ramatli suw o’zi ne eken? Muxaddes Kitapta Iysa bul suw haqqinda bilay deydi: “Men beretug’in suwdan ishken ha’r bir adam ma’n’gige sho’llemeydi. Kerisinshe, Men beretug’in suw onin’ ishinde ma’n’gilik o’mir beretug’in tiri bulaqqa aylanadi” (Yuxan 4:14).

Iysa bul So’zleri arqali Muxaddes Ruwxqa isharat etip atir edi. Shini menen de Iysa Masiyx beretug’in Muxaddes Ruwx adamnin’ Qudayg’a bolg’an sho’lin basadi. Bunday adam hesh qashan Qudayg’a mu’ta’j bolmaydi. Usi Muxaddes Suwg’a iye bolg’an ha’r bir adam da’rya boyindag’i miywe ag’ashlarg’a uqsap ha’mme waqit jap-jasil bolip, ko’rgen adamnin’ ha’wesin keltiretug’in da’rejede jemis beredi.

Eger bizler Muxaddes Ruwxqa tolip, mol jemis bersek, Qudaydin’ kewli toladi. Ol bizlerdin’ ja’nede gu’llep-jasnawimiz ushin jarilqaydi. Bizlerdin’ miywelerimiz, Quday menen bekkem baylanista ekenimizdi ko’rsetip qoymay, Og’an alg’islar da aytadi. Quday bizlerdin’ tap usinday o’mir su’riwimizdi, Og’an jaqin bolip, Onin’ muxaddes Suwina toyip jasawimizdi qa’leydi. Sonda jemisimiz mol boladi. Mol jemis beriw haqqinda ja’nede ko’birek biliwdi ha’m esitiwdi qa’lesen’iz bizlerdin’ danaliq.com saytimizg’a shaqirip qalamiz.