Бизлер өзлеримиздиң гуналарымызды билиуимыз ушын бизлерге Мухаддес Руух керек еместей туйилиуи мумкин . Бирақ Ол бизлерди гүнада хәм Қудай талап еткен тек Ийса Масийх арқалы табыуымыз мумкин болған хақлықтиң путкиллей жоқлығын әшкаралау ушын жудә керек. Тап оның өзи бизлерге атанақ ағашта болған нәпәклер устинен хукм хаққында хабар береди. Адамлар көбирек алданатуғын буннан басқа мәселе жоқ. Бизлердиң көпшилигимиз өзлеримиз хаққында ылайықлы болыуға сазауар болғанымыздан жақсырақ пикирдемиз. Тек ғана өзлеримиздиң ашшы тәжрийбемизден Кутқарыушының бизлерге қаншалық керек екенин тусинемиз.

Оған хақыйқый мутәжлик ушын оны излеймиз сонлықтан бизлер Мухаддес Руухқа Оның бизлердиң гуналарымызды әшкара еткени ушын миннетдар болыуымиз керек! Болмаса бизлер өзиниң кесселигин ойламайтуғын өлим тосегиндеги адамға уқсап калар едик. Бундай адам өзиниң кесселиги хаққында билсе , шыпаланыу жолын аңсат тауар еди . Муқаддес Китаб жәрдиминде Мухаддес Руух гунакарда исениуи ушын жаңа ой-пикир хәм Қудайдың хақыйқатлығын суйиу ушын жаңа журекти жаратады .
Ийса оған былай деп жауап берди :“ Саған шынын хақыйқатын айтаман кимде ким кайтадан тууылмаса, Қудайдың патшалығын көре алмайды. Басқаша қылып айтқанда шыпакер ауырыу адам ушын қылған нәрсени Мухаддес Руух гунакарлар ушын қылды . Стол устинде дәри турыпты , бирақ оны қалай қабыл қылыуымыз керек ? Кимдир оны аурыу адамға бериуи керек . Көзимиздиң алдында өлейин деп атырған жан турыпты . Масийх бул жанның қутқарыушысы, ақлаушысы . Өзиниң канын атанақ ағашта төгип , Ол бизлердиң орнымызға төлем төледы . Бирақ гунакар адам бул төлемге қалай ерисиуи мумкин? Оны ешейин кеширим алыу жолына қалай салсақ болады ? Масийх сатып алған кеширимди бизлер Мухаддес Руух жардеминде аламыз. Қудайдың Руухынан хәм оның сөзинен тууылған уақытта адам Мухаддес Рух пенен шомылдырыуды қабыл қылады , ол Масихқа тийисли болады . Сонлықтан исениуши адам Руух пенен шомыладырылыуды , излемейды себеби ол оны әллеқашан алған “ Себеби бизлер ким болыуымызға қарамай , яхудий болсақта , грек адам болсақта , хәммемиз Масихтың денесы болыуымиз ушын, бир Мухаддес Руух тәрепинен шомылдырылдық. Қудай бизлердиң хәммемизге бир Мухаддес Руухты берди “ Коринфлилерге жазылған 1 хаттың 12 бап 13 аят.

Мухаддес Руух гунәхкарды тирилтиб хәм оны Масийхқа тийисли қылып ғана коймай оның ишине киреды хәм ол сол жерде мәңги жасайды. Ол исениуши адамды мөрлеп соның менен бирге оның Қудайға тийисли екенлигин хам хеш нарседен қорқыу керек емес екенлигин көрсетеди Эфесликлер 1 бап 13 аят Хақыйқат сөзин, яғный қутқарылыу хаққында Хош хабарды еситип, Масихқа исенгениңизде, сизлер де уәде етилген Мухаддес Руух пенен мөрленип, Қудайға тийисли болдынлар.

Хурметли тыңлауши, сизлер Қудайдың алдында путкиллей таза болыуға хəрекет қылың . Оның ушын бир неше сорауларды өзиңиздиң алдыңизға койың . Усы сорауларға хақыйқаттан жууап бериуге хəрекет қылып көриң . Төменде сизлер ушын бир неше сорауларды улги сыпатында айтып өтиуды мақул көрдик. Дыққат пенен еситиуге хəрекет етиң. Усы берилген сорауларға ауа я болмаса яқ деб жауап бериң. Уақыттың өтиуи менен өзиңизде, усыған уқсас сорауларды жазып өзиңизди сынап көриуңизге болады. Биринши сорау соннан ибарат: Адамзат гунəхкар, соның ишинде менде. Мен буның солай екенлигин билемен, себеби гунəниң тəсирин өзимниң өмиримде көремен .Өлим- гүнә ушын жаза. Өлимнен кейин хукм болады. Мен Қудайдың Мухаддеслигине хəм оның гүнаны жазалауына исенемен. Егер мен Масийхты қутқарыушым деб қабыл етпесем, өлгенимнен кейин гүналарым ушын жаза аламан . Ийса Масийх Қудайдың улы. Гүналарымыздан қутқарыу ушын Ол адам улы болды, мен Ийем Ийса Масийх дуньяға гүнахкарларға қутқарылыу бериу ушын келгенине исенмен. Ийем Ийса Қудайдан келген Пайғамбар ,Руханий хəмде Патша . Сизлер бул барлық сорауларға дəлиллеуши жауап бериуге таяр болуыңиз керек.

Егер сизлер буны қылалмасаңыз , Қудайдан бул хақыйқатты əмелде кылыу ушын күш сорап , дууа етсеңиз болады. Сиз дууа еткениңизде өмирңизди толық Мухаддес Руухқа тапсырың , ол сизлерди толық басқарсын, себеби Мухаддес Руух Қудайдың тулғасының бири. Мухаддес Руух базибир жалған устазлар талқын қылғанындай, əйтеуир бир тулғасыз куш болмастан анық Қудайдың тулғасының бири. Оның атлары оның Тулға хəм Қудай екенлиги хаққында гууалық береди. Сөзимиздиң далийли сыатында сизлерге төмендеги бир неше аятларды айтып өтпекшимен

Матто 28 бап 19 аят: .хәм 2 Коринфлилерге 13 бап 13 аят: “Ийемиз Ийса Масихтың мийрими, Қудайдың сүйиспеншилиги ҳәм Мухаддес Руўхтың шериклиги ҳәммеңизге яр болсын!” Бул сөзлердиң жазыуларда ислетилиуи Мухаддес Руухтың Əке хəм Ул менен бир болған Тулға екенлигин дəлилейди. Ол алдынғы өткен дəуирде Қудайдан қорққан адамларды ислетип Мухаддес Рух бизлерге Муқаддес китапты берди .Мухаддес Рух Қудайдың муқаддес жазыуларын жазыуға илхам берген айрықша Тулға 2 Тимоти 3 бап 16 аятында былай жазылған “Муқаддес Жазыўлардың ҳәммеси Қудайдың Мухаддес Руўхының илҳамы менен жазылған болып, тәлим бериў, әшкаралаў, дүзетиў ҳәм ҳақыйқатлық бойынша тәрбиялаў ушын пайдалы.” “Хеш бир пайғамбар өзиниң инсаний қалеуи менен пайғамбаршилиқ қилған емес “.Хамийше Қудайдың жарылқауы сизге яр болсын. Кейинги еситтириуимизге дейин хош болың, саламат болың.

Narrator 2 Рухый өмиримизди азықландыратуғын нәрсе не? Қудайдың Сөзи былай деп жууап береди: “Мен Хош хабардан арланбайман, себеби Қудайдың күш-қүдирети болған бул Хош Хабар арқалы оған исенгенлердиң хәммеси қутқарылады. Исенетуғынлар яхудийлер болсын, яхудий емес болса да парқы жоқ! Бул Хош хабарда ашып берилген, Қудай инсанларды исеним арқалы, ауа, тек исеним арқалы ақлайды, себеби Мухаддес Жазыуда: “Әдил адам исеними арқалы өмирге ийе болады” – деп жазылған. Жүректиң Қудай менен бирлесиуи кеуилимиздеги егилген туқымлардың өсип шығыуына жәрдем береди. Жүрек түбиндеги исеним арқалы исениушиниң рухый өмири азықланады. Бирақ жүреклери таслықлардан ибарат болған кисилер болса Масихқа емес өзлерине исенеди. Олар өзлериниң әдиллигине, жақсы ислерине исенеди. Олар тымсалда айтылғанындай, “тамыр жаймағаны”, яғный Масих пенен бирлеспегени ушын, хәлсиз болып қалды.

Narrator 1 Ауыр жағдайларда болса Қудайдың Сөзи аңсат ғана жоққа шығады. “Таслық жерге түскен туқымлар болса сондай адамларды билдиреди: олар Қудайдың Сөзин еситкенде, оны дәрриу сүйиспеншилик пенен қабыллайды. Бирақ олардың тамыры болмағаны ушын узақ уақытқа шыдамайды. Қудайдың Сөзи себепли қыйыншылық ямаса қууғынға дус келсе, дәрриу арқаға қайтады”. Жерге егилген туқымларды қууатқа киритиуши жаздың ыссы қуяшы тамыры болмаған туқымларды қурытып таслайды. Соның ушын Масихта тамыр жаймағанлар қыйыншылықлар келгенде жеңилип қалады. Көпшилик Масихтың Хош хабарын гүналарына кеширим алыу ушын емес, қыйыншылықлардан қутылыу ушын қабыл қылады. Бундайлар Қудайдың Сөзин уақытша, қыйыншылықлардан қутылыу хәм жеңилрек өмир сүриу нийетинде қабыл етеди. Бундайлар өмири аңсат хәм жақсы кетип атрғанда күшли исениушилердей болып көринеди, бирақ машқалалар келгенде ямаса Масих себебли азапларға дус келгенде бундай азапларды көтере алмайды.

Narrator 2 Бундайларға Қудай жүрегинде абайлап сақлап жүрген гүнасын көрсеткенинде ямаса қәлеулерин қурбан қылыуға тууры келгенинде Қудайдан қапа болады. Буның ушын олардың өмиринде үлкен хәм анық өзгерислерди қылыуға тууры келеди. Олар бүгинги күн хәм сол өмир тийкарында жасайды. Хәзирги бойсынбағаны ушын кележектеги мәңгилик өмирине анық қәуип келтириуи хаққында ойлап көрмейди. Масих қатты сөйлегенде, гейбир шәкиртлери: “Қандай қатты сөзлер! Буны ким көтере алады?!” деп Оны таслап кеткен еди. Хош, онда Қудай менен ылайықлы өмир сүриу ушын не ислеуимиз керек? “Менде болыңлар, Мен сизлерде боламан. Ағашта болмаған шақа өз-өзинен жемис бере алмағаны сыяқлы, сизлер де Менде болмасаңлар, жемис бере алмайсызлар”.

Юхан 13:3-4 аятларда: “Ийса Әкесиниң хәмме нәрсени Оның қолына бергенин, Өзиниң Қудайдан келгенин хәм Қудайға қайтып баратырғанын билип, дәстурхан басынан түрды. Сыртқы кийимин шешти де, бир сүлгини алып белине байлады”. Егер сиз хақыйқаттан Қудайдың хызметкери болыуды қәлесеңиз Масихта өзиңиздиң орныңызды билиуиңиз керек. Тек өз орнын билген адамлар ғана хызмет қыла алады. Өз орнын билмегенлер басқалар олар хаққында не ойлайды деген пикир менен бәнт болады. Сиз қаншама Ийсада өз орныңызды билсеңиз, соншама басқаларға хызмет қылыу қәлеуи күшли болады. Масихта өз орнын билген хызметкерлер өзлерин қорғау қабығына орамайды хәм ислерин буртирип көрсетпейди. Олар абройлы атқа ийе болыуға ямаса қымбат кийимлерге умтылмайды.

Егер биреу өз жағдайы ямаса аты менен мақтаныуы керек болғанда, Ийсаның иниси Яқып мақтаныуға болар еди, бирақ ол өз хатында өзини: “Қудайдың хәм… Ийса Масихтың қулы” деп атайды. Хызметши қаншама Ийсаға жақын болса, соншама өзин көтериуге қажет қалмайды.

Хизметши Қудай оған берген хызметин уазыйпа деп емес имканият деп биледи. Олар басқаларға хизмет қылыудан, мутажлерге жәрдем бериуден хәм хызмет етиуден рәхәтленеди. Олар Қудайға қууаныш пенен хызмет қылады. Олар Қудайға не ушын қууаныш пенен хызмет қылады? Себеби олар Қудайды сүйеди хәм Оның мийриминен миннетдар. Хызмет қылыу өмирин бағышлауы мүмкин болған ең үлкен жумыс. Олар Қудай олардың хызметлерин сыйлайтуғынын да биледи. Юхан 12:26 да Ийса: “Ким маған хизмет қылса Әкем оны хүрмет қылады”, деп айтқан.

Елши Павел болса: “ Ол сизлердиң исиңизди, Оның Атына көрсеткен сүйиспеншилигиңизди умытпайды”, – деп айтады. Ойлап көриң егер пүткил дүньядағы исениушилердиң тек 10 проценти ғана шын жүректен хызмет қылатуғын болса, хәмме жақсы ислер исленип болынған болар еди. Сизлер де сондай адамлар қатарына қосылыуды қәлейсиз бе? Бул хызметте сизлердиң жасыңыздың әхмийети жоқ. Егер хақыйқаттан хызмет қылыуды қәлесеңиз, Қудай сизлерди әлбетте ислетеди. Алберт Швейтзер: “Тек Қудайға қандай хызмет қылыуды билгенлер ғана хақыйқый бахытлы кисилер”, – деп жазады. Сизлер де хақыйқаттан бахытлы болыуды болмаса хақыйқый бахыт не екенин билиуди қ

әлесеңиз хызметши болып көриң. Сизлер буны ислей аласызлар. Буған исенемиз.

Doslar, sizler menen ha’zirshe u’yrenip kelgen haqiyqatlar, bular masixiyliktin’ tiykari bolip esaplanadi. Ol basqa taliymatlardin’ haqiyqatlig’in salistiriwshi o’lshem tiykari, desek boladi. Sonday bolsa da, doslar, ha’zir usi jerde bir sorawg’a juwap berip o’tiwimiz za’rur. Sizler usi bir aytajaq bolg’an a’hmiyetli haqiyqatlarg’a qalay qaraysizlar?

Eger de insan o’zinin’ gu’nakar ekenligin ta’n alsa, keshirim aliwi ushin Aspandag’i Quday menen birge boliw ushin atanaqta azap shegip o’lgen ha’m tirilgen Qudaydin’ uli Iysa Masiyxqa isense, sonda insan tuwri jol tutqan bolama? Menin’ pikirimshe, awa, tuwri! Qashan insan o’zinin’ gu’nakarlig’in ta’n alip, haqiyqattan da Qudaydan keshirim sorasa – bul tuwri jol boladi.

Bul ele de Iysa Masiyxti o’zimnin’ qutqariwshim dep ta’n almag’an ha’r bir insan ushin ju’da a’hmiyetli soraw. Ha’r bir Masixiydin’ waziypasi, ele iymang’a kelmegen ha’r bir insang’a usi haqiyqatlardi tu’sindirip beriw kerekligi bul ma’selenin’ a’hmiyetliligi bolip esaplanadi. Doslar, egerde ha’r birimiz usi haqiyqatlardi jaqsi an’lap tu’sinsek, bul du’nyada kim haq degen sorawlarg’a hesh kim ekinlenbey juwap bere alar edi.

Usig’an uqsag’an sorawlarg’a Muxaddes Kitaptin’ haqiyqatlarina tiykarlana otirip juwap beriwge u’yreniwimiz kerek. Sebebi Muxaddes Kitapta tek g’ana haqiyqat jazilg’an. Eger bizler oqip u’yrenip atirg’an Muxaddes Kitap haqiyqatlarina qaysi bir isenimnin’ tiykarlari tuwri kelmese, ol Qudaydin’ qutqariliw jollarin ele de u’yrenbegenliginin’ sebebi dep aytsaq boladi.

Ha’r bir insan o’zin “men haqban” dep sezetug’inlar, ko’plegen dinler arasinda qa’telesiwi so’zsiz. Sonin’ ushinda o’zimiz nelerdi u’yrenip atirg’animizdi jaqsi bilip aliwimiz kerek. Doslar, Iyemiz Iysa Masiyxtin’ Xosh Xabarin basqalarg’a so’zlep beriwden hesh u’yalmayiq. Rimlilerge jazilg’an xattin’ 1 babi 16 ayatinda bilay aytilg’aninday:

“Sebebi men Xosh Xabardan arlanbayman. Xosh Xabar – bul isengen ha’r bir adamdi, birinshiden yahudiylerdi, son’inan yahudiy emeslerdi qutqara alatug’in Qudaydin’ ku’shi”. Bul qutqariliwg’a alip baratug’in jalg’iz jol. Basqa isenimlerge iseniwshiler ushin ha’mme waqit ibadat etin’ler ha’m imkaniyat bolg’an waqitlari olarg’a haqiyqatti aytiwg’a tayar bolin’lar. Yuxan Xosh Xabardin’ 14 babinin’ 6 ayatinda to’mendegishe ayat bar: “Men jol, haqiyqat ha’m o’mirmen. Men arqali bolmasa, hesh kim A’kege bara almaydi”.

Biraqta samaldin’ o’zin hesh kim ko’re almag’an. Sog’an uqsap, Qudaydi da ko’re almaymiz. Biraq Onin’ haqiyqattanda bar ekenin bilemiz. Bizler Qudaydi Onin’ a’melge asirip atirg’an islerinen bile alamiz. Qa’dirli dostim, siz Qudaydin’ barlig’in tastiyqlap, orinlanip atirg’an bir neshe islerin aytip bere alasiz ba? Misali iretinde, juldizlar, ku’n menen aydi alip qarayiq. Siz olardin’ o’zlerinen-o’zi aspang’a jaylasip alg’an dep oylaysiz ba? Sebebi kimdir olardi sol jerge jaylastiriwi kerek bolg’an. U’ydi ko’rip, oni jerden o’sip shiqqan demeymiz a’lbette. Oni kimdir qurg’anin bilemiz.

Aspandag’i san-sanawsiz juldizlardi da ko’rgenimizde olardin’ da tosattan payda bolip qalmag’anlig’in jaqsi bilemiz. Kimdir olardi sol jerge jaylastirg’an. A’ne sol kimdir degenimiz bul Quday. Ne ushin Qudaydi ko’re almaytug’inlig’imizdi bilesiz be? Quday sonshelli a’jayip ha’m jaqsi, bizler Oni ko’rsek, sol waqittin’ o’zinde ju’regimiz jarilip, o’lip qalg’an bolar edik. Biraqta waqti kelgende, egerde Og’an sadiq bolip jasasaq, Quday bizlerdi O’zinin’ Patshalig’ina alip ketedi. Sonda bizler Onin’ pu’tkil dan’qin ko’remiz. Ha’zir bolsa, Qudaydi ko’re almasaqta Og’an iseniwimiz ha’m Oni su’yiwimiz mu’mkin. Muxaddes Kitap Qudaydin’ insanlarg’a bolg’an su’yispenshiligi ha’m qayirqomlig’i haqqinda aytadi. Qudaydi su’yiw ushin Oni ko’zimiz benen ko’riwimiz sha’rt emes.

Ku’nlerdin’ birinde, bir ana qizina Qudaydi su’yiw kerek, dep aytipti. Al qiz bolsa: “Apa, men Qudaydi ko’rmey turip, qalayinsha su’yiwim mu’mkin?” – depti. Bir neshe ku’nlerden son’ pochta tasiwshisi onin’ u’yine qiz apasi jibergen sawg’ani alip kelipti. Qiz bolsa, qiz apasin bir ma’rte de ko’rmegen eken. Ol abayliliq penen sawg’ani aship, ishindegi suliw suwretler menen bezelgen kitapti ko’ripti. Og’an biraz waqit qarap qalipti da, keyin anasinin’ aldina juwirip baripti. “Apa mina kitaptin’ shiraylilig’ina qaran’! Qiz apam ju’da mehriban eken!” – depti. “Sen oni bir ma’rtede ko’rmegen bolsan’, onda oni qalay mehriban dep ayta alasan’?! depti apasi. “Duris, dep juwap qaytaripti qiz, biraq men oni mehriban dep oylayman. Sebebi ol mag’an usinday jaqsi kitapti sawg’a etip jiberipti!”

Doslar, usig’an uqsap bizler de Qudaydi hesh qashan ko’rmesekte Oni su’yiwimiz mu’mkin eken. Ol bizler ushin ko’p a’jayip na’rselerdi sawg’a etip bergen: jasawimiz ushin baspana, ata-anamizdi ha’m basqa da ko’p na’rseler. Sonin’ ushinda bizler Qudaydi ha’zirshe ko’re almaslilig’imizg’a qaramastan, Oni su’yiwimiz ha’m Onnan minnetdar boliwimiz kerek. Qa’dirli dostim, sen de Qudaydi ko’rmesen’ de, Onin’ qa’nshellim qayirqom bolip seni su’yiwine iseniwin’ mu’mkin.

A’wellem bar, bizler Muxaddes Kitapti ne ushin u’yreniwimiz kerek degen sorawg’a juwap berip o’tsek. Negizinde Muxaddes Kitapti u’yreniwdin’ ha’m bizler orinlawimiz kerek bolg’an to’rt sebebi bar. Birinshisi, Muxaddes Kitapti u’yreniw – ha’r bir iseniwshi adamnin’ ruwxiy o’siwi ushin ju’da paydali.

Ekinshi Timofey kitabinin’ 3 bap 16 ayatinda aytilg’aninday, ta’lim beriw bul – duris u’yretiw ushin, a’shkaralaw bul – adamnin’ o’mirindegi naduris na’rseni a’shkaralaw, du’zetiw bul – ha’mme waqit duris orinlawdi ha’m tuwri joldan bariwdi ko’rsetedi.

Ha’r bir masixiy ushin o’mirde ne duris yamasa ne naduris ekenin biliw ju’da a’hmiyetli. Bunin’ ushin o’mirimiz dawaminda Qudaydin’ So’zine tiykarlanip jasawimiz lazim. Matta kitabinin’ 6 bap 25 ayattan 34 ayatqa shekem bolg’an jerlerinde o’zlerimizge jaqsi misal tabiwimiz mu’mkin.

Ekinshi sebep – a’meliy ha’reket.

Qudaydin’ So’zin u’yrengenimizden son’, ol o’mirimizdin’ bir bo’legi boliwi ushin barlig’in a’melde qollaniwimiz kerek. “Qanday waz aytqan bolsan’, sog’an a’mel qilip jasa” degen masixiylerdin’ arasinda ga’p bar. Usig’an uqsap Qudaydin’ So’zi Muxaddes Kitapta bizlerge neni u’yretse, sog’an a’mel qilip jasawimiz kerek eken.

Misali, ata-analarimizg’a boysinip jasaw – bul Quday ta’repinen ha’r birewimizge aytilg’an. Muxaddes Kitapta usi haqqinda oqig’an bolsaq, demek, oqig’animizdi a’melde qollanip, ata-anamizdi hu’rmet qilip, olarg’a boysinip jasawimiz kerek. Ko’pshilik adamlar Muxaddes Kitapti oqip u’yrenedi, biraq og’an a’mel qilip jasawdi bilmeydi yamasa qa’lemeydi. Yaqip kitabinin’ 1 bap 22 ayatinda aytilg’aninday. Bizler tek tin’lawshilar emes, al orinlawshilar boliwimiz kerek.

U’shinshisi bolsa, Muxaddes Kitapta aytilg’an ga’pler ha’r birewimizge tiyisli. Quday bizlerge sonshellim jaqin bolip, Ol ha’r birewimizge So’zi arqali so’yleydi. Quday So’zi arqali basqalarg’a emes, a’wellem bar, oqip atirg’an adamg’a so’yleydi. Sonin’ ushin ha’r bir so’zdi aldin jeke mag’an aytilg’an dep qabil etiwimiz kerek.

Endi aqirg’i to’rtinshi sebep haqqinda aytsaq. Bul jemis beriw. A’welllem bar, Muxaddes Kitapti u’yreniw, Quday bizlerdi qalay ko’riwdi qa’lese, sonday qilip o’zgeriwimizde ja’rdem beredi. Budan tisqari, Qudaydin’ So’zi tuqimg’a uqsaydi. Eger bizler oni qabil etip, jeke o’mirimizde oni suwg’arip, ha’r ku’ni qolimizdan kelgenshe orinlap jasasaq, jaqsi terekke uqsap, o’mirimiz dawaminda ju’da ko’p mol jemis beremiz.

Geypara waqitlari Ol jaqin masixiy doslarimiz arqali so’ylese, basqa waqitlari Muxaddes So’zi arqali da ju’reklerimizge so’yleydi. Muxaddes Kitaptag’i ayatlar ha’r bir Masiyxqa iseniwshi adam ushin qaran’g’i jollarda jarqirap turatug’in mayak shirasi siyaqli boladi. Bular ha’r birimizdin’ durisli qa’dem atlawimiz ushin ha’m Qudaydin’ aytqanlarin orinlawimiz ushin jollama boladi.

Ha’r birewimizge jaqsi tanis bolg’an on buyriq, ha’r bir masixiy ushin tiykarg’i jol ko’rsetiwshi buyriqlardin’ biri. Mine sol aytilg’an on buyriq ta bizlerdin’ awlaq bolatug’in gu’nali isler haqqinda ha’m a’melge asiriwimiz kerek bolg’an sawap isler haqqinda aytadi.

Masixiylerdin’ o’mirlerinde tez-tezden ushirasip turatug’in mashaqalalardi sheshiwge usi buyriqlardin’ orni ayriqsha. Misali, kimdir xojalig’i ushin kishkene bir jer satip almaqshi, biraqta satip aliwg’a ekilenip turipti. Ekileniwdin’ tiykarg’i sebebi bul, usi jer menin’ xojalig’im ushin kerek pe, yamasa kerek emes pe, degen soraw boladi.

A’lbette usig’an uqsag’an ekilendiriwshi sorawlar payda bolg’an waqitlari Qudaydan ja’rdem sorag’animiz orinli boladi. Sebebi Muxaddes Kitapti oqip u’yrenip turg’animizda Quday a’lbette ayirim waqitlari ayatlar arqali ko’pshilik sorawlarimizg’a juwap beretug’inlig’ina menin’ gu’manim joq.

Ibrayim atamiz Eremiya menen jer ma’selesi arqali payda bolg’an waqiya ha’r birewimizge jaqsi tanis. Menimshe, usinday ekileniwde bunday waqiyalar da ha’r birewimizge sheshim qabillawimizda ja’rdem beredi. Ha’r bir insan transport aydawshisi boliwinan aldin jol ha’reketi qag’iydalarin jaqsi ha’m puqta u’yreniwge ha’reket etedi.

Bul keleshekte mashinani basqarg’aninda payda keltiriw turg’an ga’p. Lekin jol qag’iydalarin bile turip, olardi buziw – mashinanin’ iyesine u’lken mashqalalar tuwdiriwi mu’mkin. Ha’tteki insan o’mirinen ko’z jumiwi da mu’mkin. Qudaydin’ So’zi de ha’r bir masixiy ushin duris jol ko’rsetiwshi belgiler boladi.

Bularg’a qulaq salmawshiliq ko’plegen jag’imsiz a’qibetlerge alip keliwi mu’mkin. Doslar, Qudaydin’ So’zin oqip u’yreniwimiz kerek. Onda neler jazilg’anlarin ha’m nelerge na’zer saliwimiz kerekligin qalay bilemiz? Sonin’ ushinda masixiyler ushin Qudaydin’ so’zin oqiw ju’da a’hmiyetli.

Hu’rmetli tin’lawshilar, sizler menen xoshlaspastan aldin, elektron ma’nzilimizdi esletip o’tpekshimiz: danaliq.com. Doslar, bizlerge xatlarin’izdi jollan’. Pikirlerin’izdi oqip ju’da quwanamiz. Xosh saw-aman bolin’.