Әлбетте балаларымыз ушын ана сутинен булақ хеш қандай жақсы азық тауылмайды. Бирақ Бирақ гейбир уақытлары егер бир жағдайлар менен ана сутин басқа сут пенен алмастырыуға тууры келип қалса, әлбетте жаңа сауылған ешки сутине тең келетуғыны жоқ. Әлбетте ешки сути сыйырдың сутине қарағанда сыпаты жақсырақ. Будан тысқары балалардың иши өтиуи кеселлигине шалынған гезде шыпа бериуде ешки сутине жететуғыны жоқ. Бир достымыздың гууалығына қарағанда 22 айлық бир қыз бир жасқа толғаншы анасының сути менен азықланған екен. Ол кишкене қыз сол айлар дауамында хеш қашан кесел болмаған. Хәтте мурны да ақпаған екен.

Қашан ол кишкене қызға тазаланған хәм қайнатылған ешкиниң сутин беремен дегенши. Бул сутти қыздың ата-анасы әлбетте магазинен сатып алып келген еди хәм белгили уақытқа дейин перзентин усы қайнатылған ешки сути менен баққан екен. Арадан бир қанша уақыт өткеннен кейин кишкене қыздың мурыны ағып, хәм тез ашыуы шығып қалатуғын болып қалғанлығы хаққында қыздың әкеси айтты. Содан кейин қыздың әкеси еки ешки сатып алып жаңадан саулған хәм қайнатилмаган ешки сутин перзентине ишкизиуди баслаған екен. Арадан еки кун өтип қыздың әкеси перзенти және алдынғы жағдайына қайтқанын көреди. Бул менен магазинен сут алмаңлар ямаса перзентлериңизге қам сут бериңлер демекши емеспиз. Бундай мәселелерди хожалық ағзалары менен келисип өзлериңиз шешиуиңизге болады. Жоқарыда айтып өткен қызымызға ешки сутин қамлай иштириуи менен бирге геширдиң сууын да дайым иштирип түрған екен.

Гейбир адамлардың айтыуларына қарағанда ешкиниң сути сыйыр сутине қарағанда жүдә таза болады екен. Сыйырдың сути өзинен қандай да бир шылымшық қурама ажратады екен, ал ешкиниң сутинде бундай қурама жоқ екен. Улыйма алғанда көпшилик ешкиниң сутин мақул көреди. Бирақ ешки азырақ сут бергени ушын көпшилик сыйыр бағыуды артық деп билер екен. Қәдирли тыңлаушылар өмириңизде не жеймен не ишемен деп тәшиушленбеңлер. Себеби бизлердиң өмиримизди Қудай басқарып түрады хәм бизлер неге мутаж екенимизди Ол алдынан биледи. Соның ушын қәдирли тууықанлар өзиңиздеги барлық тәшиуишлериңизди Қудайға тапсырыңлар Оның Өзи хәр биримиз хаққында қайғырады. Соның менен қәдирли тыңлаушылар мәсләхәт темасы бойынша бүгинги есситириуимизди тамамлаймыз. Ендиги есситириуимизге шекем Хош сау саламат болың!

A’lbette basliq birinshi gezde sizdi shaqirip ha’mme na’rseni sizden talap etedi. Bolg’an isti endi arqag’a qaytariwg’a bolmaydi. Sonin’ ushinda ka’siplesin’izge basqa qaytarmaslig’i haqqinda aytqanda ashiw u’stine minbey tu’sindirgenin’iz maqul boladi. Al qalg’ani menen, menin’ oyimsha basliqtin’ o’zi sheshim qabillawi kerek.

Hu’rmetli tin’lawshi doslar, o’mirde qanday mashqalalarg’a du’s kelsekte ha’mme waqit o’zimiz haqqimizda da oylanip ko’riwimiz lazim. Ba’lkim qanday da bir jerde o’zlerimizdin’ de ayibimiz bar shig’ar. Bul ha’r bir adamnin’ o’zin tinishlandiriwg’a, az bolsada ja’rdem beredi. Joqarida aytip o’tkenimizdey o’mirimizde jalg’an so’ylew kerek bolatug’in waqitlar da tez-tezden ushirasip turadi.

Doslar, bunday waqitlari jalg’an so’ylen’, ya bolmasa so’ylemen’ dep men ayta almayman. Bir o’mirlik misal arqali sizlerge usini tu’sindirip aytip beriwge ha’reket etemen. Bir ibadatxananin’ ag’zalari, tuwisqanlarinin’ u’yinde ekshenbidegi xizmetin o’tkiziw ushin jiynalg’an edi. Aradan biraz waqit o’tip huquq ta’rtip organi xizmetshileri olardi nizamsiz jiynalis o’tkerip atirg’ani ushin ayipladi. Sonda jay iyesi, yag’niy jetekshi-shopan olarg’a qaray bizler hesh qanday jiynalis o’tkerip atirg’animiz joq, bu’gin menin’ u’yimde mereke bolip atir, dep juwap qaytaradi.

Sonda organ xizmetkerleri olardan hesh qanday ayip taba almay artina qaytadi. Biraqta mashqalanin’ en’ u’lkeni endi baslanadi. Sebebi tuwisqanlardin’ biri jetekshi shopang’a qaray, ne ushin siz jalg’an so’ylep, aldadin’iz, negizi bu’gin bizler Qudaydin’ atin alg’islaw ushin jiynalg’an edik, dep aytadi. Doslar, bunday waqitta ne qiliwimiz lazim? Sizlerge tek g’ana bir juwapti aytiwimiz mu’mkin. Oni bolsa da Qudaydan soran’. Tek g’ana Quday A’kemiz ha’r birimizge danaliq penen tuwri joldi ha’m duris sheshim qabil etiwge ja’rdem bere aladi.

Sonin’ menen qa’dirli doslar, bu’gingi esittiriwimiz o’z juwmag’ina jetti. Sizler menen ha’zirshe xoshlasip qalamiz.

“Adamlar ha’mme na’rseden toyindi, bunday jawiz islerdi zerikkeninen islemekte”, – degen ga’pler. Ayirim waqitlari qulag’imizg’a kelip qaladi. Qa’dirli tin’lawshilar, ha’mme na’rse Qudaydin’ qolinda ekenligin sizler menen bizler ju’da jaqsi bilemiz. Qudayimiz du’nyani ha’m ondag’i ha’mme na’rseni jaratqan waqitinda, Adamg’a yag’niy pu’tkil adamzatqa jaqsiliq bolip xizmet etsin degen ma’qsette bergen edi. Tilekke qarsi, adamlar ayirim na’rselerdi Qudaydin’ aytqaninday emes, ba’lkim o’zleri ushin qolayli qilip barmaqta.

Bul isler bolsa Qudayg’a boysinbaw bolip tabiladi. Qudayg’a boysinbaw bolsa a’lbette o’z jazasin aladi. Doslar, kelin’ ha’zirgi jaslar arasinda ken’nen taralip baratirg’an na’shebentlikke toqtap o’temiz. Ha’r bir insan bir na’rseni qiliwdan aldin a’lbette onin’ a’qibeti haqqinda oylap ko’rse ma’qsetke muwapiq bolar edi. Narkotik satiwshilardin’ ma’qseti a’lbette bayliq arttiriw.

Oni satip alip atirg’an adamnin’ o’miri oni azg’antay bolsada qiziqtirmaydi. Birewlerdi qiyin awxalg’a salip, xojalig’inan ayirip, adamdi o’zliginen ayiradi. Muxaddes Kitapta aytiliwinsha ha’r bir insan o’zinin’ qilmisi ushin waqti kelgende Qudaydin’ aldinda juwap beredi. Men oylayman, kimlerdi dir jaman jolg’a baslag’an adam da, oylanbay bug’an qosilg’an adam da Qudaydin’ aldinda ha’zirden baslap oylanip ko’rgenleri jaqsi bolar edi.

Bunday dep aytiwimizdin’ sebebi bar, bunday adamlar qa’telerin ha’zirden baslap tu’sinip jaman joldan qaytsa qanday jaqsi bolar edi. Ha’r bir jaman, oylanbay qiling’an istin’ izinen basqa bir jamanliqti baslap keliwi aniq. Doslar, eger aran’izda usinday jolg’a kirgen adamlar bar bolsa, bu’gingi esittiriwimiz arqali sizlerge mu’ra’jet etpekshimiz, elede kesh emes. Adamnin’ ju’regi urip, dem alar eken, Qudaydin’ aldina keliw ushin hesh waqitta kesh bolmaydi.

Qudayimiz a’lbette adamnin’ barliq gu’nalarin keshirip, onin’ o’mirin o’zgerttire aladi. Hu’rmetli tin’lawshilar, du’nyada ju’da ko’plegen adamlar, a’sirese bizlerdin’ ibadatlarimizg’a mu’ta’jligi ku’shli. Olar ushin barqulla duwada bolayiq. Quday olardin’ o’mirlerin o’zgerttiriwi ushin duwa eteyik. Doslar, sizlerde bu’gingi sa’wbetimiz haqqinda sorawlarin’iz yamasa pikirlerin’iz ha’m usinislarin’iz bolsa, bizlerdin’ internet ma’nzilimizge jollan’. Bizlerdin’ internet ma’nzilimiz danaliq.com. Xosh saw-salamat bolin’ doslar.

Usi bir neshe sorawlar arqali doslarimiz haqqinda biraz bolsada aniq bir na’rseler bilip aliwimiz mu’mkin. Ba’lkim birewlerde uliwma dosti joq shig’ar. Usinday adamlar bar bolsa, olarg’a da kishkene ma’sla’ha’timizdi berip o’tpekshimiz. Duris ha’zirgi ku’ni haqiyqiy, shin dos tabiw qiyin. Sog’an qaramastan barliq adamlarg’a isenimsizlik benen qaraw bizlerdin’ ta’repimizden biraz naduris boladi. Dos tabiwimiz ushin o’zlerimiz basqalarg’a shin dos bola aliwimiz kerek. Men bir adamdi bilgenime shama menen bes alti jil bolip qaldi. Men ol adam menen dos emespen. Tek g’ana tanispiz dep aytsam boladi. Irasin aytsam usi bes alti jil dawaminda bul adamnin’ birew menen dos bolg’anin ko’rmedim.

Geybir adamlardin’ aytiwinsha, bul tanisim hesh kim menen uzaq waqit dos bola almaydi eken. Sebebi xarakteri awir adam eken. Usi ga’plerden son’ men bul adam menen dos boliwg’a ha’reket etip ko’rdim. Irasi doslig’imiz basinda, ol adam haqqinda barliq ga’plerge isengim kelmedi. Biraq aradan onsha ko’p waqit o’tpey, ol adam haqqinda aytilg’an barliq ga’pler iras bolip shig’a basladi. Sonin’ ushinda joqarida aytip o’tken pikirimiz, birew menen doslasiwdan aldin, o’zlerimiz og’an dos boliwimiz lazim. Hu’rmetli doslar, dosliq ushin kerek bolg’an en’ a’hmiyetli sebeplerdin’ biri bul dostin’iz menen barqulla ashiq bolin’. Dostin’izdan kerek bolg’an na’rselerdi jasirman’. Shin dostin’iz benen ha’mme waqit sirlassan’iz boladi dep oylaymiz. A’lbette eger dostin’iz haqiyqiy dos bolsa ha’m og’an isensen’iz.

Tek g’ana dostin’iz benen emes, al ha’mme menen shin, haqiyqatti so’yleytug’in bolin’. Sebebi jalg’an tek g’ana adamlarg’a emes, al pu’tkil barliqti jaratqan Iyemizge de tuwri kelmeydi. Isenim bul dosliqti saqlap qalatug’in en’ a’hmiyetli sebeplerdin’ biri. Budan tisqari ha’mme waqit miymandos bolin’. Doslar, barqulla o’mirin’izde dos arttiriwg’a ha’reket etin’. Bar doslarimizdin’ qa’dirine jetip, olardi abaylawg’a ha’reket eteyik.

Sonin’ ushin da Quday olardan: “Ne ushin aqshan’izdi nan bolmag’an na’rsege? Miynetin’izdi o’zlerin’izdi qaniqtirmaytug’in na’rsege sarplaysizlar”, dep soraydi. Son’ perzentlerin o’zine diqqat etiwdi qa’legen ana siyaqli: “Meni qunt penen tin’lap, jaqsi na’rseni jen’ler, janin’iz toyimli awqatlardan la’zzet alsin!” Doslar, Quday hesh kimdi ma’jbu’rlemeydi. Ol ha’mmenin’ qutqariliwin qa’leydi, sonin’ ushin da Ol bizlerge tan’law huquqin berdi. Adamzattin’ bir jaman ta’repi bul ol hesh qashan qanaatlanbaydi.

Geybirewler Iysag’a keliwden aldin, bir na’rselerdi izlep ju’rgen boladi. Biraq qutqarilg’aninan keyin de ja’ne bir na’rselerden qanaatlaniw ushin basqa jerge ketedi. Ko’plegen masiyxiyler Qudaydin’ qutqariliwin qabil etip, ha’r ku’ni Ol menen qarim-qatnasta boliwdi qa’lemeydi. Negizinde Quday bizlerge bizler o’zlerimiz ku’tkenimizden de ko’biregin beriwdi qa’leydi. Doslar, ha’r birewimiz Qudayg’a mu’ta’jbiz.

Quday ash ju’rek ha’m sho’llegen ruwx penen Onin’ aldina keliwimizdi qa’leydi. O’mirimizde Quday turiwi kerek bolg’an jerge neni qoysaq, sol na’rse bizler ushin but boladi. Quday bizlerdi jaratip atirg’aninda en’ teren’ mu’ta’jliklerimizdi tek g’ana O’zi toltiriwdi qa’legen. Eger bizler ishimizdegi mu’ta’jliklerimizdi basqa bir na’rseden izlesek, sol na’rseni bizler Qudaydin’ ornina qoyip qoyg’an bolamiz. Quday bizlerdi tek g’ana Odan qanig’iwimizdi qa’leydi.

Biraq bizler qanigqiwlarimizdi Qudaydan basqa na’rselerge bersek, sol na’rse bizler ushin but bolip qaladi. O’mirimizde bunday butler birew emes bir neshewi boliwi mu’mkin. Ol adamlar, na’rseler ha’m jumislar boliwi mu’mkin. Bizler o’mirimizge jaqsilap na’zer salip qarap, olar bizlerdi qaniqtirmaytug’inin tu’sinip, ta’n alg’animizda olardi o’mirimizden joq qiliwg’a qa’dem taslag’an bolamiz.

Burinda Izrail xalqi ju’da ko’p ma’rte ha’m ko’p jillar dawaminda Qudaydi umitip, butlarg’a ha’m ha’r qiyli na’rselerge siyina baslag’an. Quday olardi O’zinin’ ta’repine buriwg’a ko’p ha’reketti etti. Aqiri xaliqti o’z-o’zi menen qoyip qoydi. Iyshaya payg’ambar Qudayg’a bilay degen edi: “Ne ushin xalqin’di taslap qoydin’? Ishaya bul so’zlerdi jazg’aninda, Izrail xalqinin’ arasinda Quday joq ekenligi haqqinda aytadi.

Eger bizler de o’mirimizde Qudayg’a tiyisli bolg’an jerdi basqa na’rselerge bersek, Quday bizler menen bolmaydi. Quday Odan ju’z burg’an xalqin ju’da ko’p ma’rte jazalag’an. Tap ana ta’rtipsiz balasin jazalag’anday, Ol da xalqin jazalag’an. Biraq hesh qashan taslap ketpegen. Sebebi Ol Ibrayimg’a bergen wa’desine sadiq edi. Sonin’ ushin doslar, o’mirimizge jaqsilap na’zer salayiq. Qay jerde Qudaydin’ ornin butqa almastirip qoyg’an ekenbiz.

Eger qanday butlarg’a orin berip qoyg’anin’izdi bilmey atirg’an bolsan’iz, duwa etip Qudaydan soran’, Ol a’lbette sizge ja’rdem beredi. Qudaydan qanaatlanayiq. Ol bizlerdin’ ibadatlarimizg’a juwap beredi. Ol bizlerdin’ ishki mu’ta’jliklerimizdi biledi ha’m ja’rdem beriwge barqulla tayar. Ol sizdi taslap ketiwin qa’lemesen’iz, o’mirin’izdegi ha’mme butlardi joq qilin’. Qanday o’mir jasap atirg’animizdi baqlap barayiq. Ha’r sapari ishki qanig’iwlarimizdi qandiriwda abayli bolayiq. Ha’r sapari Qudayg’a ju’z burayiq. Sebebi tek g’ana Ol bizlerdi ju’da jaqsi biledi.

Siz ju’giriw jarisinda qatnasip ko’rgensiz be? Jarista jen’ip shiqqansiz ba? Yamasa birewdin’ jen’ip shiqqanin ko’rgensiz be? A’dette bunday jarista jen’ip shig’iw ushin jan ta’ni meni ju’g’iradi. Qatnasiwshilardin’ ha’mmesi bir-biri menen jarisadi. O’mir de usig’an uqsaydi. Sizge bir soraw, siz o’mirde ne ma’qsette jarisip atirsiz? Bizler o’mirde ha’mme islerdi ten’dey jaqsi orinlawg’a ha’reket etemiz, biraq bul na’rse bizlerdin’ jelkemizde ju’k bolip qala beredi. Bizlerdi barg’an sayin to’menge tarta beredi. Ne haqqinda aytip atirg’animizdi tu’singen shig’arsiz, doslar.

Onda ken’irek tu’sindiremen. Bizlerdin’ o’mirimizdi, da’wirimizdi Quday bereketlep, jarilqag’an. Son’g’i 100 jil ishinde texnika jetilisiwi joqari da’rejede ko’terilgeninen, ha’tteki geyde o’zimiz de og’an jete almay atirmiz. Ku’nnen ku’nge jan’a modeldegi avtomashinalar, jan’a ko’rinistegi mobil telefonlar, bir waqittin’ o’zinde ko’p waziypani orinlaytug’in kompyuterler, u’y bekeleri ushin kiyimlerdi juwip, olardi keptiretug’in mashinalar, qazan-tabaq juwatug’in mashinalar ha’m tag’i basqa. Ha’zirgi zaman adami, bul na’rselerdin’ barlig’inan la’zzetlenip, paydalanip jasag’isi keledi.

Misali: mende bir waqiya boldi. Budan bir bes jil aldin. Shan’arag’im bar biraq u’yim joq edi. “U’yim bolg’anda edi” – dep o’zimshe oylaytug’in edim. Quday mag’an u’y berdi. U’yli bolg’animnan son’ qatti quwandim. Waqit o’tip, endi mashina aliwim kerek dep oyladim. Quday mag’an mashina da berdi. Budan da qatti quwandim.

Mashinam menen quwanip ju’re berdim. Bir waqit a’tirapima qarasam, doslarim menen basqa tanislarimnin’ mashinalari menikinen de jaqsiraq eken. Son’ basqa mashina aliw ushin ko’p imkaniyatlar payda bola basladi. Kewilim “Basqa mashina al, barliq tanislarin’nin’ mashinalari senikinen jaqsi. Tek senin’ mashinan’ kishkine ha’m a’piwayi”, – dedi. Biraq oyim: “Asiqpa, ol mashina sag’an tuwri kelmeydi. Shirayina ko’zin’ qizbasin. Son’ qiynalip qalasan’. Senin’ mashinan’ sen ushin qolayli”, -dedi.

Ko’p waqit o’zim menen o’zim gu’restim, ha’m aqiri basqa mashina almawg’a qarar ettim. Son’ kewlim tinish tapti. A’tirapimizdag’i basqa adamlarda da usinday azg’iriliwlar bolip turadi.

Bizler o’zlerimizde bolmag’an pulg’a o’mirimizdi ja’ne de gozzal etetug’in na’rseler satip alg’imiz keledi. Imkaniyatimizg’a qarap jasawdi qa’ley bermeymiz. Bu’gingi ku’nde du’nya bizlerge berip atirg’an jasaw tu’ri, Qudaydin’ bizler ushin belgilegen jasaw tu’rine uliwma tuwri kelmeydi.

Eger bul du’nyanin’ bizlerge berip atirg’anlarinin’ izinen baratug’in bolsaq, bizler tek g’ana material na’rselerdin’ ha’m qolayliliqlardin’ izinen quwip, o’zlerimizdi sharshatip qoyamiz. Bul na’rse bizlerdi tu’skinlikke saladi, joldan adastiradi. Bunday ma’selelerdin’ aldin aliw ushin bizler a’tirapimizdan neni qabil etiw ha’m neni qabil qilmawdi oylap ko’riwimiz kerek. Doslar, bizler ushin paydasiz bolg’an na’rselerdi miyimizden shig’arip taslawdi u’yreneyik.

Bu’gingi ku’ni ha’r bir adam o’zine a’hmiyetli bolmag’an na’rselerdi satip aliwdi oylaydi. Misali, sizdin’ mobil telefonin’iz bar ma? Bar bolsa, odan da jaqsisin satip aliwdi oylaman’. Bul sizge qiyinshiliq tuwdiriwi mu’mkin. Sizdin’ mashinan’iz bar ma? Bar bolsa, odan da qimbatraq ha’m suliwraq mashina satip aliwdi oylaman’. Siz miyin’izdegi artiqsha armanlarg’a berilmen’. Doslar, keyingi sa’wbetimizdi de tin’lap ko’rin’. Siz ushin paydali boliwi mu’mkin.

Biraq sol jasi u’lken g’arrinin’ baliqlari ha’mme waqit ma’nzillerine tiri jetip baradi eken. Qasindag’i baliqshilar bunin’ sirin sorasa, ol hesh kimge aytpaydi eken. Bir ku’ni ol adamnin’ waqit saati kelip o’lim to’seginde jatirg’aninda onin’ u’lken balasi a’kesinen sol sirdi sorawg’a qarar etipti. Baliqlardi qalay ma’nzillerine shekem tiriley alip barasiz mag’an da u’yretin’, sizden keyin men de shan’arag’imizdi bag’iwg’a ha’reket eteyin degeninde, ol g’arri, balam baliqlardi tutip idisqa salg’anin’da arasina bir akuwla da salip qoy, ma’nzillerine shekem baliqlardi tutip jew ma’qsetinde olarg’a tinishliq bermey quwip tuwirsin, na’tiyjede baliqlar tinimsiz ha’rekette boladi ha’m olar o’lmey ma’nzilge shekem tiri baradi degen eken.”

Ha’zirgi ku’ni masixiy tuwisqanlarimiz ushin biyma’lel erkin ha’reket etiw bizlerdin’ ma’mleketimizde biraz qiyinraq ma’sele bolip turipti. Biraq sog’an qaramastan Quday Qaraqalpaqstanda jumisin islewdi toqtatpadi. Bizler bir na’rseni duris tu’siniwimiz kerek. Masixiy tuwisqanlarimizdin’ imkaniyatlari qansha sheklensede Quday barg’an sayin ku’shli islep atir. Elshilerdin’ kitabinda Stepandi tas boran etip o’ltirgeninen son’. Iyemiz Iysanin’ sha’kirtleri ha’r tu’rli jerlerge tarqalip ketken. Bunda a’lbette Qudaydin’ rejesi bar edi. Stepannin’ o’limine shekem Iyemizdin’ sha’kirtleri ko’binese tek bir jerde otiratug’in edi.

Olar tarqalip ketkeninen son’ barqulla Qudaydin’ Patshalig’i haqqinda basqalarg’a xosh xabar aytip ju’rdi, na’tiyjede ko’plegen ja’ma’a’tler payda boldi. Qa’dirli doslar, ha’r bir bolip atirg’an iste Quday bizler menen birge, Ol hesh qashan O’zinin’ perzentlerin taslap ketpeydi. Evreylerge jazilg’an xattin’ 13: 5 ayatinda bilay jazilg’an: “Seni hesh qashan taslap ketpeymen, hesh qashan qaldirmayman” doslar, bul Qudaydin’ ha’r birewimiz ushin bergen wa’desi.

Bizler ha’r ku’ni usi wa’dege su’yenip Iyemiz ushin birgelikte xizmet eteyik. Eger bizler ha’r birewimiz Qudaydin’ qolinan bekkem uslap ju’rsek, Ol bizlerdi hesh kimge qapa qildirip qoymaydi. Ol bizlerdin’ ha’r bir basip atirg’an qa’demimizdi biledi. Sizge kimdir basim etip atirg’an adamlardi Qudayg’a tapsirin’lar, Quday siz ha’m bizler ushin gu’res alip baradi. Bizler bolsa Qudaydin’ qa’nshellim ku’shli ekenin ko’rip ko’zimiz quwanadi. Doslar, keyingi esittiriwimizge shekem Jaratqan Iyemiz ha’r birewimizdi O’zi saqlasin.

Muxaddes Kitaptin’ ekinshi Timofey 2 babi 20 ayattan tap 22 ayatqa shekem bolg’an jerlerinde a’jayip pikirler jazilg’anlig’in ko’riwimiz mu’mkin. Ol jerde bilay jazilg’an: “U’lken bir u’yde tek altin ha’m gu’mis idislar emes, al ag’ash ha’m ilay idislar da bar. Olardin’ birewleri siyli, al birewleri siysiz is ushin qollaniladi. Solay etip, eger kim de kim o’zin jamanliqlardan tazalasa, onda ol siyli, muxaddes qiling’an, xojayinina paydali ha’m ha’r bir jaqsi iske tayar idis boladi” dep jazilg’an.

Usi jazilg’an ayatlar arqali tu’siniwimiz kerek bolg’an na’rse bul, shkafta jiynalip turg’an qimbat idislarimiz tek g’ana birewlerge ko’z-ko’z etiw ushin turipti. A’piwayi ag’ash ha’m ilay idislarimiz bizler ha’m basqa adamlar ushin ha’r ku’ni xizmet etedi. Endi usi jerde bir oylap ko’reyik, ne dep oylaysiz? Qaysi idislar bizler ushin qa’dirli boliwi kerek?

Ko’pshilik ba’ribir sol qimbat idislardi tan’lag’an bolar edi. Qudaydin’ ko’zi menen qaraytug’in bolsaq. A’lbette Quday ushin sol u’ydin’ iyesi ushin ha’r ku’ni xizmet etetug’in idis qa’dirli. Doslar, bizler de sol qimbat bahali idislar siyaqli birewlerge ko’riniw ushin emes, al a’piwayi ilay yamasa ag’ash idisqa uqsap birewlerge xizmet eteyik. Ba’lkim bul xizmetimizdi bul jerde hesh kim qa’dirlemewi mu’mkin. Biraq Quday usi xizmetimizdi aspanda a’lbette siyliqlaydi.

Sol ilayli ha’m ag’ash idislar ha’r ku’ni ash adamlarg’a awqat beredi, kimdir sho’llegen bolsa suw beredi. Bizler ha’r birewimiz tap usinday ash adamlardi toydiriwimiz, sho’llegenge suw beriwimiz ushin tan’lang’an adamlarmiz. Bizlerdin’ sirtqi ko’rinisimizdi ko’rip adamlar ba’lkim bizlerdi tap sol qimbat bahali idislarg’a uqsatar.

Ba’lkim bizlerdi ha’dden tis qimbat bahali idislar siyaqli qa’dirler. Biraq bizler birewge xizmet etpesek, bul maqtawlar ha’m qa’dirlewler arqali hesh na’rsege erise almaymiz. Bizlerdin’ sirtqi ko’rinisimiz emes, al ishki du’nyamiz gozzal bolsin. Bizlerdi adamlar emes Quday maqtasin.

Bunin’ ushin Quday bizlerdi qanday ko’riwin qa’legeni siyaqli boliwimiz lazim. Qa’dirli doslar, ha’r birewimiz Qudaydin’ qa’lewi, erki boyinsha jasap, Og’an xizmet etiwge ha’reket etemiz. Sebebi bizler ha’r birewimiz bul du’nyada waqitinshaliq jasap atirmiz.

Budan keyin o’mirimiz qanday boliwin tek g’ana Iyemiz Iysa belgilep beredi. Hu’rmetli tin’lawshi doslarimiz, sizlerdin’ ha’r birewin’izge Qudaydan tinishliq, sabirliliq, ha’m danaliq tilep sizler menen ha’zirshe xoshlasamiz.

Ha’tteki Tsitsiron o’zinin’ pa’s dawisi ha’m tribunada turip so’ylegeninde u’yalshaqlig’i menen gu’resiwge tuwra kelgen. Sog’an qaramay, hesh kim a’melde so’ylep bile alatug’inin da’llilep bere almaydi eken.

Eger kim waz aytiw ushin joqaridan shaqirilg’an bolsa, og’an so’ylew qa’bilyeti de berilgen boliwi kerek ha’m ol bul qa’bilyetti qolinan kelgenshe rawajlandiriwi kerek. Eger so’ylew og’an uliwma berilmegen bolsa, adam oni o’zinde rawajlandiriwi mu’mkinligin aytiw qiyin.

Men waz aytiw ushin ju’da ku’shli qa’lewi bar bolg’an bir adam haqqinda esitkenmen. Ol o’zinin’ shopaninan buni sorap qoymag’aninan son’, shopani og’an sinaw iretinde waz aytiwg’a ruwxsat beripti. Biraq onin’ birinshi ta’jiriybesi onin’ barliq intiliwi ha’m qa’lewlerine shek qoyipti.

Sebebi ol tribunag’a bayanatin aytiw ushin shiqqaninda, ne deyjag’inin’ ha’mmesin umitip qalipti ha’m ol tin’lawshilarina tek g’ana bilay dep ayta alipti: “Tuwisqanlarim, eger sizlerdin’ aran’izda kimdir waz aytiw ju’da an’sat, dep oylasa, onda mna tribunag’a minip usinin’ menen o’zinin’ menmenligi ha’m qirsiqlig’inan qutiliwin ma’sla’hat beremen”.

Eger sizde waz aytiw ushin jeterli tu’rde qa’bilyetlerin’iz bolmasa, o’zin’iz benen usig’an uqsas ta’jiriybe o’tirip ko’rsen’iz bug’an an’satqana guwa bolawin’iz mu’mkin. Bizler o’zlerimizdi bul iste qunt penen sinap ko’riwimiz kerek, bolmasa Quday bizlerdi waz aytiwg’a shaqirg’anin yamasa shaqirmag’anlig’ina isene almaymiz.

Bul sinaw waqitinda wazlarimiz arqali adamlarg’a payda keltiriwge u’mit ete alamiz ba dep tez-tezden sorawimiz kerek. Biraq bul iste bizler tek g’ana hu’jdanimizg’a, o’z qararimizg’a su’yene almaymiz, sebebi bizler ha’mme waqitta o’zimizge haq baxa beriw imkaniyatina iye emespiz.