Ямаса жаслар қасындағы дослар арасында өз орнына ийе болыуды қәлейди. Ол буған шын жүректен хәрекет қылады. Дослар арасында өз орнын тауалмаған жас өспирим жалғыз қалады. Кейиншелик үлкен жасқа кирип үлкен киси болғанда да дүньяда өз орнын тауалмай қыйналады.

Үлкен кисилер де дүньяда өз орнын тауыйға хәрекет қылады. Оның хожалығында өз орны бар. Ол әке, ер болыуы мүмкин. Бирақ хожалықтан тысқары да өз орны болыуды қәлейди. Ауа әлбетте кәсиплеслер, дослар арасында да хәр кимниң өзиниң орны болыуы керек.

Бирақ хәмме өз орнын тауды мекен? Айналамызда қаншама адамлардың өз орны бар ямаса қанша адам өз орнын тауалмаған?

Усы сауалға Қудайдан жууап алып көрейик. Мухаддес Жазыуда жазылғанындай Қудай адамды Өзи менен сәүбетлесиуде, қатнаста болыуы хәм Жаратыушыға уллылық келтириу ушын жаратқан. Адамның хақыйқый орны сол. Ол Жаратыушысының уллылығын асырыуы, Ол менен қарым-қатнаста жасауы керек. Қудай менен қарым-қатнасын тиклеген адам өзиниң өмириндеги хақыйқый орнын тауған болады. Оның хожалығы, дослары хәм кәсиплеслери арасындағы орны болса өз-өзинен келеди.

Адам өмиринде өз орнын таба алса, ол өзин толы сезеди. Оның өзине болған исеними көбейеди. Ол хәр қандай жумысты исеним менен орынлай алады. Ол исеним менен дослары ямаса кәсиплеслериниң жәрдемине суйене алады.

Бирақ сол гезде өз орнын таба алмағанлар хаққында ойлаң. Олардың өмири қаншама қыйын. Олар өзине болған исенимин жоғалтқан. Басқаларға да исене алмайды. Өзи хаққындағы дурыс емес пикирлери жетерли. Ол өзин кемситеди. Ол өмиринде қорланған, итибарсыз сезеди. Ол өзин сүйикли емеспен деп ойлайды. Бундай адам өзин қолға алмаса, өзи хаққындағы хақыйқатты билмесе, оның кийинги өмири де сондай аянышлы дауам етеди. Бирақ олар өзлерин қолға алыу мүмкин. Пүткил дурыс емес пикирлерди жыйнастырып өзи хаққында жаңа пикирлерге ийе болыуы керек. Содан кейин өмиринде өз орнын таба алады.

Сизлердиң өмириңизде өз орныңыз бар. Бул хаққында бизлердиң danaliq телеграмм каналымызға кирип өз пикирлериңизди билдирсеңиз болады. Ийемиздиң мийрими сизлерге яр болсын! Хош сау саламат болың!

Sebebi tek g’ana Ol bizlerdin’ o’mirimizdi, pikirlerimizdi basqaradi. Qa’dirli doslar, sizler shan’arag’in’iz ushin, shan’araq ag’zalari menen birgelikte ibadat etesiz be? A’lbette ko’pshilik tuwisqanlarimiz “awa” dep biyma’lel aytiwi mu’mkin sebebi ko’plegen tuwisqanlarimiz haqiyqattanda shan’araq ag’zalari menen birgelikte ibadat etedi. Biraq sonin’ menen birge shan’araq ag’zalari menen birgelikte yamasa o’zinin’ hayali, yamasa ku’yewi menen birgelikte ibadat etiwge u’yalatug’in tuwisqanlarimiz da bar. Bizler olardi ayiplamaqshi emespiz. Kerisinshe, olarg’a bu’gingi esittiriwimiz arqali biraz bolsada ja’rdem bermekshimiz. Birge ibadat etiw ne ushin a’hmiyetli? Bizler bul sorawg’a bilay juwap bergen bolar edik. Birgelikte ibadat etpeytug’in shan’araqti, to’besi joq u’yge uqsatiw mu’mkin.

Birgelikte ibadat etiw, birinshiden, bul bir-birimizdi ja’nede ruwxlantiradi. Ekinshiden shan’araqta jaqinlasiw boladi. Ja’ne usi arqali bir-birimizdi ko’rip isenimde bekkem bolamiz. A’lbette bizler birgelikte ibadat etkenimizde shan’arag’imiz ushin ibadat etiwdi yadimizdan shig’armawimiz kerek. Shan’arag’imiz ushin ibadat etkenimizde balalarimiz ushin, olardin’ keleshekte jaqsi insan bolip jetilisiwi ushin ibadat etiwimiz mu’mkin. Budan tisqari shan’arag’imizdin’ buydjeti ushin da Qudaydan bereket sorawimiz mu’mkin. Sebebi Iyemiz tek g’ana bizlerdin’ o’mirimizdi emes, al bizlerdin’ qaltamizdi da bereketlewdi qa’leydi. Shan’araq penen birgelikte ibadat etkenin’izde a’lbette qolayli ha’m bir waqitti belgilegenin’iz maqul. Sebebi keyinshelik usi waqitqa a’ste aqirin perzentlerin’izde u’yrenedi.

Eger shan’araqta qanday da mashqalalar bolsa sol haqqinda oraza tutip ibadat etiwin’iz mu’mkin. Budan tisqari doslarin’izdan da sizdin’ ibadatlarin’izg’a sherik boliwin sorap iltimas qiliwin’iz da mu’mkin. Bizlerge jaqsi belgili bolg’an Matta kitabinda aytilg’aninday: “Qay jerde eki yamasa u’sh adam Menin’ atim menen jiynalsa, Men olar menen birgemen” (Matta 18:20). Bizler aytajaq bolg’an na’rse bul birgelikte ibadat etiwde ku’sh qu’diretli. Budan tisqari balalarin’izdi da jaslig’inan birge ibadat etiwge u’yretip barg’an bolasiz. Doslar, ibadatlarin’iz ha’mme waqit qabil bolsin. En’ a’hmiyetlisi ibadatlarin’izdi birewlerge ko’z-ko’z etiw ushin emes, al Quday ushin qilin’lar.

Sebebi kimdir sizdin’ ibadatin’izdi ko’rgeni menen hesh na’rse o’zgermewi mu’mkin. Biraq sizlerdin’ birgelikte etken ibadatin’iz Quday ushin ju’da qa’dirli. Ol sizlerdin’ ibadatlarin’izg’a juwap beriwine bizler isenemiz. Usinin’ menen hu’rmetli doslar, bu’gingi esittiriwimizge juwmaq jasaymiz. Keyingi esittiriwlerimizde ushirasqansha saw-salamat bolin’.

Assalawma a’leykum qa’dirli doslar. Eger Qudayg’a shin kewilden isensen’iz, Ol menen qarim-qatnasta boliwdi qa’leytug’in adam bolsan’iz, a’lbette Onin’ So’zin oqiysiz. Bir na’rseni sorawg’a ruwxsat berin’: Muxaddes Kitap oqig’anin’izda ku’ndelik tutasiz ba? Eger juwabin’iz “Awa” bolsa bul ju’da jaqsi. Qudaydin’ So’zin oqig’animizda, Quday bizlerge aship bergen ayatlardi jazip aliwimiz, bul Muxaddes Kitapqa qarata ibadatimizdi da qag’azg’a jazip bariwimiz bizlerge keleshekte Quday o’mirimizde qanday islegeni ha’m islep atirg’anin ko’riwimizge ja’rdem beredi.

Son’ Quday bizlerge aship bergen So’zine tiykarlanip is tutamiz. Og’an a’mel qiliwg’a ha’reket etemiz. Muxaddes Ruwx bizlerge haqiyqatti aship beredi. Haqiyqat bul bizler tek g’ana qisqasha u’yrenip qoyatug’in na’rse emes. Ol – adam. Iysa Masiyx “Men haqiyqat ha’m o’mirmen”, – dep aytqani esin’izde me? Ol bizlerge ma’n’gilik o’mirdi bergeninde, O’zin de bergen. Ol bizlerdin’ o’mirimiz ha’m haqiyqatimiz. Bizler Quday menen ibadat arqali qarim-qatnasta bolg’animizda, Ol bizlerge haqiyqatti ko’rsetedi.

Qudaydin’ Ruwxi bizlerge Quday ne qa’lewin Muxaddes So’zi arqali aytadi. Quday bizlerden ne qa’leytug’inlig’in bilgenimizden son’, Og’an maslasiwimiz kerek.

Ibadat etiw bul ju’da jaqsi, biraq ol bir ta’repleme bolip qalmawi kerek. Sizdin’ Qudayg’a ibadat etip atirg’anin’izda, Qudaydin’ ibadat dawaminda sizge ne dep aytqani a’hmiyetli. Quday bizlerdin’ ibadat arqali Ol menen qarim-qatnasta boliwimizdi ju’da qa’leydi. Ibadat waqitinda Quday O’zinin’ perzentlerine Muxaddes Ruwx arqali so’yleydi. Eger Muxaddes Ruwx duwa etip atirg’anin’izda sizge haqiyqatti aship berse, Quday sizdin’ o’mirin’izde islep atirg’anin bilsen’iz boladi. Ibadat waqitinda o’zlerimizdin’ qa’lewlerimiz haqqinda emes, al Qudaydin’ erkin biliwge ha’reket eteyik. Eger sonday qilsaq, Quday bizlerdin’ ju’regimizde islep, O’zi qa’legenshe ibadat etiwin’izge u’ndeydi.

Son’ Muxaddes Ruwx sizlerge Qudaydin’ erkin malum etedi. Onin’ erkin biliw qanday a’jayip! Kewilin’iz Muxaddes Ruwxqa tolg’anda, siz tek g’ana Qudaydin’ erkin orinlawdi qa’leysiz. Oni orinlaw ushin ku’sh, qa’lew, sabirliq soraysiz. Bul duwa etiwdin’ bir basqishi. Ibadat etip bolg’annan son’, Qudaydan ko’birek tastiyqlaniw izleysiz. Biraz qarap ko’rsen’iz. Muxaddes Kitap ha’m tuwisqanlarin’iz arqali ibadatin’izg’a alg’an juwapqa tastiyqti da tabasiz. Biraq bul da en’ a’hmiyetli basqish emes. En’ a’hmiyetli ha’m bizlerden talap etetug’in basqish bul – bag’iniw bolip tabiladi. Quday menen ibadat arqali so’ylessen’iz, Quday Muxaddes Ruwx arqali erkin aship berse ha’m siz bug’an bag’iniwdi qa’lemesen’iz, ha’mmesi biykarg’a. Boysing’an gezimizde, Quday siz arqali O’zinin’ ma’qsetin a’melge asiradi. Quday menen qarim-qatnasta bolg’anin’izda en’ a’hmiyetlisin o’tirip jibermen’.

Assalawma a’leykum qa’dirli Danaliq radiosi tin’lawshilari. Ha’r sapari joqaridag’i ayatti oqig’animda Iyemiz Iysa Masiyx bizlerdin’ qanday awxalg’a tu’setug’inimizdi aldinnan bilgenin ko’remen. Doslar, menin’ pikirimshe bul ayat ha’m eskertiw sol da’wirdegi sha’kirtlerden ko’re, bizlerge ko’birek kerek dep oylayman. Iysa Masiyx olardi xoshxabar aytiwg’a jibergeninde usi so’zlerdi aytip eskertken eken. Bizler de ha’zirgi ku’ni “jilanday aqilli, kepterdey aq kewil boliwimiz kerek”. Sol da’wirde elshiler bul so’zlerdin’ ma’nisin bizlerden ko’re jaqsiraq tu’singen. Grek tilinde “aqilli” degen so’z “phronimos” dep berilgen. Ol aqilli, parasatli, ziyrek, ha’m aldinnan sezip biletug’in tu’sinpaz, degen ma’nisti bildiredi eken.

Doslar, demek, bizler basqalar menen qarim-qatnasta usinday aqilli, parasatli ha’m aq kewil boliwimiz kerek eken. Bizlerge ziyan keltiriwi mu’mkin bolg’an qa’telerden qaship, qa’wipti aldinnan sezip biliwimiz lazim. Jilanday ziyrek boliw ushin jilannin’ o’zi de qanday ekenin bilip qoyg’animizda kesent etpeydi. Bizler “sadda” yamasa “kewilge tiymeytug’in” dep awdarg’an soz’ a’yyemgi Grek tilinde “akeraios” dep aytilg’an. Bul so’z “jalg’an yamasa aldaw aralaspag’an”, “hesh qanday o’tiriksiz” degen ma’nisti bildiredi eken.

Bizler kim ha’m qanday insan bolsaq ta, geyde o’mirimizde haqiyqatti aytqannan ko’re, jalg’an so’ylep jag’daydan an’sat qutilip ketiw mu’mkin bolg’an waqitlar da bolip turadi. Biraq Iyemiz Iysa bizlerge bunday jol tutiwdi qadag’alaydi g’o. Qalay endi bir waqittin’ o’zinde ha’m ziyrek ha’m sadda boliw mu’mkin.

Quday bizlerge hiyleker boliwdi u’yretpeydi, sebebi bizler hiylekerlikti Onin’ ja’rdemisiz de ornina qoyamiz. Ol bizlerden bir waqittin’ o’zinde ha’m ziyrek ha’m pa’k boliwimizdi qa’leydi. Bizlerdin’ tilimizde “sadda” so’zi qopaliraq etip aytatug’in bolsaq ko’binese axmaq, an’qaw degen ma’nisti bildiredi. Bunday adamdi an’satqana aldap ketiw mu’mkin. Biraq Iysa Masiyxtin’ na’zerinde saddaliq pu’tkilley basqa ma’nisti bildiredi. Ol bizlerdin’ gu’manlardan uzaq, ziyrek ha’m an’satqana aldanmaytug’in sadda boliwimizdi qa’leydi. Bizler bir waqittin’ o’zinde ha’m ziyrek ha’m sadda bolsaq, hesh kim bizlerdi axmaq ete almaydi. Sebebi bunday adamnin’ niyetin aldinnan ziyrekligimiz arqali sezip bilip alamiz.

Ha’zirgi ku’ni iseniwshi adamg’a Qudaydin’ xizmetin qiliw an’sat emes. Sonin’ ushin ko’pshilik tuwisqanlar, Iysa Masiyx aytqaninday “ziyrek ha’m sadda” yag’niy “tu’sinpaz ha’m aq kewil” boliwdin’ ornina, kewilge tiyetug’in jalg’anlardi isletiwdi ha’m sonday mu’nasa’bette boliwdi maqul ko’redi. Doslar, sizdin’ pikirin’izshe, kewilge tiymeytug’in jalg’andi isletiw duris pa?

Iyemiz buni maqullarmedi? Juwapti doslar, hu’jdanin’iz bergeni maqul dep oylayman. Qullasi, ha’m “jilanday ziyrek ha’m kepterdey sadda” boliw an’sat emes. Jalg’an isletpey, o’z-o’zlerimizdi qorg’aw da an’sat emes. Iysanin’ aytqan usi eki ko’rinisine iye boliwdi qa’lesen’iz, olardin’ orayi bolg’an Qudayg’a kelin’. Ol sizlerge kerekli danaliqti beredi. Muxaddes Kitap bul haqqinda bilay deydi: “Eger aran’izdag’i birin’izdin’ danalig’i kem bolsa, ha’mmege saqiyliq penen, ayiplamay beretug’in Qudaydan sorasin. Quday og’an beredi” (Yaqip 1:5).

Sonda ol qiz, eger usi japiraq tan’g’a shekem jerge tu’sse demek men de o’lemen, eger tu’spese men de tiri qalaman, dep oylaydi. Buni esitken ata-anasi ne qilarin bilmey, qon’silarina aytadi. Olardin’ bir qon’sisi su’wret saliwshi boladi. Bul adam tap sol japiraqqa uqsatip qag’azg’a sog’ip, tu’nde jerge u’zilip tu’sken japiraqtin’ ornina qistirip qoyadi. Biyshara qiz azanda terekke qarawg’a qorqip turadi. Qanday da bir ku’sh tabip terekke qarasa, sol japiraq ele asilip turg’an eken. Jasaw ushin ja’ne u’mit payda bolip, waqit o’tiwi menen ta’wir bolipti. Aradan bir qansha waqit o’tip qiz ha’mme na’rseden xabar tabip o’zinin’ su’wret saliwshi qon’sisina barip minnetdarshiliq bildiripti.

Sebebi sol qon’sisi o’zinin’ etken isi arqali sol qizg’a o’merge qarata u’mit bere alg’an edi. Bul waqiyanin’ qan’shellim haqiyqat yamasa jalg’an ekenligi bizler ushin qaran’g’i. Biraq ne bolsada bizler masiyxiyler Qudayg’a da usinday u’mit penen qarawimiz ushin jaqsi misal bola aladi. Ha’zirgi ku’ni keselliklerdin’ tu’rleri ko’beyip ketti. Adamlardin’ u’mitleri sonshellim to’menlep ketkeninen, olardin’, qansha o’mirim qalg’an bolsa sonsha jasarman degen ga’pler menen o’zlerin awitip atirg’anlarin ko’remiz. Doslar, ne bolg’an jag’dayda da Iysa bizlerdin’ birinshi shipakerimiz ekenin umitpayiq.

Sebebi Ol o’lilerdi de tirilttirdi, ko’zi ko’rmeytug’inlardin’ da ko’zlerin ashti. Ol bizlerdin’ tek g’ana gu’nalarimiz ushin emes, al barliq keselliklerimiz ushin da atanaq ag’ashta azap shekti. Qa’dirli doslar, eger Yaqip kitabin oqip ko’rsek, ol jerde eger bizler kesel bolip qalsaq, qanday jol tutiwimiz kerek ekenligi haqqinda aniq ko’rsetilgen. Yaqip kitabinin’ 5 babi 14 ten 16 ayatqa shekem oqip ko’rin’, ba’lkim sizlerge Quday shipa beriwdi qa’lep atirg’an shig’ar. Hu’rmetli tin’lawshilar, o’z den sawlig’in’iz, balalarin’izdin’ den sawlig’i ha’m shan’araq ag’zalarin’izdin’ ha’m de barliq adamlardin’ den sawliqlari ushin ha’r ku’ni duwa etin’ deymiz. Balalarin’izdi mektepke, bag’shag’a jiberip atirg’anin’izda Quday ha’r tu’rli keselliklerden olarg’i qorg’awi ushin duwa etin’. Quday O’z perzentlerinin’ ha’r birewinin’ saw-salamat boliwin qa’leydi.

Eger qanday da bir awir keselin’iz bar ekenin bilsen’iz Qudaydan naliman’. Kerisinshe, ha’mme na’rse ushin minnetdarshiliq bildiriwge a’detlenin’. Doslar, Qudaydin’ O’zi ha’r birewimizdi qorg’asin. Barqulla saw-salamat bolin’.

Ha’r ku’ni bizler ha’r qiyli adamlar ushin duwa etemiz. Ko’binese o’zlerimiz ha’m ag’ayin tuwisqanlarimiz yamasa doslarimiz ushin. Biraq hu’kimetimiz ushin kim duwa etedi? Duris, olar ushin geybir adamlar duwa etedi, biraq turaqsiz ra’wishte. Doslar, ne dep oylasiz? Olar ushin duwa etiwimiz ne ushin ju’da a’hmiyetli?

Bunin’ birinshi sebebi bul, tinish o’mir su’riwimiz ushin. Muxaddes Kitapta bilay jazilg’an, “Quday aldinda ha’mme adamlar ushin sorap, duwa etip, jalbarinip, minnetdarshiliq bildirsin, patshalar ha’m basshilar ushin da duwa etsin. Sonda bizler Qudaydin’ joli menen hadal jasap, paraxat ha’m tinish o’mir su’remiz”. Ma’mlekettegi hu’kimet ha’m ta’rtip bul – Qudaydin’ nizami, sebebi Muxaddes Kitapta bilay jazilg’an jeri de bar: “Qudaydan bolmag’an hesh qanday hu’kimet joq, bar bolg’an hu’kimetlerdin’ ha’mmesi de Quday ta’repinen ornatilg’an”. Demek, bul hu’kimet ushin duwa etiwimizdin’ ekinshi sebebi.

Qudaydi su’yetug’in adam Oni ha’mme waqit quwantiriwg’a ha’reket etedi; Onin’ erkin bilgen adam bolsa, oni orinlaydi. U’shinshi sebep, menin’ pikirimshe en’ tiykarg’i sebeplerdin’ biri, olar da ha’mme adamlar qatari qutqariliwg’a mu’ta’j bolg’anlar: “Ol (yag’niy Quday) pu’tkil adamlar haqiyqatti bilip, qutqariliwin qa’leydi”. Patshalardi, ha’m barliq hu’kimet basshilarin da Quday su’yedi.

Quday olardin’ da qutqariliwin ju’da qa’leydi. Biraq “Ol haqqinda isitpegen bolsa, Og’an qalay iseniwi mu’mkin?” Sonin’ ushin da Quday bizlerdi olardin’ aldina jiberedi, olar da Xosh Xabardi esitip, ma’n’gilik o’mirge erisiwi ushin.

Sonin’ ushin qa’dirli doslar, pa’k qollarimizdi ko’terip, bizlerdin’ u’stimizden qoyg’an patshalar ha’m hu’kimet basshilari ushin barqulla duwa eteyik.

Qudaydan olarg’a danaliq, sabirliliq, den -sawliq sorayiq. Patsha Sulaymannin’ hikmetlerinde bilay jazilg’an: “Patshanin’ ju’regi Qudaydin’ qolinda. Sonin’ ushin qa’dirli doslar, barqulla basqalar ushin duwa etiwden sharshaman’lar – dep sizler menen keyingi esittiriwimizde ushrasqansha xoshlasamiz. Xosh saw aman bolin’.

“A’skeriy adamlardi hu’rmet etemen”, dep aytiw “Men a’skeriy adamlardan qorqaman” degen frazag’a jaqin eken. Hu’rmet etiw degendi ko’pshilik adamlardin’ oylag’aninday tek g’ana boysiniw, jasi u’lkenlerdi ha’m joqari orinlardag’ilardan qorqiw degendi bildirmeydi. Ko’p jillar aldin adamnin’ jasi, atag’i, qaysi milletten kelip shiqqani, jumistag’i lawazimina qarap hu’rmet etiliwi, xaliq arasinda qanday da bir a’detke kirgen edi. Ja’miyette o’z ornin joytqan adamlar – jumissizlar, dinsizler, tilenshilerdi kerisinshe pisent etilmeytug’in a’detke kirgen edi. Solay etip, qalayinsha hu’rmetke iye boliw, oni uslap turiw, oni adamlarg’a da’lillew ha’m jog’altiw mu’mkin degen soraw tuwiladi.

Evropali filosoflar, insan na’rsege qarag’anda a’lbette hu’rmetke iye ha’m basqalar da buni moyinlawi tiyis dep esaplaydi. Jinislar ortasindag’i hu’rmetke toqtasaq, Albert Kamustin’ “Qorqinishqa tiykarlang’an hu’rmetten jamani joq” dep aytip o’tken eken. Ku’ndelikli turmistan baslap tap siyasat ha’m show-bizneste de o’z-ara hu’rmet ha’m itibar jetispesewshiliktin’ sebebi birew – bul adamlar hu’rmet etiwdi bilmegenlikleri eken.

Qariwli qarim-qatnas quriwda o’z-ara hu’rmet etiw ju’da a’hmiyetli sanaladi. Muxaddes Kitapta hu’rmet haqqinda ko’p ma’rte aytilg’an. Misali Elshiler kitabinda Petr bilay dep aytqan: “Qudaydin’ adamlardi ayirmaytug’inin, biraq O’zinen qorqqan ha’m haq is islewshi adamdi milletine qaramay qabil etetug’inin”, tagi Efesliler kitabinda “Ha’y, xojayinlar, sizler de qullarin’izg’a usinday qatnasta bolip, olardi qorqitiwdi toqtatin’lar, …sebebi Aspandag’i Iyemiz olardi da su’yedi ha’m hu’rmet etedi” degen.

Doslar, kelin’ler, bir-birimizdi hu’rmet etip jasayiq. Hu’rmetli tin’lawshilar sizler menen keyingi esittiriwlerimizde ja’ne ushrasqansha saw-salamat bolin’.

Oraza tutiwdin’ waziypasi haqqinda Muxaddes Kitapta bilay aytilg’an: “Men qa’legen oraza – adalatsizliq shinjirlarin sheshiw, moyintiriq jiplerin u’ziw, ezilgenlerdi azat etiw, ha’r qanday moyintiriqti sindiriw emes pe? …jaqinlarin’izdan ja’rdemizn’izdi ayaman’” (Iyshaya 58:6-7). Oraza tutiw usi waziypalardin’ ha’tteki birewin orinlasa da, ruwxiy shipa izlegen ha’r bir adam boysiniwshiliqqa qa’dem qoyg’an bolar edi. Kim shaytannin’ moyintiriqlarinan azat boliwdi qa’lemeydi? Qudaydin’ ku’shi o’zinin’ o’mirine ha’m is-ha’reketine kiriwine kim mu’ta’j emes? Kim hesh bolmag’anda bir negativ sezimnen qutiliwdi qa’lemeydi?

Bizler ha’mmemiz buni qa’leymiz. Onda bizlerdi oraza tutiwdan ne uslap turipti? Sawatsizliq ha’m qorqinish. Bizler Muxaddes Kitapta oraza tutiw haqqinda ne dep aytilg’anin ha’m onin’ a’jayip imkaniyatlari tuwrali hesh na’rse bilmeydi ekenbiz. Eger awqatlanbay uyqilawg’a jatag’oysaq, tu’nde ashliqtan o’lip qoliwdan qorqamiz. Yamasa basimiz awiriwi, qusqimiz kelip, ha’lsirep, miyimiz aylaniwi mu’mkin degen oylar qorqitadi. Biraq sog’an qaramastan, bu’gin kelin’, orazanin’ jaqsi ta’replerin ko’rsetetug’in bir neshe da’lillerdi ko’rip shig’amiz.

Eski ha’m Jan’a Kelisimde oraza tutiw seksen ma’rteden de ko’birek tilge aling’an eken. Iysanin’ O’zi de oraza tutqan. Eger oraza tutiw bizlerdin’ den-sawlig’imizg’a ziyan, paydasiz bolsa, Muxaddes Kitapta bunshelli ko’p aytilmag’an bolar edi dep oylaymiz. Oraza – bul ruwxiy shinig’iw bolip, oraza waqtinda a’dette bizler ibadat etiw menen shu’g’illanamiz. Quday menen so’ylesemiz, birge waqit o’tiremiz. Bul bizlerge jaman ta’sir etkizbeydi, kerisinshe o’mirimiz ta’rtipke keledi. Ta’rtip bolsa ha’mme waqit siyliqlanadi.

Fizikaliq shinig’iwlardi etip denemiz ushin siy alg’animizday, oraza ko’rinisindegi ruwiy ta’rtip te ruwxiy siyliqlanadi. Oraza bizlerdin’ ruwximizdi, kewlimizdi ha’m denemizdi pa’kleydi. Oraza bizlerdi Qudaydin’ ju’zin izlewge ha’m Ol menen jaqin qarim qatnasta boliwg’a u’ndeydi. Qudaydin’ dawisin esitiwge ha’m Onin’ erkin tu’siniwge ja’rdem beredi. Bizler oraza haqqinda budan da ko’birek sa’wbetlesiwimiz mu’mkin, biraq waqitimiz shegaralang’ani ushin sizler menen keyingi esittiriwimizge shekem xoshlasamiz. Xosh saw-salamat bolin’ hu’rmetli doslar.

Sha’kirtlerinin’ ju’zleri awir bir ko’riniske keldi. Iysa olarg’a ja’ne bilay dedi: “Balalarim, Men sizlerdi su’yemen, ju’reklerin’iz qiynalmasin, Men sizlerdi jetim qaldirmayman”, usi so’zlerdi aytip turg’anda sha’kirtleri o’zlerin ku’shsiz, isenimsiz ha’m qorqinish penen Og’an qarap turg’an edi. Olar qorqip ha’m ha’weterge tu’sip, ta’shwishlene basladi. Olar o’zlerin tap ata-anasinan ayirilip qalg’an jetim balalarday qilip sezdi. Iysa olarg’a qarap turip, “Qa’ne turin’lar, bul jerden keteyik”, – dedi. (Yuxan 14:31). Olar ol jerden, ha’r dayim ibadat etiwge baratug’in jerge qaray ketti. Jolda baratirip ju’zim ag’ashinin’ aldinda toqtap: “Men haqiyqiy ju’zim ag’ashiman, al A’kem bag’man” – dedi.

Son’ Iysa bag’man menen ju’zim ag’ashinin’ mu’na’sa’betleri, bag’mannin’ ju’zim ag’ashina bolg’an g’amxorlig’i haqqinda aytip berdi. Biraq sol waqitta bular sha’kirtlerinin’ esitkileri kelmegen na’rseler edi. Biraq olar Iysani diqqat penen tin’lag’anlarinda, Iysa olardin’ a’jayip keleshegi haqqinda aytip atirg’anlarin tu’singen bolar edi. Olar Iysa Masiyxti shini menen Masiyx, patsha bolip kelgen, bizlerdi Rimlilerdin’ azabinan qutqaradi dep oylag’an. Biraq olar ku’tken na’rseler bolmadi. Doslar, sizlerde de usinday bolg’an ba? Quday menin’ o’mirimde minani yamasa anani qiladi dep oylaysiz, biraq siz ku’tken na’rse bolmaydi. Usinday jag’day siz benen de bolg’an ba? Onda diqqat penen bizlerdi tin’lan’. Men de aldin Yuxannin’ 13-15 baplarin tu’sinbey Qudaydan qapa bolip, ashiwim kelgen waqitlarida boldi. Quday menin’ qa’lewim boyinsha mag’an ja’rdem beredi, dep oyladim.

Son’ oylanip qarasam, menin’ qa’tem Onin’ So’zlerin diqqat penen esitpegenim ushin eken. Biraq Quday meni qayta -qayta bag’dag’i so’zlerdi esitiwime ha’m olar haqqinda oylawima u’ndedi. Quday Mennen qa’legeni bul mol jemis beriw bolg’an eken. Sol waqitta ne ushin Quday mag’an usi baplardi qayta-qayta ko’rsete bergenin endi tu’sindim. Iysa da sol waqitta ju’zimnin’ ag’ashin uslap turip sha’kirtlerine O’zi ketkennen son’ qalay jasaw kerek ekenligi haqqinda aytqan eken. Ol bag’man menen ju’zim ag’ashinin’ sirlarin aship turg’an eken. Bag’man menen ju’zim ag’ashinin’ sirlari, ha’r bir a’ke o’zinin’ perzentinin’ fizikali, emotsional ha’m ruwxiy saw-salamat, ku’shli ha’m berekeli boliwin qa’legeni eken. Doslar, basqasha etip aytqanda oni shan’araq sirlari dep te atasaq boladi. Quday bizlerden neni qa’leydi? Bul haqqinda keyingi esittiriwlerimizde toliq sa’wbetlesemiz. Sizlerge Yuxannin’ 13 babtan 15 bapqa shekemgi jerlerin oqip shig’iwdi ma’sla’het berip, sizler menen ha’zirshe xoshlasamiz. Saw-aman bolin’ doslar.

Bazi waqitlari bizlerdin’ ibadatlarimiz ku’tkenimizden de ko’birek pariqlanadi, basinda bizler olardi sezbeymiz. Aradan bir qansha waqit otkennen son’ tu’sinemiz. En’ a’hmiyetlisi, ibadatlarimizg’a juwap alsaqta ya almasaqta – Qudayg’a bolg’an isenimimizde ku’shli sadiqliq penen turiwimiz kerek.

Ibadatlarimiz uzaq waqit juwapsiz qalsa ila’jsizliqqa tu’semiz, u’mitlerimizdi joytamiz. Quday bizlerdi esinen shig’ardi dep oylaymiz. Ibadat etiwdi toqtatip, ibadatxanag’a bariwdi da toqtatamiz. Muxaddes Kitapti oqiwdi qa’lemeymiz. Qudaydin’ erkine qulaq salmay: “Budan mag’an ne payda” – dep soraymiz. Bazi waqitlari Qudayg’a g’a’zeplenemiz. Bizler juwaplarimizdi eki ha’pte, ya eki ay, ya eki jil bolsin – uliwma hesh qansha ku’tiwdi qa’lemeymiz. Ibadatqa juwap hesh qashan almasaq ne? Bul ju’da awir, bizler bolsa azap shegiwdi qa’lemeymiz.

Bir kisinin’ jaqin adami qatti kesel ekenin ko’z aldin’izg’a keltirip ko’rin’. Shipakerler u’mit joq dep atir. Usinday waqitta pu’tkil ja’ma’a’t, tuwisqanlar birlesip, kesel adam ushin tinimsiz duwa etedi. Kesel adamnin’ jaqinlari Qudayg’a jalbarinip, u’mit penen juwap ku’tedi. Biraq olar ku’tken na’rse bolmaydi. Quday kesel adamdi O’zinin’ qasina aliwdi maqul ko’rdi. Qalg’an iymanlilardin’ tileklerine qarsi is qildi. Bunin’ sebebin tek g’ana Quday biledi, biraq iymanlilar, a’sirese kesel adamnin’ jaqinlari buni tu’sinbeydi. Quday ibadatlarimizg’a juwap bermedi, dep dili wayran boladi. Qudayg’a qapa boladi, azaplanadi. Bul azaplar adamnin’ ju’regin jaraqatlaydi. Ol adamg’a tinishliq bermeydi.

Azap shegiwimizdin’ ma’nisi bar ma? Azap, qayg’i hesh kimdi shetlep o’tpeydi. Ha’mmemiz ol menen waqti kelgende ushirasamiz. Hesh kim budan qaship kete almaydi. Bazi waqitlari qayg’i ha’m ha’siretlerdin’ sebebi oylap etilmegen islerimiz yamasa gu’nalarimiz boliwi mu’mkin. Bazi waqitlari shaytannin’ ha’reketleride bug’an sebep boladi. Bazi waqitlari bizler Quday buyirg’aninday is qilg’animiz ushin azap shegemiz. Hesh kim o’z qa’lewi menen azap shegiwdi qa’lemeydi. Biraq jaqsi xabar bilay bolip, azap, qayg’ilardin’ miywesi olardan alding’i qiyinshiliqlardan u’stin boladi. Qa’dirli doslar, Juwapsiz ibadatlar ha’m azap shegiwdin’ miywesi haqqinda biliwdi qa’lesen’iz, bizlerdin’ danaliq.com saytimizg’a marhamat. Ja’nede o’z pikirlerin’iz bolsa da bizlerge jollan’, bizler olardi u’lken qizig’iwshiliq ha’m quwanish penen oqip, bo’lisemiz.