Bizlerdin’ xizmetimiz iseniwshilerge bolg’an xizmet ha’m bizlerdin’ tapsirmamiz imansizlarg’a bolg’an xizmet dep ataladi. Du’nyadag’i tapsirmamizdi orinlawimiz Qudaydin’ o’mirimizdegi ma’qsetimiz esaplanadi. Bunin’ bir bo’legi basqa masixiyler menen bo’lisiw bolsa, basqa bo’legi bizler ushin berilgen jalg’iz tapsirma bolip tabiladi. Hu’rmetli tuwisqanlar, anglichan tilindegi “missiya” so’zi latinsha “jiberiw” so’zinen kelip shiqqan.

Masixiy boliw bul, du’nyag’a Masixtin’ wa’kili iretinde jiberiliwdi bildiredi. Iysa bilay degen: “Tinishliq sizlerge yar bolsin! A’kem Meni jibergeni siyaqli, Men de sizlerdi jiberip atirman”. Doslar, Iysanin’ bul so’zlerin Yuxan kitabinin’ 20 bap 21 ayatinda oqip ko’rsen’iz boladi. Iysa jerdegi O’zinin’ o’mirindegi ma’qsetin aniq tu’sinip bilgen. Doslar, esin’izde me, Ol on eki jasinda bilay degen edi: “Meni izlewdin’ ne keregi bar edi? A’kemnin’ u’yinde boliwim kerek ekenin bilmedin’iz be?” Luka kitabi 2 bap 49 ayatta.

Jigirma bir jildan son’ atanaq ag’ashta jan tapsirip atirg’aninda: “Orinlandi! – dedi de, basin iyip, jan tapsirdi”. Bul so’zleri Yuxan 19 babi 30 ayatinda aytilg’an. Tap kitaptin’ juwmag’ina uqsap, bul eki ga’p jaqsi ha’m ma’qsetli o’mirdi bildiredi. Iysa A’kesi bergen tapsirmani orinlap, juwmaq jasag’an edi. Iysag’a berilgen tapsirma ha’zirgi ku’ni bizlerdin’ tapsirmamiz bolip esaplanadi, sebebi bizler Masiyxtin’ denesimiz. Ol O’zinin’ fizikaliq denesinde etken isin bizler Onin’ ruwxiy denesi bolip, yag’niy ja’ma’a’tte orinlawimiz kerek.

Doslar bul tapsirma o’zi ne eken dep oylap atirg’an shig’arsiz? Tapsirmani a’piwayi etip aytatug’in bolsaq bul “Adamlarg’a Qudaydi tanistiriw ya’gniy tanitiw! Muxaddes Kitapta bilay deydi: “Bunin’ ha’mmesi Qudaydan. Quday Masiyx arqali bizlerdi O’zi menen jarastirdi ha’m adamlardi O’zi menen jarastiriw xizmetin bizlerge tapsirdi”. 2 Korinflilerge xatinin’ 5 bap 18 ayati. Quday adamlardi shaytannan qutqariwdi ha’m O’zi menen jarastiriwdi ha’m usi arqali o’mirimizdegi bes ma’qsettin’ orinlaniwin qa’leydi. Bul bes ma’qsetler neler eken dep oylanip atirg’an shig’arsiz ya doslar? Bul: Qudaydi su’yiw, Onin’ perzenti boliw, Ol siyaqli boliw, Og’an xizmet etiwdi ha’m basqalarg’a Ol haqqinda aytiw bolip esaplanadi.

Bizler Onin’ perzenti bolg’animizdan son’, bizlerdin’ basqalarg’a Ol haqqinda aytiwimizdi, bo’lisiwimizdi, Onin’ su’yispenshiligine, miyrim-sha’pa’a’tine, ha’m qutqarliwina iye boliwlari ushin olardi shaqiriwimizdi qa’leydi. Doslar, Iysag’a kelin’. Onin’ qutqariliw siyina iye bolin’ dep sizlerge shin ju’rekten aytamiz. Ol bizlerdi qutqaradi ha’m son’ du’nyag’a jiberedi. O’ytkeni Muxaddes Kitaptin’ 2 Korinflilerge 5 bap 20 ayatinda bilay jazilg’an: “Solay etip, bizler Masiyxtin’ elshilerimiz. Quday bizler arqali adamlarg’a xabarlasip, o’tinish etip atir”. Bizler du’nyag’a Qudaydin’ su’yispenshiligi ha’m Onin’ ma’qsetin tarqatiwshi elshilerimiz. Hu’rmetli tin’lawshilar, sa’wbetimizdin’ dawamin bizlerdin’ danaliq.com saytimizda tin’lawg’a shaqirip qalamiz. Xosh saw-aman bolin’!

Shetten qarag’anda, onin’: “Men hesh qashan jen’ilmewim kerek”, degen jeke nizamg’a boysinip jasaytug’ini ko’rinip turar edi. Tap usi na’rse onin’ kewli wayran boliwina sebepshi edi. Imtixan alg’an ag’zalardi ayiplawdin’ ornina, imtixandi qaytaldan tapsiriw an’satraq bolar edi.

Ja’ne bir mashqala bul – ko’binese burin keshirilmegen qapashiliqlar da sezimlerimizge o’z ta’sirin o’tkizip turadi. Basqa adamlardi nahaq ayiplamawimiz ushin o’zlerimizdi duris tu’siniwge ha’m basqalarg’a bolsa biyg’a’rez baha beriwge u’yreniwimiz kerek. Kelispewshilik sebeplerin birme-bir u’yrenip, ishki sezimlerimizdi duris bahalag’animizdan son’, keyingi basqishqa, yag’niy basqa adamdi tu’siniwge ha’reket etiwimiz kerek. Frantsuz xalqinin’ “Ha’mmesin tu’siniw bul keshiriw”, degen maqal bar. Eger tu’sinbewshiliktin’ sebebin aniqlasan’iz, ma’sele o’z-o’zinen sheshim tabadi. Biraq bul menen isimiz tawsilmaydi. Keshirim beriw jolinda, tu’siniwge ha’reket etiw menen bizler qaysi isti aqlaw mu’mkin, qaysi isti keshiriw kerek ekenin aniqlap alamiz.

Olar o’zlerin Iysanin’ aldinda qutqariwshig’a mu’ta’j bolg’an gu’nakar dep ta’n alarmedi? Yaq, olar Onnan qarji siyaqli bayliqti ku’ter edi. Ruwxiy na’rseler olardi qiziqtirmaytug’in edi. Olar qarjilay bolg’an bayliqqa iye boliwin qa’leydi. Eger insan Muxaddes Kitap ta’limatina pul, yamasa basqada na’rselerge iye boliwi ushin a’mel qilsa, bul ha’reketi og’an ja’rdem bere almaydi. Iysa jer ju’zine du’nya bayliqlarin beriw ushin kelmedi.

Iysanin’ keliwinin’ haqiyqiy sebebi bar. Quday Iysani jibergeni – bizlerdi shaytannan, gu’nadan ha’m ma’n’gi o’limnen qutqarip, azat etiw ushin jiberdi. “Iysa tawg’a shig’ip, sha’kirtleri menen birge sol jerde otirdi. Yahudiylerdin’ Qutqariliw bayrami jaqinlap qalg’an edi” (Yuxan 6:3-4).

Yahudiylerdin’ Qutqariliw bayraminda olardin’ ata-babalari Misrda o’tkergen son’g’i kesheni yadinda tutip bayramlaydi. Ha’r bir shan’araq qozi soyip, kirer esiktin’ ergeneklerine qan menen su’rtip shig’atug’ininin’ sebebi, o’lim perishtesi olardin’ u’ylerin shetlep o’tkenlerin esleysizlerme?

Quday olarg’a ata-babalarinin’ qutqarilg’anin eslew ushin, ha’r jili qozi soyiwdi olarg’a tapsirg’an edi. Yahudiy xalqi ha’r jili Quddista belgilenetug’in Qutqariliw bayramina keliwi ushin uzaq joldi basip o’ter edi. Yahudiyler Qutqariliwdin’ birinshi keshesinde Misrdan jolg’a atlanip shiqqanina keminde 1400 jil o’tken boliwi mu’mkin. Ne sebepten ko’pshilik yahudiyler Qutqariliw bayramin belgilewdi dawam eter edi? Olardin’ barlig’ida Qudayg’a isenip ha’m Onin’ Qutqariwshisin ku’tken edime? Yaq. Geybirewleri buni u’rip-a’det bolg’anliqtan qa’dirlep kelgen.

Basqalari bolsa, ishlerinen Qudayg’a isenbegen ha’m Ol haqqinda oylamag’an bolsada, sirtqi tamaninan Qudaydin’ nizamina sadiq boliwdi qa’legenleri ushin bul bayramdi belgileytug’in edi. Biraqta tek g’ana bir neshe adamlarg’a Quday olarg’a buni buyirg’ani ha’m olardin’ Qudayg’a wa’de bergenligi, Qutqariwshini jiberiwine isengenleri ushin Qutqariliw bayramin belgileytug’in edi. Doslar, ne dep oylaysiz, Quday qanday wa’delerdi bergen?

Iysa nelerdi qiliwdi aldin ala qarar etken edi. Qa’dirli tin’lawshilar, Qudayg’a iseniwimizdegi birinshi ma’qsetimiz, Qutqariliwg’a iye boliw.

Keleshekte Atamiz benen beyishte birge boliw. Haqiyqatinda da, ayirim jerlerde esitip qalamiz, egerde Qudayg’a isensen’, Onin’ aldinda ha’mme gu’nalarin’ ushin ta’wbe etsen’, Quday qa’legen na’rselerin’nin’ barlig’in beredi eken. Menin’ oyimsha Quday A’kemiz pu’tkil insaniyatqa en’ tiykarg’i ha’m a’hmiyetli na’rseni berdi, olda bolsa Uli Iysa Masiyx arqali.

Masiyxiy tuwisqanlarimizdin’ oylarina ja’ma’a’t shopanlari keledi, basqa adamlardin’ oylarina, tawlarda qoy bag’ip ju’rgen shopanlar keledi. Hu’rmetli doslar, bizler ko’birek, “o’z o’mirin qozilar ushin bag’ishlag’an” sadiq shopandi ko’z aldimizg’a keltiremiz. A’lbette onin’ u’yi ha’mme waqit adamlarg’a tola, Ol ha’mme waqit awiriwlarg’a g’amxorliq qiladi, urisqanlardi jarastiradi, ha’mmege xizmet etedi. Ol ha’tteki o’zinin’ shan’arag’in derlik ko’rmeydi. A’dette onin’ ja’ma’a’ti o’speydi, o’zi bolsa qatti sharshaydi. Tag’i siz basqa shopannin’ isin, zamanago’y “professional” xizmetshini ko’z aldin’izg’a keltiriwin’iz ha’m mu’mkin. Ol adamda Muxaddes Kitap kolledjenin’ diplomi ha’m o’zine isengen adam ko’rinisi boliwi mu’mkin. Jan’a usillar ha’m metodlar onin’ ushin Qudayg’a bag’ishlaniwdin’ ornin basadi, xizmet qiliw bolsa onin’ ka’spi bolip qaladi ha’m jeke o’mirinen ajraladi.

Jigirma birinshi a’sir masiyxiy jetekshisi yamasa basqasha qilip aytatug’in bolsaq, uliwma shopan o’zi qanday boliwi kerek? Qa’dirli doslar, Iyemiz Iysa Masiyx bu’gingi ku’ni ha’m bizlerge jariq misal bola aladi. Ol “professional” xizmetshiden ha’m ulliraq.

Ol O’zin qurban qila alatug’in shin Shopan. Iyemiz Iysa Masiyx O’z sha’kirtleri menen birge jasaydi, olarg’a g’amxorliq qiladi ha’m olar menen o’mirlerinin’ pu’tkil qiyinshiliqlarin birge bo’lisedi. Ol olardin’ o’mirlerin toliq o’zgerttiriwge ha’m barlig’ina jan’a ma’nis beredi.

Iysa Masiyx haqiyqiy jol baslawshi bolip tabiladi. Ha’zirgi ku’nde Sha’kirtlik haqqinda kitaplar ju’da az. Bul haqqinda wazlar ha’m kem esitemiz. Qa’dirli doslar ha’m ja’ma’a’t shopanlari, kelin’ Iyemiz Iysag’a uqsawg’a ha’m Onin’day muxaddes o’mirdi jasawg’a ha’reket eteyik. Ko’pshiligimiz bilemiz Jaratqan Iyemiz ko’plegen ja’ma’a’tlerde a’jayip shopanlardi O’zinin’ xizmetinde isletip kelyatir. Ha’r birimiz o’z shopanlarimiz ushin ha’mme waqit duwada bolayiq. Sebebi olar shaytan menen bolip atirg’an urista aldin’g’i qatarda ju’redi. Quday olardi azg’iriliwlardan saqlap olarg’a ku’sh bersin.

Usinin’ menen doslar bu’gingi temamizdi juwmaqlap sizler menen waqtinsha xoshlasamiz. Saw-salamat bolin’.